2025 ގައި ގައުމީ ކޯޗުންނާއި ކުޅުންތެރިންނަށް މުސާރަ ބޮޑުވާނެ

ސްޕޯޓްސް މިނިސްޓްރީން ބޭއްވި ނޫސްވެރިންގެ ބައްދަލުވުމުގެ ތެރެއިން މިނިސްޓަރު ރާފިއު (ކ) އާއި ސްޓޭޓް މިނިސްޓަރު ރިޔާޒް.--- ފޮޓޯ: އަބްދުﷲ އިޔާން/ އަދަދު

ސްޕޯޓްސް މިނިސްޓްރީން ބޭއްވި ނޫސްވެރިންގެ ބައްދަލުވުމުގެ ތެރެއިން މިނިސްޓަރު ރާފިއު (ކ) އާއި ސްޓޭޓް މިނިސްޓަރު ރިޔާޒް.--- ފޮޓޯ: އަބްދުﷲ އިޔާން/ އަދަދު

ގައުމީ ޓީމުތަކުގެ ކުޅުންތެރިންނާއި ކޯޗުންނަށް ދެމުން އަންނަ މުސާރައިގެ ފަރަގު ނައްތާލާ ކުރިން ދެމުން އައި ވަރަށް ވުރެ ބޮޑު މުސާރައެއް 2025 ވަަނަ އަހަރުން ފެށިގެން ދެވޭނެ ކަމަށް މިނިސްޓްރީ އޮފް ސްޕޯޓްސް، ފިޓްނަސް އެންޑް ރެކްރިއޭޝަންގެ ސްޓޭޓް މިނިސްޓަރު، މުހައްމަދު ރިޔާޒް (ރިޔާޒް) ވިދާޅުވެއްޖެ އެވެ.

މިދިޔަ ހޯމަ ދުވަހު ސްޕޯޓްސް މިނިސްޓްރީން ޕީއެސްއެމް ރޭޑިއޯ ބިލްޑިންގެ ސެނެކޯ މާލަމުގައި ބޭއްވި ނޫސްވެރިންގެ ބައްދަލުވުމެއްގައި، "އަދަދު" އިން ކުރި ސުވާލަކަށް ދެއްވި ޖަވާބުގައި، ރިޔާޒް ވިދާޅުވީ، މިދިޔަ އަހަރުގެ ފަހު ތިން މަހު ގައުމީ ޓީމުތަކުގެ ކުޅުންތެރިންނަށް ދޭން ޖެހޭ މުސާރަ ނުދެވި ލަސްވި ކަމަށެވެ. އެކަމަކު، އެކަންކަން ސަޕްލިމެންޓަރީ ބަޖެޓްގެ ތެރެއިން ހަމަޖައްސައި، ކުޅުންތެރިންނަށް ދީ ނިމުމަކާ ހަމައަށް އަތުވެފައިވާ ކަމަށް ރިޔާޒް ވިދާޅުވި އެވެ.

މި ސަރުކާރުން، ކުޅުންތެރިންނާއި ކޯޗުންނަށް ނޫނީ ޓީމު އޮފިޝަލުންނަށް ދޭ މުސާރައިގެ ކަންކަމުގައި އަމަލުކުރާނެ ގޮތަކީ ކޮބައިތޯ ސުވާލުކުރުމުން ރިޔާޒް ވިދާޅުވީ، އެ އަށް ދޭން އޮތީ "ވަރަށް ކުރު ޖަވާބެއް" ކަމަށެވެ.

"ތިއީ އަޅުގަނޑުމެން ނިންމާފައި އޮތް ކަމެއް. ފުރަތަމަ ހަފްތާ ތެރޭގައި ވެސް ދެކެވިފައި އޮތް ވާހަކައެއް އެއީ، ކުޅުންތެރިންނާއި ހާއްސަކޮށް ކޯޗު، ދެން އެ ކުޅިވަރެއްގެ ގޮތުން އެ ތިބޭ އޮފިޝަލުންގެ މުސާރައިގެ ފަރަގެއް އޮވެގެން ނުވާނެ ކަމަށް،" ކުރިން ވޮލީ އެސޯސިއޭޝަންގެ ރައީސްކަން ކުރެއްވި ރިޔާޒް ވިދާޅުވި އެވެ.

ރައީސުލްޖުމްހޫރިއްޔާ މުހައްމަދު މުއިއްޒުގެ ސަރުކާރުގެ މެނިފެސްޓޯގައި ވެސް ހިމެނޭ އެއް ކަމަކީ ގައުމީ ޓީމުތަކުގެ ކުޅުންތެރިންނާއި އޮފިޝަލުންނަށް ލިބޭ މުސާރަ ބޮޑުކުރުން ކަމަށް ރިޔާޒް ވިދާޅުވި އެވެ. އެކަމަކު، މި ވަގުތު މުސާރަ ބޮޑު ކުރެވެން ނެތް ސަބަބަކީ، މި އަހަރަށް ތައްޔާރުކުރި ބަޖެޓްގައި ނުހިމެނޭ ހަރަދުތަކެއް ކުރަން ޖެހުން ކަމަށާއި އޭގެ ތެރޭގައި "އަރުތަ" ޕްރޮގްރާމަށް އިތުރުކުރި ކުޅުންތެރިންގެ ހަރަދުވެސް ހިމެނޭކަން ރިޔާޒް ފާހަގަކުރެއްވި އެވެ.

"ކުރިން ފާާހަގަކުރިހެން، އަރުތަ ޕްރޮގްރާމްގައި އިތުރުވި ކުޅުންތެރިން، 18 އޮކްޓޫބަރުގައި އިތުރުވި ކުޅުންތެރިންނަކީ މި އަހަރުގެ ބަޖެޓްގައި ވެސް ނުހިމެނި އިތުރު ކުރެވުނު ކުޅުންތެރިން. ބަޖެޓަށް ވެސް ބަލާފައި އިރާދަކުރެއްވިއްޔާ، 2025 ވަނަ އަހަރުގައި ނެޝަނަލް ޓީމުތަކުގެ އެލަަވަންސް ދެވިގެންދާއިރުގައި ކުޅުންތެރިންނާއި އޮފިޝަލުންގެ އެ ފަރަގެއް ނީންނާނެ،" ކުޅުންތެރިންނާއި ކޯޗުންގެ މުސާރައިގެ ފަރަގެއް އޮތުމުން އެ ކަންބޮޑުވުމަށް ހައްލެއް ހޯދައިދެއްވާނެ ކަމުގެ ޔަގީންކަން ދެއްވަމުން ރިޔާޒް ވިދާޅުވި އެވެ.

"އަޅުގަނޑުމެންގެ މެނިފެސްޓޯގައި ހިމެނޭނެ މިހާރު ލިބޭ މުސާރަ ބޮޑުކުރުން ވެސް. އެ ވެސް މި އަހަރު ތެރޭގައި އޭގެ ގްރައުންޑްވޯކް ކުރެވި، އަޅުގަނޑުމެން ކައުންސިލުން އޭގެ ފައިނަލް ލަފާ ހޯދައިފައި ހަމަ އިމްޕްލިމެންޓްކުރާނެ ކަމެއް އެއީ. ކުޅުންތެރިންނާއި އޮފިޝަލުންނަށް އެއްވަރަށް މުސާރަ ދިނުމާއި މިހާރު ދޭވަރަށް ވުރެ ބޮޑުކޮށްދިނުމާ،"

ގައުމީ ޓީމުތަކުގެ ކުޅުންތެރިންނަށް މުސާރަ/އެލަވަންސް ދޭން ފެށީ 2015 ވަނަ އަހަރު އެވެ. އެންމެ ފުރަތަމަ މުސާރަ ދިންއިރު، ކުޅިވަރުތަކުގައި ފަރަގުތަކެއް ހުރި އެވެ. އަދި ކުޅުންތެރިން ވެސް ވަނީ އެކި ގިންތިތަކަށް ބަހާލައިފަ އެވެ.

އެކަމަކު، 2018 ވަނަ އަހަރު، ރައީސް އިބްރާހިމް މުހައްމަދު ސޯލިހުގެ ސަރުކާރުން ކަންކަން ހިންގުމާ ހަވާލުވެ، ޔޫތު މިނިސްޓަރު އަހުމަދު މަހުލޫފް ވަނީ ހުރިހާ ކުޅިވަރެއް ހަމަހަމަކޮށް ގެންދިއުމުގެ ސިޔާސަތެއްގެ ތެެރެއިން، ކޮންމެ ގައުމީ ޓީމެއްގެ ކުޅުންތެރިއަކަށް 5000 ރުފިޔާގެ އެލަވަންސެއް ހަމަޖައްސައިފަ އެވެ.

އެކިއެކި ކުޅިވަރުތަކުގެ ގައުމީ ޓީމުތަކުގެ 328 ކުޅުންތެރިންނަށް އެލަވަންސް/މުސާރަ ދިނުމަށް މަހަކު 1.4 މިލިއަން ރުފިޔާ ހޭދަ ކުރާ ކަމަށް މިދިޔަ ސަރުކާރުގެ ކުޅިވަރާ ބެހޭ ވަޒީރު މަހުލޫފް ވިދާޅުވި އެވެ. އެކަމަކު، އެ މުސާރަ ބަރާބަރަށް ވަގުތަށް ނުލިބޭ ކަމުގެ ޝަކުވާ ކުޅުންތެރިން ކުރެ އެވެ.

ކޮމެންޓް

ފަހުގެ ޚަބަރު

އިންޑިއާ އިން 10 ވަނަ ފަހަރަށް ސާފްގެ ތަށި އުފުލާލައިފި

ޕާކިސްތާން 2-1 އިން ބަލިކޮށް، އިންޑިއާ އިން 10 ވަނަ ފަހަރަށް ސާފް ޗެމްޕިއަންޝިޕްގެ ތަށި ކާމިޔާބުކޮށްފިއެވެ. މިއީ އިންޑިއާ އިން ޖެހިޖެހިގެން މި މުބާރާތުގެ ތަށި އުފުލާލި ތިންވަނަ ފަހަރެވެ. ފުރަތަމަ ހާފުގައި ޕާކިސްތާނުން ލީޑު ނެގި ނަމަވެސް، ދެވަނަ ހާފުގައި އިންޑިއާ އިން ވަނީ ފަހަތުން އަރައި ދެ ގޯލު ޖަހައި މެޗު ކާމިޔާބުކޮށްފައެވެ.

ސުޖަން، 17 އަހަރަށް ފަހު ސްރީ ލަންކާ އަށް ކުޅުން ހުއްޓާލައިފި

ސްރީ ލަންކާގެ ގައުމީ ފުޓްބޯޅަ ޓީމަށް 17 އަހަރު ވަންދެން ކުޅެދިނުމަށްފަހު، އެ ޓީމުގެ ކެޕްޓަން އަދި ގޯލްކީޕަރު ސުޖަން ޕެރޭރާ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ގައުމީ ޓީމަށް 69 މެޗު ކުޅެދީފައިވާ ސުޖަންގެ ރިޓަޔަމަންޓް ފާހަގަކުރުމަށް އަންނަ އަހަރުގެ މާޗް މަހު ހާއްސަ ހަފްލާއެއް ބޭއްވުމަށް ލަންކާ ފުޓްބޯޅަ ފެޑެރޭޝަނުން ވަނީ ނިންމާފައި

އިޔަން އާއި އާމިން ގައުމީ ބޮޑީބޯޑިން ލީގު ޓައިޓަލް ދިފާއުކޮށްފި

މި އަހަރުގެ ގައުމީ ބޮޑީބޯޑިން ލީގުގެ ޗެމްޕިއަންކަން އާމިން އުމަރު މޫސާ ދިފާއުކުރިއިރު، ޖޫނިއާ ލީގުގެ ޓައިޓަލް އިޔަން އަހުމަދު ވަނީ ދިފާއުކޮށްފައެވެ. އާމިން ލީގު ކާމިޔާބުކުރީ ސީޒަން ނިންމާލުމަށް ބޭއްވި ބަނޑުފިލާ ޗެލެންޖުގެ މެންސް އޯޕަން ބައިގެ އެއްވަނަ ހޯދައިގެންނެވެ. އަދި އިޔަން ޖޫނިއާ ލީގުގެ އެއްވަނަ ހޯދީ ބަނޑުފިލާ ޗެލެންޖުގެ ޖޫނިއާ ބައިގެ ފައިނަލުގައި ވާދަވެރި ކުޅުމަކަށްފަހު ކުރިހޯދައިގެންނެވެ.

އިންޑިއާގެ އަމާޒު ހުރީ ޖެހިޖެހިގެން ތިން ވަނަ ސާފް ތަށްޓައް

މި ފަހަރުގެ ސާފް ޗެމްޕިއަންޝިޕް ކާމިޔާބުކޮށް، ޖެހިޖެހިގެން ތިންވަނަ ފަހަރަށް ތަށި ހޯދުމުގެ އަމާޒުގައި އިންޑިއާ މިރޭ ފައިނަލުގައި ޕާކިސްތާނާ ދެކޮޅަށް ނުކުންނާނެ. އިންޑިއާގެ ކޯޗު ނައުޝާދު މޫސާ ބުނިގޮތުގައި، ގިނަ ގޮންޖެހުންތަކަކާއެކު ވެސް މި މުބާރާތް ކާމިޔާބުކުރުމަކީ އެ ގައުމުގެ ފުޓްބޯޅައަށް ލިބޭނެ ވަރަށް ބޮޑު ކުރިއެރުމެއް

ޕާކިސްތާނަށް އިންޑިއާ ބަލިކުރަން އެނގޭނެ: ސޮލާނޯ

ސާފް ޗެމްޕިއަންޝިޕްގެ ފައިނަލުގައި އިންޑިއާ ބަލިކުރަން އެނގޭނެ ކަމަށް ޕާކިސްތާނުގެ ކޯޗު ސޮލާނޯ ބުނެފައިވާއިރު، މިއީ އެ ގައުމުން މި މުބާރާތުގެ ފައިނަލުގައި ކުޅޭ ފުރަތަމަ ފަހަރެވެ. ގްރޫޕް ސްޓޭޖުގައި އިންޑިއާ އަތުން ބަލިވި ނަމަވެސް، ޔޫރަޕްގައި ކުޅޭ މުހިންމު ކުޅުންތެރިންތަކެއް ޓީމާ ގުޅުމަކީ ޕާކިސްތާނަށް ލިބޭ ބޮޑު ހިތްހަމަޖެހުމެކެވެ. އިންޑިއާ އަކީ މި މުބާރާތުގެ ތަށި ނުވަ ފަހަރު ހޯދާފައިވާ އެންމެ ކާމިޔާބު ޓީމެވެ.

ވާޓްޒްގެ ލަނޑުތަަކާ އެކު ޖަރުމަނުން ނެދަލެންޑްސް ބަލިކޮށްފި

ޔުއެފާ ނޭޝަންސް ލީގުގައި ރޭ ކުޅުނު މެޗުން 5-0 ގެ ބޮޑު ތަފާތަކުން ނެދަލެންޑްސް ބަލިކޮށް، ޖަރުމަނުން މުބާރާތުގެ ކުއާޓާ ފައިނަލުގެ ޖާގައެއް ކަށަވަރުކޮށްފި. ފްލޯރިއަން ވާޓްޒް ދެ ލަނޑު ކާމިޔާބުކުރި މި މެޗުގެ ނަތީޖާއާއެކު، ޖަރުމަނުން ވަނީ ގްރޫޕްގެ އެއްވަނަ މަގާމު ވެސް ހޯދާފައި.

ޔުއެފާ އިން ފީފާ އިންތިހާބަށް ނެރުނީ ފްރާްންސްގެ ފުޓްބޯޅަ ރައީސް

އަންނަ އަހަރު ބާއްވާ ފީފާގެ އިންތިހާބުގައި ވާދަކުރަން އާސެން ވެންގާ ދެކޮޅު ހެދުމުން، ޔުއެފާގެ ތާއީދާއެކު ފްރާންސް ފުޓްބޯޅަ ފެޑެރޭޝަންގެ ރައީސް ފިލީޕޭ ޑިއާލޯ އިންތިހާބަށް ކުރިމަތިލައްވައިފި. މި އިންތިހާބުގައި ޑިއާލޯގެ އިތުރުން މިހާރުގެ ރައީސް އިންފަންޓީނޯ އާއި އިތުރު ދެ ކެންޑިޑޭޓުން ވާދަކުރާއިރު، އިންތިހާބު އޮންނާނީ އަންނަ އަހަރުގެ މާޗް މަހުގައި

Newsletter

Get the latest news delivered straight to your inbox