ޕާކިސްތާން ބަލިކޮށް އިންޑިއާ އިން 10 ވަނަ ފަހަރަށް ސާފްގެ ތަށި އުފުލާލައިފި

Nov 17, 2026, 11:04 PM

ފަހަތުން އަރައި 2-1 އިން ޕާކިސްތާން ބަލިކޮށް، އިންޑިއާ އިން 10 ވަނަ ފަހަރަށް ސާފް ޗެމްޕިއަަންޝިޕްގެ ތަށި އުފުލާލައިފި އެވެ. 

އަނެއްކޮޅުން، މިއީ، އިންޑިއާ އިން ސާފް ޗެމްޕިއަންޝިޕްގެ ތަށި ޖެހިޖެހިގެން އުފުލާލި ތިން ވަނަ ފަަހަރެވެ. އަދި، އެކަން ހާސިލްމި ކުރީ ފުރަތަަމަ ފަހަރަށެވެ.

އިންޑިއާ އިން ސާފް ޗެމްޕިއަންޝިޕް ކާމިޔާބުކުރީ، 1993، 1997، 1999، 2005، 2009، 2011، 2015، 2021 ، 2023 އަދި 2026 ވަނަ އަހަރު އެވެ. ސާފް ޗެމްޕިއަންޝިޕްގެ 15 ވަނަ މުބާރާތް ބާއްވާއިރު، 14 މުބާރާތެއްގެ ފައިނަލުގައި އިންޑިއާ ކުޅުނެވެ. 

ބަންގްލަދޭޝްގެ ނެޝަނަލް ސްޓޭޑިއަމްގައި ކުޅުނު މިރޭގެ ފައިނަލް މެޗުގައި ޕާކިސްތާނުން ފަށައިގެން ރަނގަޅަށް ކުޅުނެވެ. އެ ގޮތުން، އެ ޓީމުގެ މެކްކީލް އަބްދުﷲ ޖެހި ރަނގަޅު ހަމަލާއެއް އިންޑިއާގެ ކީޕަރު، އާޝް އަންވަރު ޝެއިހް ވަނީ މަތަކޮށްފަ އެވެ. އޭގެ ފަހުން، އިންޑިއާގެ ބްރިސަން ފެނާންޑޭސް ޖެހި ބާރު ބޯޅައެއް ޕާކިސްްތާންގެ ކީޕަރު ޔޫސުފް ބަޓް ވަނީ މަތަކޮށްފަ އެެވެ. 

ފުރަތަަމަ ހާފުގެ އިތުރު ވަގުތުގައި ޕާކިސްތާނުން ލީޑުނެގީ އަލަމްގީރު އަލީ ގާޒީ ޖެހި ގޯލުންނެވެ. އޭނާ ފޮނުވާލި ބޯޅަ އަމާޒުވީ ގޯލުގެ ކަނަށެވެ. ގްރޫޕް ސްޓޭޖުގެ ފުރަތަމަ މެޗުގައި އިންޑިއާ އިން 3-2 އިން ޕާކިސްތާން ބަލިިކުރި މެޗުގައި އިތުރު ވަގުތުގެ ތެރޭގައި ޕާކިސްތާންގެ ދެ ވަނަ ގޯލު ޖެހީ އަލަމްގީރު އެެވެ. 

ސާފްގެ ފައިނަލުގައި މުޅިން އަލަށް ކުޅުނު ޕާކިސްތާނުން ފުރަތަމަ ހާފުގައި ލީޑުގައި އޮވެ ނިންމާލި ނަމަވެސް ދެ ވަނަ ހާފުގައި އިންޑިއާގެ އެނބުރި އައުން ފެނުނީ ވަރުގަދަކޮށެވެ. ޕާކިސްތާނަށް މައްސަލަ ދިމާވީ، އެ ޓީމުގެ ޖުނައިދު ޝާހު ކުރި ފައުަލަކަށް ރަތެއް ދެއްކުމުންނެވެ. އޭނާ އަށް ރަތެއް ދެއްކީ ވީޑިއޯ އެސިސްޓަންޓް ރެފްރީ (ވީއޭއާރް) އިން ބެލުމަށް ފަހު އެވެ. 

ޕާކިސްތާނުން ކުޅުންތެރިއަކު މަދުވިތާ ދެ މިނިޓް ފަހުން، އިންޑިއާ އިން ލަނޑު ޖަހައި އެއްވަރުކުރި އެވެ. މެޗުގެ 60 ވަނަ މިނިޓްގައި އޭރިއާތެރެއިން ލިބުުނު ބޯޅައެއް އިންޑިއާގެ ފޯވާޑް ސުހައިލް އަހުމަދު ބަޓް ވަނީ ގޯލުގެ ތެރެއަށް ފޮނުވާލައިފަ އެވެ. މިއީ، މި މުބާރާތުގައި އޭނާ ޖެހި ހަތަރު ވަނަ ގޯލެވެ. 

އިންޑިއާ އިން މެޗުގެ ކޮންޓްރޯލް ހޯދައިގެން، ލިބިފައި އޮތް އެޑްވާންޓޭޖުގެ ބޭނުންކުރަމުންދިއުމުގެ ނަތީޖާ ފެނުނީ މެޗުގެ ފުރިހަަމަ ވަގުތު ހަމަވާން ދެ މިނިޓަށް ވެފައި ހުއްޓަ އެވެ. އިންޑިއާ އަށް ޗެމްޕިއަންކަން ހޯދައިދިން ލަނޑު ޖެހީ ކޯނަރެއްގައި ތަނަވަސްވި ފުރުސަތަކުން، ސަންދީޕް މަންޑީ އެވެ. އެ ބޯޅަ ގޯލަށް ވަނީ ކީޕަރު ބަޓް އަތުގައި ޖެހިފަ އެވެ. 

މި ފަަހަރުގެ ސާފް ޗެމްޕިއަންޝިޕުން އިންޑިއާ އިން ވަކިވެދާނެ ކަމުގެ އަޑުފެތުރުނު ނަމަވެސް މަދު ތައްޔާރީތަކަކާ އެކު، ދެ ވަނަ ފަންތީގެ ޓީމެއް އެކި ގޮންޖެހުންތަކާ އެކު އެކުލަވާލައިގެން ވެސް ބަންގްލަދޭޝަށް ފޮނުވައި، އެ ޓީމުން މި ވަނީ ކުޅުނު ހުރިހާ މެޗަކުން މޮޅުވެގެން 10 ވަނަ ފަހަރަށް ތަށި އުފުލާލައިފަ އެވެ. 

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox