އިޔަން އާއި އާމިން ގައުމީ ބޮޑީބޯޑިން ލީގު ޓައިޓަލް ދިފާއުކޮށްފި

Nov 17, 2026, 1:26 PM
ބަނޑުފިލާ ޗެެލެންޖާއި ގައުުމީ ބޮޑީބޯޑިން ލީގު ކާމިޔާބުކުރި އާމިން އާއި އިޔަން ޓައިޓަލް ހިފައިގެން.

ބަނޑުފިލާ ޗެެލެންޖާއި ގައުުމީ ބޮޑީބޯޑިން ލީގު ކާމިޔާބުކުރި އާމިން އާއި އިޔަން ޓައިޓަލް ހިފައިގެން.

ގައުމީ ބޮޑީބޯޑިން ޓީމުގައި ހިމެނޭ އާމިން އުމަރު މޫސާ އާއި އިޔަން އަހުމަދު، ގައުމީ ބޮޑީބޯޑިން ލީގާއި ޖޫނިއާ ލީގުގެ ޓައިޓަލް ދިފާއުކޮށްފި އެވެ. 

މި އަހަރުގެ ބޮޑީބޯޑިން ސީޒަން ނިމުނީ ގައުމީ ބަނޑުފިލާ ޗެލެންޖުންނެވެ. އެ މުބާރާތުގެ މެންސް އޯޕަން ބައިގެ ޗެމްޕިއަންކަން އާމިން ހޯދީ ފައިނަލް ހީޓުގައި އަލީ ޖާވިދު (ޖާއްޓެ)ގެ މައްޗަށް ކުރިހޯދައިގެންނެވެ. އާމިން ވަނީ ފައިނަލް ހީޓުގައި، 11.77 ޕޮއިންޓް ސްކޯކޮށްފަ އެވެ. އަދި، ޖާއްޓެ އަށް އެއްކުރެވުނީ 10.00 ޕޮއިންޓެވެ. 

 މި ފަހަރުގެ ބުރު ޝިކާރު ޗެލެންޖުގެ ޗެމްޕިއަންކަން ހޯދައި ރަންދާ ބޮޑީބޯޑިން ޗެލެންޖުގެ ދެ ވަނަ އަށް ދިޔަ އާމިން ގައުމީ ލީގުގެ ޗެމްޕިއަންކަން ހޯދިއިރު، 2990 ޕޮއިންޓް ސްކޯކުރި އެވެ. ދެ ވަނަ އަށް ދިޔަ އަސްވާން މުހައްމަދު 2377 ޕޮއިންޓް އަދި ތިން ވަނަ ހޯދި އަޝްރަފް ހަސަން ވަނީ 2265 ޕޮއިންޓް ސްކޯކޮށްފަ އެވެ. އަޝްރަފް ވަނީ ރަންދާ ބޮޑީބޯޑިން ޗެލެންޖު ކާމިޔާބުކޮށްފަ އެވެ. 

އަދި، ހަތަރެއްގައި ނިންމި ރާއްޖޭގެ އެންމެ ކާމިޔާބު ބޮޑީބޯޑަރު، އަލީ ހުޝްރުވާން އަހުމަދު (ކުޑަ އައްޔަ) އާއި ޖޫނިއާ ލީގުގެ ޗެމްޕިއަންކަން ދިފާއުކުރި އިޔަން އަށް ވަނީ 2156 ޕޮއިންޓް ލިބިފަ އެވެ. 

ބަނޑުފިލާ ޗެލެންޖުގެ ސެމީ ފައިނަލުގައި އާމިން އަތުން ބަލިވި އިޔަން ވަނީ ޖޫނިއާ ފައިނަލުގައި އަހުމަދު ޖިވާއު ޖިހާދުގެ މައްޗަށް ކުރިހޯދައިފަ އެވެ. ފައިނަލް ހީޓުގައި އިޔަން ސްކޯކުރީ 10.90 ޕޮއިންޓެވެ. ދެ ވަނަ އަށް ދިޔަ ޖިވާއު ވަނީ 9.80 ޕޮއިންޓް ސްކޯކޮށްފަ އެވެ. 

ޖޫނިއާ ލީގުގެ ޗެމްޕިއަންކަން އިޔަން ހޯދީ 2557 ޕޮއިންޓް ސްކޯކޮށްގެންނެވެ. ދެ ވަނަ އަށް ދިޔަ ޖިވާއު ވަނީ 2531 ޕޮއިންޓް ހޯދައިފަ އެވެ. 

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox