ބަޖެޓަށް ދެއްވި ލަފަޔާ އެކު އެމްޑީޕީގެ މެމްބަރުންގެ ނުރުހުން ގަވަރުނަރަށް!

އެމްއެމްއޭގެ ގަވަރުނަރު އަލީ ހާޝިމް ރަސްމިއްޔާތެއްގައި ވާހަކަދައްކަވަނީ. ރައްޔިތުންގެ މަޖިލީހުގެ އެމްޑީޕީ ބައެއް މެމްބަރުން މިއަދު އޭނާއަށް ވަރަށް ބޮޑަށް ފާޑުވިދާޅުވި. ފޮޓޯ: އަބްދުޣﷲ އިޔާން/އަދަދު

އެމްއެމްއޭގެ ގަވަރުނަރު އަލީ ހާޝިމް ރަސްމިއްޔާތެއްގައި ވާހަކަދައްކަވަނީ. ރައްޔިތުންގެ މަޖިލީހުގެ އެމްޑީޕީ ބައެއް މެމްބަރުން މިއަދު އޭނާއަށް ވަރަށް ބޮޑަށް ފާޑުވިދާޅުވި. ފޮޓޯ: އަބްދުޣﷲ އިޔާން/އަދަދު

އަންނަ އަހަރަށް ލަފާކޮށް، ސަރުކާރުން ރައްޔިތުންގެ މަޖިލީހަށް ހުށަހަޅާފައިވާ ދައުލަތުގެ ބަޖެޓަށް މަރުކަޒީ ބޭންކް (އެމްއެމްއޭ) އިން ދިން ލަފަޔާ ގުޅުވައި، މަޖިލީހުގެ އެމްޑީޕީ ބައެއް މެމްބަރުން، ގަވަރުނަރު އަލީ ހާޝިމަށް މިއަދު ވަރަށް ބޮޑަށް ފާޑުވިދާޅުވެއްޖެ އެވެ.

އަންނަ އަހަރަށް ލަފާކުރާ ބަޖެޓަށް އެމްއެމްްއޭއިން ދިން ލަފާގައި ހިމެނޭ އެންމެ މުހިއްމު އެއް އިރުޝާދަކީ، ސަރުކާރުން ހުށަހަޅާފައިވާ ގޮތަށް ޓެކްސް ބޮޑުނުކުރުމެވެ. ދައުލަގެ ރިކަރެންޓް ހަރަދުކުޑަކުރަން ވެސް އެމްއެމްއޭގެ އިސްތިޝާރީ ލަފާގަައި އިރުޝާދު ދިނެވެ.

ބަޖެޓް ދިރާސާކުރަން މަޖިލީހުން ނެގި ކޮމިޓީން މިއަދު ބޭއްވި ބައްދަލުވުމުގައި ގަވަރުނަރު އަލީ ހާޝިމް ބައިވެރިވެވަޑައިގެން، ލަފާ ހުށަހެޅުއްވުމުން، މެމްބަރުން އޭނާއާ ސުވާލުކުރަން ކޮމިޓީގެ މުގައްރިރު އަދި ކިނބިދޫ ދާއިރާގެ މެމްބަރު މުހައްމަދު ނާޝިޒު ހުޅުއްވައިލެއްވި އެވެ. އެމްއެމްއޭގެ ލަފަޔަށް އެ ފުރުރުސަތުގައި އެންމެ ފުރަތަަމަ ފާޑުވިދާޅުވީ ހަނިމާދޫ ދާއިރާގެ އެމްޑީޕީ މެމްބަރު އަބްދުލް ޣަފޫރު މޫސާ އެވެ.

ޣަފޫރު ތުހުމަތުމަތުކުރެއްވީ އެމްއެމްއޭގެ ލަފާ އޮތީ އެއް ފަރާތަކަށް ބުރަވެ، ވަކި ބަޔަކު ބޭނުންވާ ގޮތަށް ބައްޓަން ކޮށްފައި ކަަމަށެވެ. އެމްއެމްއޭގެ ލަފާގައި ރަނގަޅު އެއްވެސް ކަމެއް ނެތް ކަމަށް ވެސް އޭނާ ވިދާޅުވި އެވެ. ކޮވިޑް-19 ގެ ބަލިމަޑުކަމަށް ފަހު އެންމެ އަވަހަށް ރަނގަޅުވާން ފެށީ ރާއްޖޭގެ އިގުތިސާދު ކަމަށާއި އެއީ ސަރުކާރުން ވަރަށް ގިނަ މަސައްކަތްތަކެއް ކުރީމާ ކަމަށާއި އެހެން ނަމަވެސް ލަފާގައި އެކަން ފާހަގަކޮށްފައި ނެތް ކަމަށް ވެސް އޭނާ ވިދާޅުވި އެވެ.

"އެެހެންވީމާ މި ހުރިހާ ކަމަކަށް ރިއާޔަތް ކުރާ އިރު މިއީ ވަރަށް ބޮޑަށް އެއް ފަރާތަކަށް ޖެހިފައި އޮތް ލަފައެއް ކަަމަަށް އަޅުގަނޑަށް ފާހަގަކުރެވުނީ. ވަކި ބަޔަކު ބޭނުންވާ ގޮތަށް ބައްޓަންކޮށްގެން ނެރެގެން މިތަނަށް ފޮނުވާފައި އޮތް ލަފައެއް ކަމަށް،" ޣަފޫރު ވިދާޅުވި އެވެ.

ލަފަޔަށް އެގޮތަށް ފާޑުވިދާޅުވުމަށް ފަހު އޭނާާ އެއްވެސް ސުވާލެއް ނުކުރައްވަ އެވެ.

ދުވާފަރު ދާއިރާގެ އެމްޑީޕީ މެމްބަރު އިސްމާއީލް އަހުމަދު ގަވަރުނަރު އަލީ ހާޝިމަށް ގިނަ ސުވާލުތަކެއް ކުރެއްވުމަށް ފަހު ތުހުމަތުކުރެއްވީ އެމްއެމްއޭގެ ލަފަޔަކީ ވަރަށް ބޮޑަށް ސިޔާސީ ކުލަޖެހިފައިވާ ލަފައެއް ކަމަށެވެ.

"އަޅުގަނޑަށް ހަމަ ވަރަށް ބޮޑަށް މިއީ ސިޔާސީ ރިޕޯޓެއްގެ ގޮތުގައި ހަމަ ފާހަގަކުރެވޭ،" އިސްމާއީލް ވިދާޅުވި އެވެ.

މަރަދޫ ދާއިރާގެ އެމްޑީޕީ މެމްބަރު އިބްރާހީމް ޝަރީފު ތުހުމަތުކުރެއްވި ގޮތުގައި ބަޖެޓަށް އެމްއެމްއޭ އިން ދިން ލަފަޔަކީ މިއަދުގެ ހަގީގަތަށް ނުވިސްނައި ދީފައި އޮތް ލަފައެކެވެ.

ދާންދޫ ދާއިރާގެ އެމްޑީޕީ މެމްބަރު ޔައުގޫބު އަބްދުﷲ ވެސް ވިދާޅުވީ ބަޖެޓަށް އެމްއެމްއޭއިން ދީފައިވާ ލަފަޔަކީ "ސީދާ ސާފުކޮށް ސިޔާސީ" ލަފައެއް ކަމަށެވެ. އެހެން ވިދާޅުވާ ބައިވަރު ސަބަބުތަކެއް އެބަހުރި ކަަމަށް ވެސް އޭނާ ވިދާޅުވި އެެވެ. އެމްއެެމްއޭގެ ތާއީދު ހޯދައިގެން ސަރުކާރު ވައްޓައިލަން ބަޔަކު މަސަކަތްކުރާ ކަމަށް ވެސް އޭނާ ތުހުމަތުކުރެއްވި އެވެ.

"މިހާރު އަޅުގަނޑަށް މިފެންނަ ފެނުމަކީ ސަލާމަތީ ބާރުތަކުގެ ސަޕޯޓު ނުލިބުނީމާ، މި ސަރުކާރު ވައްޓަައިލަން ތާއީދު ނުލިބުނީމާ އެމްއެމްއޭގެ ސަޕޯޓް ހޯދައިގެން އެމަގަށް ބަޔަކު މަސައްކަތްކުރަމުންދާ ތަން،" ޔައުގޫބު ވިދާޅުވި އެވެ.

މިއަދުގެ ބައްދަލުވުމުގައި، އެމްއެމްއޭގެ ލަފަޔާ ގުޅޭ ގޮތުން މެމްބަރުން ކުރެއްވި ޓެކްނިކަލް ސުވާލުތަކަށް ޖަވާބުދެއްވި ނަމަވެސް ސިޔާސީ ގޮތުން ކީ ފާޑުކިއުންތާއި ސުވާލުތަކަށް ވެސް ގަވަރުނަރު އަލީ ހާޝިމް ޖަވާބެއް ނުދެއްވަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox