ކޮށްދެއްވާނެ ކަމަށް ރައީސް ވިދާޅުވާ ކަންތައްތަކަކީ ވައުދެއް ނޫން: ނަޝީދު

ރައްޔިތުންގެ މަޖިލީހުގެ ރައީސް މުހައްމަދު ނަޝީދާއި ރައީސް އިބްރާހީމް މުހައްމަދު ސޯލިހު، އެމްޑީޕީގެ ކޮންގްރެސްގައި ބައިވެރިވެވަޑައިގަންނަވަނީ. ނަޝީދޔު މިއަދު ވިދާޅުވީ ކޮށްދެއްވާނެ ކަމަށް ރައީސް ވިދާޅުވާ ކަންކަމަކީ ވައުދުތަކެއް ނޫން ކަމަށް. ފޮޓޯ:މުހައްމަދު ޝާބިން/އަދަދު

ރައްޔިތުންގެ މަޖިލީހުގެ ރައީސް މުހައްމަދު ނަޝީދާއި ރައީސް އިބްރާހީމް މުހައްމަދު ސޯލިހު، އެމްޑީޕީގެ ކޮންގްރެސްގައި ބައިވެރިވެވަޑައިގަންނަވަނީ. ނަޝީދޔު މިއަދު ވިދާޅުވީ ކޮށްދެއްވާނެ ކަމަށް ރައީސް ވިދާޅުވާ ކަންކަމަކީ ވައުދުތަކެއް ނޫން ކަމަށް. ފޮޓޯ:މުހައްމަދު ޝާބިން/އަދަދު

ރައީސުލް ޖުމްހޫރިއްޔާއަކު ރަށްރަށަށް ކުރައްވާ ދަތުރުފުޅުތަކުގައި ކޮށްދެއްވާނެ ކަމަށް ވިދާޅުވާ ކަންތައްތަކަކީ ސަރުކާރުތަކުންވާ ވައުދުތަކެއް ނޫން ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.

ރައްޔިތުުންގެ މަޖިލީހުގައި މިހާރު ކުރިއަށްދާ ޖަލްސާގައި ވަޒީރުންނާ ސުވާލުކުރުމުގެ ވަގުތުގައި ކުޑަހުވަދޫ ދާއިރާގެ މެމްބަރު އަހުމަދު އާމިރު ޕްލޭނިން މިނިސްޓަރު މުހައްމަދު އަސްލަމާ ކުރެއްވި ސުވާލަކާ ގުޅިގެން ރިޔާސަތުން ނަޝީދު ވިދާޅުވީ ސަރުކާރެއްގެ ވައުދުތަކަކީ ސިޔާސީ ޕާޓީތަކުގެ މެނިފެސްޓޯގައި ލިޔެފައި ހުންނަ ކަންތައްތައް ކަމަށެވެ.

"އިއްޒަތްތެރި މެމްބަރުން ވަރަށް ގިނައިން ވިދާޅުވޭ ރިޔާސީ ވައުދުތަކުގެ ގޮތުގައި ވެފައިވާ ވައުދުތައް. ދެން އާއްމު އުސޫލެެއްގައި ސިޔާސީ ޕާޓީތަކުން ވެފައިވާ ވައުދުތަކަކީ އެޕާޓީތަކުގެ މެނިފެސްޓޯތަކުގައި ލިޔެފައިވާ ވާހަކަތައް. އިއްޒަތްތެރި މެމްބަރުން ވިދާޅުވޭ، އެވެނި ރަށަކަށް މިވެނި ރަށަކަށް ރައީސުލްޖުމްހޫރިއްޔާ ވަޑައިގެން މިވެނި ވާހަކައެއް ވިދާޅުވި ކަމަށް. އެއީ ވައުދެއް ކަމަށް. އެހެން ނަމަވެސް އަަޅުގަނޑަށް ފެންނަ ފެނުމުގައި ވައުދެއްގެ ގޮތުގައި އަޅުގަނޑުމެން ބަލާން މިޖެހެނީ މެނިފެސްޓޯގައި ލިޔެފައިވާ ވައުދު," ނަޝީދު ވިދާޅުވި އެވެ.

Advertisement

އެމަނިކުފާނު ވިދާޅުވީ އިންތިހާބުތަކުގައި ޕާޓީތަކުން ދައްކާ ބައެއް ވާހަކަތައް އެއީ ކެމްޕޭނަށް ދަމާފައި ހުންނަ ބެނާތަކުގައި، އެ ބެނާތައް ތައްޔާރުކުރި "ކުދިން އަމިއްލައަށް ލިޔެފައިވާ ވާހަކަތައް" ކަމަށް ވެސް ބައެއް ޕާޓީތަކުން ކުރިން ބުނެފައިވާ ކަމަށެވެ.

ވަޒީރުންނާ ސުވާލުކުރުމުގައި ކުޑަހުދޫ ދާއިރާގެ މެމްބަރު އަހުމަދު އާމިރު އަސްލަމާ ކުރެއްވި ސުވާލުގައި އެއްސެވީ އޭނާގެ ދާއިރާއަށް ރައީސް އިބްރާހީމް މުހައްމަދު ސޯލިހު ވެވަޑައިގެންފައިވާ ރިޔާސީ ވައުދުތަކުގައިވާ އެއްވެސް ކަމެއް ނުހިނގަނީ ކީއްވެތޯ އެވެ.

ވައުދުތަކަކީ ކޮބައިކަން ނަޝީދު ތަފްސީލުކޮށްދެއްވީ އާމިރުގެ އެ ސުވާލަށް ޖަވާބު ދެއްވަން އަސްލަމަށް ފުރުސަތު ދެއްވުމުގެ ކުރިންނެވެ. އެއަށް ފަހު ދެއްވި ފުރުސަތުގައި އަސްލަމް ވިދާޅުވީ ކުޑަހުވަދޫ ދާއިރާއަށް ވެފައިވާ އެއްކަމެއް ގައިމުވެސް އެބަ ހިނގާ ކަމަށާއި އެއީ ހައުސިން ޔުނިޓްތަކެއް އަޅަން ބީލަމަށް ހުޅުވައިލުމަށް ކުރަމުން އަންނަ މަަސައްކަތް ކަމަށެވެ.

"[ރައީސް] ވައުދުވެވަޑައިގެން ކަމަށް ވިދާޅުވި ކަަންކަން، އެ ލިސްޓެއް އަޅުގަނޑު އަތަކު ނުއެއް ނެތް. އެހެންވީމާ ތިޔަ ވިދާޅުވި ބަސްފުޅަށް ސީދާ ޖަވާބެއް ދޭކަށެއް އަޅުގަނޑަކަށް ނޭނގޭ،" އަސްލަމް ވިދާޅުވި އެވެ.

އެހެން ނަމަވެސް ކުޑަހުވަދޫ ދާއިރާގައި ހަމަ އެއްވެސް ކަމެއް ނުހިނގާ އޮންނާނެ ކަމަށް ގަބޫލުކުރައްވަން ދަތިކަމަށް ވެސް އޭނާ ވިދާޅުވި އެވެ. އެއާ އެކު ރިޔާސަތުން ނަޝީދު ކުރިން ދެއްކެވި ވާހަކަފުޅު އަނެއްކާވެސް ތަކުރާރުކުރައްވައި އިތުރަށް ތަފްސީލުވެސް ކޮށްދެއްވި އެވެ.

"އަޅުގަނޑު ދެންމެ މި ފާހަގަކުރި ނުކުތާ މި ފާހަގަކުރަނީ ، ރައީސުލް ޖުމްހޫރިއްޔާއަކު އެއްޗެއް ވިދާޅުވީމާ މި މަޖިލީހުގައި އެއީ ވައުދެއް ކަމަށް ނުވަތަ ގާނޫނެއް ކަމަށް ނުވަތަ ހުކުމެއް ކަމަށް ވިދާޅުވެ ވާހަކަ ދެއްކެވުމަކީ އެއްގޮތަކަށް ވެސް ރަނގަޅުކަމެއްނޫން،" އެމަނިކުފާނު ވިދާޅުވި އެވެ.

މިއަދުގެ ޖަލްސާއަށް އަސްލަމް ވަޑައިގެންނެވީ މަހިބަދޫ ދާއިރާގެ ޕީޕީއެމް މެމްބަރު އަހުމަދު ތޯރިގު ކުރެއްވި ސުވާލަކަށް ޖަވާބު ދެއްވުމަށެވެ. ކުޑަހުވަދޫ ދާއިރާގެ މެމްބަރު އަހުމަދު އާމިރު ސުވާލުކުރެއްވީ ތޯރިގުގެ ސުވާލަށް އަސްލަމް ދެއްވި ޖަވާބާ ގުޅިގެން ސުވާލުކުރަން ހުޅުވައިލި ފުރުސަތުގައެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox