މޭޔަރު ހުށަހެޅި 39 މިލިއަން ރުފިޔާއަށް އަމީނީ މަގު ހަދަން އެއްބަސްނުވީ ފެންވަރު ދަށްވާނެތީ: އާރުޑީސީ

އާރްޑީސީގެ މޫސާ އަލީ މަނިކު: ވިދާޅުވީ ފެންވަރު ރަނގަޅު ތާރާއެކު ކައުންސިލުން ބުނާ އަގަށް މަސައްކަތް ނުކުރެވޭނެ ކަމަށް -- ފޮޓޯ: އަދަދު ފައިލް

އާރްޑީސީގެ މޫސާ އަލީ މަނިކު: ވިދާޅުވީ ފެންވަރު ރަނގަޅު ތާރާއެކު ކައުންސިލުން ބުނާ އަގަށް މަސައްކަތް ނުކުރެވޭނެ ކަމަށް -- ފޮޓޯ: އަދަދު ފައިލް

މާލޭގެ އަމީނީމަގުގައި ތާރު އެޅުމުގެ މަސައްކަތް 39 މިލިއަން ރުފިޔާގެ ބަޖެޓަކަށް ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އަށް ހުށަހެޅި ނަމަވެސް އެ އަގުގައި ފެންވަރު ރަނގަޅު ތާރާއެކު މަގު ނުހެދޭނެ ކަމަށް އާރުޑީސީގެ މެނޭޖިން ޑިރެކްޓަރު މޫސާ އަލީ މަނިކު މިރޭ ވިދާޅުވެއްޖެ އެވެ.

މާލެ ސިޓީގެ މޭޔަރު ޑރ. މުހައްމަދު މުއިއްޒު ވަނީ ސަރުކާރުގެ އެ މަޝްރޫއުއާ ގުޅޭ ގޮތުން ގިނަ ތުހުމަތުތަކެއް ކުރައްވައިފަ އެވެ. މި ގޮތުން ސަރުކާރުން 84 މިލިއަން ރުފިޔާއަށް އެ މަޝްރޫއު ކުރިއަށް ދަނީ 39 މިލިއަން ރުފިޔާއަށް ސިޓީ ކައުންސިލުން އެ ކަން ކުރަން އުޅެނިކޮށް ކަމަށް ވެސް ވިދާޅުވި އެވެ.

ޕްލޭނިން މިނިސްޓްރީއާއި އާރުޑީސީ ގުޅިގެން މިރޭ ބޭއްވި ނޫސްވެރިންގެ ބައްދަލުވުމުގައި އަލީ މަނިކު ވެސް ވިދާޅުވީ 39 މިލިއަން ރުފިޔާގެ ބަޖެޓަކަށް އެ މަޝްރޫއު ގެންދަން މޭޔަރު ހުށަހެޅުއްވި ކަމަށެވެ. ނަމަވެސް އެ އަގުގައި އެންމެ ފެންވަރު ރަނގަޅަށް މަގު ނުހެދޭނެ ކަމަށް އޭރު ވެސް ދެންނެވި ކަމަށް މޫކޭ ވިދާޅުވި އެވެ.

"އަޅުގަނޑަށް ދިން ބަޖެޓަކީ 40 މިލިއަނަށް ވުރެ ބޮޑު ނުވާނެހެން ގެންދަން، އޭރު ވެސް އަޅުގަނޑު ދެންނެވިން، ސްޓޯމް ވޯޓާ މެނޭޖްމަންޓް ސިސްޓަމްއާއި ޑީވޯޓަރިންއާ ވެސް އެކުގައި ނޫންހޭ ރައްޔިތުންނަށް ދިމާވެގެން މި އުޅޭ ފެންބޮޑުވުމުގެ ދަތިތަކުން ސަލާމަތް ވާނީ،" އޭނާ ވިދާޅުވި އެވެ.

މީގެ އިތުރަށް ފެންވަރު ރަނގަޅު ތާރު އަޅާ ގޮތަށް މަގު ހެދުމުގެ މަޝްރޫއު ހަދާއިރު މިހާރު ސަރުކާރުން ކަނޑައަޅާފައި އޮތް އަގަށް އަރާނެ ކަމަށް އޭނާ ވިދާޅުވި އެވެ. އަދި ސަރުކާރުން ކުރިއަށް ގެންދާ މަޝްރޫއުގައި އެއްވެސް ކޮރަޕްޝަނެއް ނުހިމެނޭނެ ކަމަށް ވެސް ވިދާޅުވި އެވެ.

"އެންމެ ހޭނުޖެހޭ ވާހަކައަކީ މީގެ ތެރޭގައި ކޮރަޕްޝަން އުޅެއޭ ކިޔާފައި އެ ދައްކާ ވާހަކަ، ކޮރަޕްޝަން އުޅޭ ކަމަށް މޭޔަރަށް އެނގެންޏާ އެ މައްސަލަ ކަމާ ބެހޭ އިދާރާއަށް ހުށަނާޅާ އެ ތިއްބަވާ ތިއްބެވުމަކީ ހައްދަވާ ވަރަށް ބޮޑު ގޯހެއް،" އަލީ މަނިކު ވިދާޅުވި އެވެ.

އަމީނީ މަގު ހަދަން މާލެ ސިޓީ ކައުންސިލާއި އާރުޑީސީއާއެކު އެއްބަސްވުމެއް އޮތް ކަމަށް މޭޔަރު ވިދާޅުވިޔަސް އެފަދަ އެއްބަސްވުމެއް ވެސް ނޯންނާނެ ކަމަށް އާރްޑީސީން ބުންޏެވެ. މީގެ ކުރިން އޮތް ކައުންސިލާއެކު މަގުތަކެއް ހަދަން އެއްބަސްވުމެއް އެކުލަވާލި ނަމަވެސް އެ އެއްބަސްވުމުގައި ވެސް އަމީނީ މަގު ނުހިމެނޭ ކަމަށް މޫކޭ ވިދާޅުވި އެވެ.

މާލޭގެ މަގުތައް ޒަމާނީ ފެންވަރަކަށް ބަދަލު ކުރުމަށް 462 މިލިއަން ރުފިޔާ ހަރަދު ކުރާ ގޮތަށް ޕްރޮޖެކްޓުގެ ދަށުން 15 މަގެއްގައި ތާރު އެޅުން ހިމެނެ އެވެ. އޭގެ ތެރޭގައި އަމީނީ މަގުގެ އިތުރަށް ޗާންދަނީ މަގު، ކަނބާ އައިސާ ރަނި ހިނގުން، ޝަހީދު އަލީ ހިނގުން، އިއްޒުދީން މަގު، ހަނދުވަރީ ހިނގުން، މުރަނގަ މަގު، ހަވީރީ ހިނގުން، މާވެޔޮ މަގު، މުއިވެޔޮ މަގު، ރައްދެބައި ހިނގުން، ލިލީ މަގު، އަލިކިލެގެފާނު މަގު، ލޮނުޒިޔާރަތް މަގު އަދި ސޯސަން މަގެވެ.

މާލޭގެ މަގުތައް ޒަމާނީ ފެންވަރަކަށް ތަރައްގީކުރުމަށް "މާލެ ސްޓްރީޓްސްކޭޕިން ޕްރޮޖެކްޓް"ގެ ނަމުގައި ހާއްސަ މަޝްރޫއުއެއް ފަށާފައި ވަނީ މިިދިޔަ އަހަރުގެ ފެބްރުއަރީ މަހު އެވެ. އެ ޕްރޮޖެކްޓުގެ ދަށުން މާލޭގެ އިތުރު މަގުތަކެއް ތަރައްގީކުރުމަށް މަޝްރޫއުގެ ދެވަނަ ފިޔަވަހި އާރުޑީސީއާ އެކު ސޮއިކޮށްފައިވަނީ ކުރީގެ މޭޔަރު ޝިފާ މުހައްމަދުގެ ދައުރުގަ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox