ފެލިވަރު އަޕްގްރޭޑުކޮށް ނިމޭނީ 2023 ގައި، ކޫއްޑޫ 2024 ގައި

ކޫއްޑޫ ފިޝަރީޒް ކޮމްޕްލެކްސް: މިތަން އަޕްގްރޭޑު ކުރުމުގެ މަޝްރޫއު ހިންގަނީ ސައުދީ ފަންޑުން ލޯނު ނަގައިގެން. -- ފޮޓޯ: މިފްކޯ

ކޫއްޑޫ ފިޝަރީޒް ކޮމްޕްލެކްސް: މިތަން އަޕްގްރޭޑު ކުރުމުގެ މަޝްރޫއު ހިންގަނީ ސައުދީ ފަންޑުން ލޯނު ނަގައިގެން. -- ފޮޓޯ: މިފްކޯ

ސަރުކާރުގެ މަސް ކުންފުނި މިފްކޯގެ ފެލިވަރާއި ކޫއްޑޫގެ އަޕްގްރޭޑިން މަސައްކަތްތައް އެންމެ އަވަހަށް ވެސް ނިމޭނީ އަންނަ އަހަރުގެ ފަހު ކުއާޓަރަށް ކަމަށް އިކޮނޮމިކް މިނިސްޓަރު ފައްޔާޒު އިސްމާއިލް ވިދާޅުވެއްޖެ އެވެ.

ފައްޔާޒު މިހެން ވިދާޅުވީ މަސްވެރިންނަށް ހަމަ އަގު ހޯދަން ވީ ވައުދު ނުފުއްދާ، ސަރުކާރުން މަސްވެރިންނަށް އިހުމާލުވެފައިވާ ކަމަށް ބުނެ ރައްޔިތުންގެ މަޖިލިހުގެ އިގުތިސޯދީ ކޮމިޓީން މިހާރު ދިރާސާކުރަމުންދާ މައްސަލައިގެ ކޮމިޓީ ބައްދަލުވުމެއްގަ އެވެ.

ފިޝަރީޒް މިނިސްޓްރީ އާއި ސަރުކާރުގެ މަސް ކުންފުނި މިފްކޯގެ އިތުރުން އެ ކުންފުނީގެ ބެލެނިވެރި އެސްޓީއޯ ހާޒިރުކޮށްގެން މިއަދު ކުރިޔަށް ގެންދިޔަ ބައްދަލުވުމުގައި މައިގަނޑު ގޮތެއްގައި މެމްބަރުންގެ ސުވާލުތައް ހުރީ މަސްވެރިކަން ރަނގަޅުވާއިރު މަސް ނުކިރޭ މައްސަލަ ހައްލުކުރަން ކުރަމުންދާ މަސައްކަތްތައް ލަސްވާ ސަބަބާ ގުޅިގެންނެވެ.

Advertisement

އެގޮތުން، ސައުދީ ޑިވެލޮޕްމަންޓު ފަންޑުން ހޯދި ލޯނަކުން ފަށާފައިވާ ކޫއްޑޫ އަޕްގްރޭޑު ކުރުމުގެ މަސައްކަތް ލަސްވަނީ ސައުދީން ފަންޑިން ހޯދައިގެން ކުރާތީތޯ ތިނަދޫ އުތުރު ދާއިރާގެ މެމްބަރު ޢަބްދުލްމުޣުނީ ކުރެއްވި ސުވާލުގެ ޖަވާބުގައި ފައްޔާޒު ވިދާޅުވީ އެހެން ތަންތަނުން ފަންޑިން ހޯދަނީ ބަޖެޓުގައި އެވަރަށް ފައިސާ ނެތީމައި ކަމަށެވެ.

ފަންޑިން ލަސްވާ ސަބަބާ ގުޅިގެން ހުރި ކަންބޮޑުވުމާ ގުޅުވާ ފައްޔާޒު އިތުރަށް ވިދާޅުވީ ސައުދީ ފަންޑު ނޫން އެހެން ގޮތަކުން ފައިސާ ހޯދި ނަމަވެސް، އެ ފައިސާ ލިބޭނީ އޮންނަ "ޕްރޮސެސްތައް" ފުރިހަމަކުރުމަށް ފަހު ކަމަށެވެ. އަދި، "އަޅުގަނޑުމެންނަށް ޕޮލިޓިކަލް ޓައިމްލައިނެއް އޮތް ކަމުގަ ވިޔަސް، ފަންޑިން ސޯސަސްއަކަށެއް ޕޮލިޓިކަލް ޓައިމްލައިނެއް ނޯވޭ" ކަމަށް އޭނާ ވިދާޅުވި އެވެ.

ފައްޔާޒު މިހެން ވިދާޅުވީ މިހާރު ޕްރޮޖެކްޓުތައް ހުރި ތާރީހުތަކުން މި ރިޔާސީ ދައުރު ނޮވެމްބަރު 2023 ގައި ނިމުމުގެ ކުރިން މި ޕްރޮޖެކްޓުތައް ނުނިމޭނެތީ ބައެއް މެމްބަރުންގެ ހުރި ކަންބޮޑުވުންތަކާ ގުޅިގެން ކަމަށް ބެލެވެ އެވެ.

އަޕްގްރޭޑް ޕްރޮޖެކްޓުތަކުން ބޮޑު ހައްލެއް ލިބޭނެ: ފިޝަރީޒް މިނިސްޓަރު

ކޮމިޓީ ބައްދަލުވުމުގައި ފައްޔާޒުގެ އަރިހުގައި ބައިވެރިވެވަޑައިގެންނެވި ފިޝަރީޒް މިނިސްޓަރު ޑރ. ހުސެއިން ރަޝީދު ހަސަން ވިދާޅުވީ މަސް ނުކިރުވޭ މައްސަލަ ގުޅެނީ ކެޕޭސިޓީ ނެތުމާ ކަމަށާއި ކޫއްޑޫ ހިމެނޭގޮތަށް މަސް ކިރުވޭ އަދި ރައްކާކުރެވޭ ކެޕޭސިޓީ އިތުރުކުރަން ރާވާފައިވާ ކަންކަން ނިމުމުން އެކަމަށް ބޮޑު ހައްލެއް ލިބޭނެ ކަމަށެވެ.

"ކޫއްޑޫގައި 3000 ޓަނާ ހަމައަށް ބްރައިން ފްރީޒިން ކެޕޭސިޓީ ބިނާކުރަން ސަރުކާރުން އޮތީ މިހާރު ނިންމަވާފަ. މިހާރު 240 ކުރެވޭ 24 ގަޑިއިރުގެ ތެރޭގައި. އޭގެ އިތުރަށް 760 ޓަނު ދުވާލަކު ބްރައިން ފްރީޒް ކުރެވޭ ގޮތަށް ކެޕޭސިޓީ އަޅުގަނޑުމެން ބިލްޑު ކުރާނަން" އޭނާ ވިދާޅުވި އެވެ.

ޑރ. ހުސެއިން ފާހަގަކުރެއްވި ގޮތުގައި އެންމެ އިސްކަމެއް ދެނީ ބްރައިން ފްރީޒިން ކެޕޭސިޓީ އިތުރު ކުރުމަށެވެ. އަދި، މި މަސައްކަތަށް ބޭނުންވާ ފައިސާ ހަމެޖެހި ކުރިޔަށް އޮތް ނުވަ މަހުގެ ތެރޭގައި ނިމޭނެ ކަމަށް އޭނާ ވިދާޅުވި އެވެ.

ވަގުތީ ހައްލަކަށް އިތުރު ބޯޓު ކުއްޔަށް ނަގަނީ

އަޕްގްރޭޑު ޕްރޮޖެކްޓުތައް ނުނިމުނަސް މަސް ކިރުވޭނެ ގޮތްތަކެއް ސަރުކާރުން ހޯދަމުންދާ ކަމަށް ފައްޔާޒު ވިދާޅުވި އެވެ.

އެގޮތުން މިފަހަރު މަސްވެރިކަން ކުއްލިއަކަށް ރަނގަޅުވީ އަންދާޒާ ކުރި ގޮތަށް ނޫން ކަމުން ތައްޔާރު ނުވެވުނު ނަމަވެސް މިފްކޯއާ ގުޅިގެން އިކޮނޮމިކް މިނިސްޓްރީން މަސައްކަތްކުރަމުން އަންނަ ކަމަށް އޭނާ ވިދާޅުވި އެވެ.

މީގެ ތެރޭގައި ހިމެނެނީ މަސް ކިރޭނެ ކަން ކަށަވަރުކުރަން އިތުރު ބޯޓުތަކެއް ކުއްޔަށް ނެގުމެވެ.

"އަޅުގަނޑުމެން މިފްކޯއާއެކީ މަސައްކަތް ކުރަމުން މިދަނީ ވަގުތީ ހައްލެއްގެ ގޮތުގަ އިތުރު ބޯޓުތަކެއް ގެނެވޭނެ ގޮތެއް ހޯދުމަށް" ފައްޔާޒު ވިދާޅުވި އެވެ.

އެކަމަކު މީގެ އިތުރު ތަފުސީލެއް ނުދެއްވަ އެވެ.

ކެޕޭސިޓީ އިތުރުކުރަން ސަރުކާރުން ފަށާފައިވާ މަސައްކަތުގެ ތެރެއިން ކޫއްޑޫ އާއި ކަނޑުއޮތްގިރި، ސައުދީ ފަންޑު ލޯނަކުން ފައިނޭންސް ކުރި ނަމަވެސް ފެލިވަރު އަޕްގްރޭޑް ކުރަނީ އިންޑިއާ އެގްޒިމް ބޭންކު ލޯނަކުންނެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox