ކްލިނިކަކުން ތިން ދަތް ނެގި މީހަކު މަރުވި މައްސަލައިގައި އިހުމާލުތަކެއް ފާހަގަކުރެވިއްޖެ

ރާއްޖޭގެ ޑެންޓަލް ކްލިނިކެއްގައި ދަތުގެ ފަރުވާ ދިނުން -- ފޮޓޯ: އޮރަކެއާ

ރާއްޖޭގެ ޑެންޓަލް ކްލިނިކެއްގައި ދަތުގެ ފަރުވާ ދިނުން -- ފޮޓޯ: އޮރަކެއާ

ތިން ދަތެއް ނެގި އަންހެނަކު އޭގެ ކުޑަ ވަގުތުކޮޅެއް ފަހުން މަރުވި މައްސަލައިގައި ހުޅުމާލެ އޮރަކެއާ ޑެންޓަލް ކްލިނިކުގެ އިހުމާލުތަކެއް ހުރިކަން ހެލްތު މިނިސްޓްރީން ހެދި ރިވިއުއިން ފާހަގަކުރެވިއްޖެ އެވެ. 

މިދިޔަ ނޮވެމްބަރު 15، 2025، ގައި އޮރަކެއާ ޑެންޓަލްއިން ތިން ދަތް ނެގިތާ ގިނަ އިރުތަކެއް ނުވެ ސ. ހިތަދޫ، ހަދީޖާ ސަލީމް، 60، މަރުވި މައްސަލައިގައި ހެލްތު މިނިސްޓްރީން ހެދި ރިވިއުގައި ފާހަގަކުރެވިފައިވާ ގޮތުގައި ދަތް އުފުރުމާއި ހަދީޖާ މަރުވުމާ ސީދާ ގުޅުމެއް އޮތްކަމަށް ކަށަވަރު ކޮށްދޭ އެކަށީގެންވާ ހެއްކެއް  ނެތް ނަމަވެސް، އޭނާގެ ކިބައިގައި ކޮންޓްރޯލްކުރެވިފައި ނުވާ ހަކުރު ބަލި، ލޭގެ ކޮލެސްޓްރޯލް މަތިވުން އަދި ތައިރޮއިޑް މައްސަލަ ހުރިކަން ވަނީ ފާހަގަކުރެވިފަ އެވެ.

"ބަލިމީހާގެ ކިބައިގައި ކޮންޓްރޯލް ކުރެވިފައި ނުވާ ހަކުރު ބަލި، ލޭގެ ކޮލެސްޓްރޯލް މަތިވުން އަދި ތައިރޮއިޑް މައްސަލަ ހުރިކަން ފާހަގަކުރެވުނު. މިކަންކަމުގެ ސަބަބުން ބަލިމީހާއަކީ ކުއްލިއަކަށް ހިތް ހުއްޓުންފަދަ ނުރައްކާތެރި ހާލަތްތަކަށް ހުށަހެޅުމުގެ ފުރުސަތު ބޮޑު މީހެއް،" މިނިސްޓްރީން ބުންޏެވެ. 

ކްލިނިކަށް ހަދީޖާ ގެންދިޔުމުން އޭނާގެ ކޮންސަލްޓޭޝަންގެ ވަގުތު ބޭސް ސިޓީ ރެކޯޑުކޮށް، ބަލިމީހާގެ ބަލިތައް ބަލައި، މެޑިކަލް ހިސްޓްރީ ނޯޓުކޮށްފައެއް ނުވެ އެވެ.  ނަމަވެސް މައުލޫމާތު ސާފުކުރުމުގެ ތެރޭގައި އޮރަކެއާ ޑެންޓަލްގެ ޑޮކްޓަރު ފާހަގަކުރި ގޮތުގައި "ވިނަވި" ޕޯޓަލް މެދުވެރިކޮށް ބަލިމީހާގެ މެޑިކަލް ރެކޯޑުތައް ބަލައި، އެ ރެކޯޑުތަކުން ބަލިމީހާއަކީ ހަކުރު ބަލި، ތައިރޮއިޑް މައްސަލަ އަދި ކޮލެސްޓްރޯލް މައްސަލަ ހުންނަ މީހެއްކަން އެނގުނު ކަމަށް މިނިސްޓްރީން ބުންޏެވެ.

އޭގެއިތުރުން މިނިސްޓްރީން ބުނީ އެންމެ ފަހުގެ ލޭގެ ތަހުލީލުތައް ބެލިއިރު، ބަލިމީހާގެ ހަކުރުބަލި ހުރީ ކޮންޓްރޯލް ނުކުރެވި ކަމަށްވެސް ޑޮކްޓަރު ފާހަގަކުރި ކަމަށެވެ. 

"ރިކޯޑުތައް ބަލާފައިވީ ނަމަވެސް ބަލިމީހާގެ ބަލިތަކާ ގުޅިގެން ކުރިމަތިވެދާނެ ރިސްކް ލިޔުމުން ނޯޓުކޮށްފައި ނުވާކަން ފާހަގަކުރެވުނު. އަދި ދަތް ނެގުމުގެ ކުރިން ބަލިމީހާގެ މި ހާލަތު އެންމެ އެކަށީގެންވާ ގޮތަކަށް ފަރުވާކުރުމަށް ފިޒީޝަނެއްގެ ލަފާ ހޯދާފައެއް ނުވޭ،" ހެލްތު މިނިސްޓްރީން ހެދި ރިވިއުގައި ބުންޏެވެ. 

އަމިއްލަ ހޮސްޕިޓަލަކުން ހަދީޖާއަށް ފަރުވާކުރަން އޮރަކެއާއަށް ރިފާކުރިއިރު، އެ ހޮސްޕިޓަލުން ދީފައިވާ އައްސިކުރާ ބޭހުގެ މިންވަރު އެނގެން ނެތުމާއި، ބަލިމީހާގެ ކަންބޮޑުވުމާއި، ހާސްކަން ހުރި މިންވަރަށާއި، އަދި އެހެނިހެން ސިއްހީ ހާލަތްތަކަށް ރިޔާޔަތްކުރުމަށްފަހު، އެ ވަގުތު ދަތް ނުއުފުރައި ޖެހިގެން އައި ދުވަހަށް ފަރުވާ ފަސްކުރަން އެދުނު ކަމަށާއި އެކަމަކު އާއިލާއިން އެދުނީ ފަރުވާ ކުރިއަށް ގެންދަން ކަމަށެވެ. 

މިއާއެކު ދަތުގައި އިންފެކްޝަން އުފެދިފައިވުމާއި، ދަތުގައި އާދަޔާ ހިލާފަށް ގަދަ ރިހުމެއް ހުރުމުގެ އިތުރުން އައްސިކޮށްގެން ދަތް އުފުރުމަކީ ނިސްބަތުން އާދައިގެ ކަމަކަށްވާތީ ޕްރޮސީޖާ ކުރިއަށް ގެންދިޔައިރު، އޭގެ ކުރިން އޮރަކެއާއިން ހަދީޖާގެ ވައިޓަލްސް ބަލައި ރެކޯޑުކޮށް، ހަކުރު ހުރި މިންވަރުވެސް ބަލާފައި ނުވާކަން ރިވިއުގައި ފާހަގަވެފައިވެ އެވެ. 

މީގެއިތުރުން ހެލްތުން ހެދި ރިވިއުއިން އެނގިފައިވާ ގޮތުގައި ސިއްހީ ހިދުމަތް ދޭ ތަންތަން ހިންގުމާ ބެހޭ ގަވާއިދުގެ ދަށުން އައްސިކޮށްގެން އެއްވެސް ފަރުވާއެއް ކުރާނަމަ ބަލިމީހާގެ ރުހުން ލިޔުމުން ހޯދަން ލާޒިމުވާއިރު، އެ ލިޔުން އޮރަކެއާއިން ހޯދާފައި ނުވެ އެވެ. 

ދަތް އުފުރުމަށް ދެވުނު ފަރުވާއަކީ ރޫޓިން ޕްރޮސީޖާއަކަށްވެފައި، ލިޔެކިޔުމުން ފެންނަ ގޮތުގައި މި ފަރުވާ ދީފައިވަނީ އާންމު މިންގަނޑުތަކާ އެއްގޮތަށް ކަމަށް ރިވިއުގައި ވަނީ ނިންމާފަ އެވެ. ނަމަވެސް ހަދީޖާގެ ދަތް އުފުރުމުގެ ޕްރޮސީޖާއަށްފަހު އޭނާގެ ހާލަތު ރަނގަޅުކަން ކަށަވަރުކުރަން ވައިޓަލް ސައިންސް ނުވަތަ މޮނިޓަރިން ރެކޯޑުތަކެއް  ނޯޓުކޮށްފައިނުވާކަން ފާހަގަކުރެވިފައިވެ އެވެ. 

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox