މޯލްޑިވްސް އިކޮނޮމިކް ގޭޓްވޭ: ތިންވަނަ ކުންފުންޏަކާއެކު ސޮއިކުރިއިރު، ކުރީގެ ދެ އެއްބަސްވުމުގެ ހިލަމެއް ވެސް ނެތް!

އިކޮނޮމިކް ގޭޓްވޭގެ މަޝްރޫއުގެ ދަށުން މިހާތަނަށް ތިން އެއްބަސްވުމެއްގައި ވަނީ ސޮއިކޮށްފައި. ޔޫއޭއީގެ ދެ ކުންފުންޏަކާއި ސިންގަޕޫރުގެ ކުންފުންޏެއް އޭގެ ތެރޭގައި ހިމެނޭ.

އިކޮނޮމިކް ގޭޓްވޭގެ މަޝްރޫއުގެ ދަށުން މިހާތަނަށް ތިން އެއްބަސްވުމެއްގައި ވަނީ ސޮއިކޮށްފައި. ޔޫއޭއީގެ ދެ ކުންފުންޏަކާއި ސިންގަޕޫރުގެ ކުންފުންޏެއް އޭގެ ތެރޭގައި ހިމެނޭ.

އިހަވަންދިއްޕޮޅު ތަރައްގީކުރަން ސަރުކާރުން ގެންގުޅޭ ތަސައްވުރު ހަގީގަތަކަށް ހެދުމަށް ކުރަމުންދާ މަސައްކަތުގެ ތެރެއިން އެ ސަރަހައްދުގައި ބޮޑު މަޝްރޫއުއެއް ހިންގުމަށް ޔޫއޭއީގެ ކުންފުންޏަކާއެކު އިއްޔެ ސޮއިކުރިއިރު ހަމަ އެފަދަ މަޝްރޫއުތަކެއް ހިންގުމަށް ދެ ކުންފުންޏަކާއެކު ސަރުކާރުން ސޮއިކޮށްފައިވާކަން ހާމަވެއްޖެ އެވެ. 

 އެ ސަރަހައްދު ސްޕެޝަލް އިކޮނޮމިކް ޒޯން (އެސްއީޒެޑް)އެއްގެ ގޮތުގައި ކަނޑައަޅައި، "މޯލްޑިވްސް އިކޮނޮމިކް ގޭޓްވޭ" މަޝްރޫއުގެ ނަން ދީފައިވަނީ ޖެނުއަރީ 28، 2024 ގަ އެވެ. އެގޮތަށް ނިންމީ. އެ ދުވަހު އޮތް ވަޒީރުންގެ މަޖިލީހުގެ ބައްދަލުވުމުގަ އެވެ. 

އެ މަޝްރޫއުގެ މާސްޓާ ޑިވެލޮޕަރަކަށް މޯލްޑިވްސް އިންޑަސްޓްރިއަލް ޑިވެލޮޕްމަންޓް ފްރީ ޒޯނު (އެމްއައިޑީއެފްޒީ) ކުންފުނި ހަދައި އެ ސަރަހައްދުގެ ޑިވެލޮޕްމަންޓް ރައިޓްސް އެ ކުންފުންޏަށް ސަރުކާރުން އޮތީ ދީފަ އެވެ. އެއީ ސަރުކާރު ހިއްސާވާ ބޮޑު ފަސް ކުންފުންޏެއް ކަމުގައިވާ އެސްޓީއޯ އާއި އެޗްޑީސީ އާއި އެމްޕީއެލް އާއި އެމްޓީސީސީ އަދި އެމްއޭސީއެލްގެ ހިއްސާ އޮންނަ ގޮތަށް އުފެއްދި ކުންފުންޏެކެވެ. 

މެއި 12، 2024 ގައި އިކޮނޮމިކް ގޭޓްވޭ މަޝްރޫއު ހިންގުމަށް ސަރުކާރުން އެންމެ ފުރަތަމަ ހަވާލުކުރީ ދުބާއީގެ އިންޓަނޭޝަނަލް ފްރީ ޒޯން އޮތޯރިޓީ (އިފްޒާ) އާ އެވެ. ސަރުކާރުގެ ފަރާތުން އިކޮނޮމިކް މިނިސްޓަރު ސައީދު ސޮއިކުރެއްވިއިރު އެ ކުންފުނީގެ ފަރާތުން ސޮއިކުރެއްވީ ޗެއާމަން މާޓިން ޕެޑަސަން އެވެ. 

އެ މަޝްރޫއު ހިންގަން އުޅުނީ ހޯރަފުށީ ފަޅުތެރޭގަ އެވެ. އިންޑަސްޓްރިއަލް، ފައިނޭޝަލް އަދި ޓޫރިޒަމަށް ހާއްސަކޮށްގެން އެ ސަރަހައްދު ތަރައްގީކުރާނެ ކަމަށް އޭރު ސަރުކާރުން އޮތީ ބުނެފަ އެވެ. ރާއްޖޭގެ އިގުތިސޯދަށް އިންގިލާބީ ބަދަލެއް އަންނާނެކަމުގެ ހުވަފެނާއެކު ސޮއިކުރި މަޝްރޫއުގެ އެއްވެސް މަސައްކަތެއް މިއަދާ ހަމައަށް ފެންނަން ނެތެވެ. 

އެއަށްފަހު މީގެ ދެ އަހަރު ކުރިން ނޮވެމްބަރު 9، 2024 ގައި ވެސް އިހަވަންދިއްޕޮޅުގައި ބަނދަރެއް ތަރައްގީކޮށް، އެތަނުގައި ބަނދަރަށް ބޭނުންވާ ހިދުމަތްތައް ގާއިމުކުރަން ސަރުކާރުން ފްރޭމްވޯކް އެއްބަސްވުމުގައި ސޮއިކުރީ ސިންގަޕޫރުގެ ކެޕިޓަލް އޭޝިއާ އިންވެސްޓްމަންޓް (ސީއޭއައި) އެކު އެވެ. 

އެ އެއްބަސްވުމުގައި އެމްއައިޑީއެފްޒެޑްގެ ފަރާތުން ސޮއިކުރެއްވީ ކުންފުނީގެ އެމްޑީ ޝިމާދު އިބްރާހިމް އެވެ. އަދި ސީއޭއައިގެ ފަރާތުން ސޮއިކުރެއްވީ އެ ކުންފުނީގެ ސީސީއޯ ޓަން ކުން ޗިއާއޯ ޖޯޖް އެވެ.

އެ އެއްބަސްވުމުގެ ދަށުން އިހަވަންދިއްޕޮޅު ސަރަހައްދު ވިޔަފާރި އާއި ލޮޖިސްޓިކްސް ހަބަކަށް ބަދަލު ކުރުމަށް ސަރުކާރުން ރާވާފައިވާ ޕްލޭނާ އެއްގޮތަށް މޯލްޑިވްސް އިކޮނޮމިކް ގޭޓްވޭ މަޝްރޫއުގެ ސްކޯޕާއި ފިޔަވަހިތައް ތަރައްގީ ކުރުމަށް ބޭނުންވާ ޕްލޭން އެކުލަވާލެވޭނެ ކަމަށް އޭރު ސަރުކާރުން ބުނެފައިވެ އެވެ. 

އެ އެއްބަސްވުމުގެ ދަށުން އިހަވަންދިއްޕޮޅުގައި ބަނދަރު ތަރައްގީ ކުރުމުގެ އިތުރުން ބަނދަރަށް ބޭނުންވާ ހިދުމަތްތައް ގާއިމު ކުރުމަށް އޮތީ ހަމަޖެހިފަ އެވެ. ނަމަވެސް އެ މަޝްރޫއާ ގުޅޭ އިތުރު ތަފުސީލެއް އޭރު އިކޮނޮމިކް މިނިސްޓްރީން ހާމައެއް ނުކުރެ އެވެ. އެމްއައިޑީއެފްޒެޑްއިން ސޮއިކުރި މަޝްރޫއުގެ އެއްވެސް އަމަލީ މަސައްކަތެއް ހިނގާފައިނުވެ އެވެ.

އިހަވަންދިއްޕޮޅުގެ ބޮޑު މަޝްރޫއު ހިންގުމަށް ކަމަށް ބުނެ ގްރޭޓާ މާލެ ފައިނޭންޝަލް ޑިސްޓްރިކްޓް ލިމިޓެޑްގެ ނަން މޯލްޑިވްސް އިކޮނޮމިކް ޑިވެލޮޕްމަންޓު ގޭޓްވޭ ލިމިޓެޑްގެ ނަމަށް ބަދަލުކުރި އެވެ. އެއީ ސައްތައިން ސައްތަ ސަރުކާރުގެ ހިއްސާ އޮންނަ ކުންފުންޏެކެވެ. 

އެ ދެ ކުންފުންޏާއެކު އެއްބަސްވުމުގައި ސޮއިކުރިތާ ދެ އަހަރެއްހާ ދުވަސް ފަހުން އިއްޔެގެ ވަގުތެއްގައި ސަރުކާރުން ސޮއިކުރީ ޔޫއޭއީގެ ސަހު ގްރޫޕާއެކު އެވެ. އެއީ ވެސް ހަމަ އިހަވަންދިއްޕޮޅުގައި ހިންގާ މޯލްޑިވްސް އިކޮނޮމިކް ގޭޓްވޭ ހިންގުމުގެ މަޝްރޫއުއެކެވެ. 

އިކޮނޮމިކް މިނިސްޓްރީން ހާމަކޮށްފައިވާ ގޮތުގައި އެ މަޝްރޫއުގެ ދަށުން އިހަވަންދިއްޕޮޅުގައި ބައިނަލްއަގުވާމީ ވިޔަފާރި ބަނދަރަކާއި، މެރިޓައިމް އަދި ސިނާއީ މަސައްކަތްތަކަށް ބޭނުންވާ ޒަމާނީ ވަސީލަތްތައް ގާއިމުކުރުމާއި، ޓޫރިޒަމަށް އެ ސަރަހައްދު ތަރައްގީކުރުން ހިމެނެ އެވެ. އެއްބަސްވުމުގެ ތަފްސީލެއް ހާމަކޮށްފައެއް ނުވެ އެވެ.

އެހެންކަމުން، އެންމެ ފުރަތަމަ އިކޮނޮމިކް ގޭޓްވޭގެ މަޝްރޫއު ހަވާލުކުރީ ދުބާއީގެ އިފްޒާ ކުންފުންޏާ އެވެ. އެއަށްފަހު ސިންގަޕޫރުގެ ކެޕިޓަލް އޭޝިއާ އިންވެސްޓްމަންޓާއެކު ސޮއިކުރިއިރު އެންމެފަހުން މި ސޮއިކުރީ އަބޫދާބީގެ ސަހު ގްރޫޕާއެކު އެވެ. އޭގެ ތެރެއިން ދެ ކުންފުންޏަކީ ޔޫއޭއީގެ ކުންފުނިތަކެވެ. 

ރާއްޖޭގެ އެންމެ އުތުރުން އޮންނަ އިހަވަންދިއްޕޮޅު އަތޮޅު އޮންނަނީ އިންޑިއާ ކަނޑުގެ މާލީ މުއާމަލާތްތައް ހިނގާ ޝިޕިންގެ އިރުމައްޗަށް އަދި ހުޅަނގަށް ދަތުރުކުރާ މައި ލޭނުގަ އެވެ. މި ސަރަހައްދުން ދުވާލަކު 300 އަށް ވުރެ ގިނަ ބޮޑެތި އާގު ބޯޓު ހުރަސް ކުރާ ކަމަށް މެރިޓައިމް މޫވްމަންޓްސްގެ ތަފާސްހިސާބުތަކުން ދައްކަ އެވެ.

މިކަމުގައި ފައިދާ ނަގައި، އިހަވަންދިއްޕޮޅުގައި އިންޓަނޭޝަނަލް ޕޯޓެއް ތަރައްގީ ކުރުމަކީ ކޮންމެ ސަރުކާރެއްގެ ވެސް ޕްލޭނުގައި އޮންނަ ކަމެކެވެ. ނަމަވެސް، މިހާތަނަށް އެފަދަ މަޝްރޫއުއެއް ކާމިޔާބުކަމާއެކު ހިންގާފައި ނުވެ އެވެ. 

ކޮމެންޓް

ފަހުގެ ޚަބަރު

އިހަވަންދިއްޕޮޅުގައި ވިޔަފާރި ބަނދަރު ހަދަން ސޮއިކޮށްފި

އިހަވަންދިއްޕޮޅުގައި ބައިނަލްއަގުވާމީ ވިޔަފާރި ބަނދަރަކާއި މެރިޓައިމް އަދި ސިނާއީ މަސައްކަތްތަކަށް ބޭނުންވާ ވަސީލަތްތައް ގާއިމުކުރުމަށް ޔޫއޭއީގެ ސަހު ގްރޫޕާއެކު ސަރުކާރުން މިއަދު ސޮއިކޮށްފިއެވެ. މި މަޝްރޫއުގެ ދަށުން އެ ސަރަހައްދުގައި ޓޫރިޒަމް ތަރައްގީކުރުން ވެސް ހިމެނޭއިރު، މިއީ ރާއްޖޭގެ އެންމެ އުތުރުގައި އިގްތިސާދީ ހަރަކާތްތައް ފުޅާކުރުމަށް ކުރިއަށްގެންދާ މުހިންމު މަސައްކަތެކެވެ.

މާދަމާރޭގެ ޖަލްސާއަށް ދާން ސަރުކާރު މުވައްޒަފުންނަށް އަންގައިފި

މާދަމާރޭ ބާއްވާ ޖަލްސާއަށް، ސަރުކާރުގެ ހުރިހާ މުވައްޒަފުން އެމީހުންގެ އަނބިން ނުވަތަ ފިރިންނާއެކު ބައިވެރިވުމަށް ރައީސުލްޖުމްހޫރިއްޔާ ވަނީ ދައުވަތު އަރުވާފައެވެ. މި ޖަލްސާއަށް ދާ މުވައްޒަފުންނާއި އެމީހުންގެ އަނބިފިރިންގެ މައުލޫމާތު މިއަދު މެންދުރުގެ ކުރިން ރައީސް އޮފީހަށް އެންގުމަށް ވުޒާރާތަކަށް ވަނީ އަންގާފައެވެ.

އަދާލަތުން ސަރުކާރަށް ތާއީދުކުރުމުން އަލީ ޒާހިރު ފާޑުވިދާޅުވެއްޖެ

އޭނާ ވިދާޅުވީ މިއީ ގިނަ ބައެއްގެ އުއްމީދުތަކާއި ބުރަ މަސައްކަތް ފޮހެވިގެންދާނެ ހިތާމަވެރި ނިންމުމެއް ކަމަށެވެ. އަދާލަތުން މި ނިންމުން ނިންމާފައިވަނީ 2028 ވަނަ އަހަރުގެ ރިޔާސީ އިންތިޚާބުގައި ރައީސް މުޢިއްޒަށް ތާއީދުކުރުމުގެ ގޮތުންނެވެ.

ބަޖެޓު ރާވާފައި ވަނީ މުވައްޒަފުން ނުނަގާ ހިންގޭ ގޮތަށް: ފިނޭންސް

މަޖިލީހަށް މައުލޫމާތު ދެމުން ފިނޭންސުން ބުނީ އަންނަ އަހަރުގެ ބަޖެޓު ރާވާފައި ވަނީ އާ މުވައްޒަފުން ނުނަގާ ދައުލަތް ހިންގޭ ގޮތަށް ކަމަށް. އަދި މުސާރަ ކަނޑައެޅުމުގައި ބަލަނީ ދައުލަތުގެ ފޯރުންތެރިކަން ހުރި މިންވަރަށް ކަމަށް.

ޕެންޝަން އޮފީހުގެ ސީއޯއޯގެ މަގާމުން ޝިއުނާ ވަކިކޮށްފި

ޕެންޝަން އޮފީހުގެ ސީއޯއޯގެ މަގާމުން މަރިޔަމް ޝިއުނާ ވަކިކޮށްފައިވަނީ، އެ އޮފީހުގެ ޗެއާޕާސަނާ ގުޅޭ މައްސަލަތަކެއް ކަމާބެހޭ އިދާރާތަކަށް ހުށަހެޅުމާއި ސަރުކާރުން ފައިސާ ޗާޕުކުރި މުއާމަލާތާ ދެކޮޅު ހެދުމުންނެވެ. މިދިޔަ ސެޕްޓެމްބަރު މަހުން ފެށިގެން ސަސްޕެންޝަނުގައި ހުރި ޝިއުނާ އެ މަގާމުން ވަކިކުރިއިރު، އޭނާއަކީ މީގެ ކުރިން އޭސީސީގެ ރައީސްކަންވެސް ކުރައްވާފައިވާ ބޭފުޅެކެވެ.

ރަސްމާލެ ވިއްކާލުމާ ދެކޮޅަށް އިހުތިޖާޖަށް ނުކުންނަން ގޮވާލައިފި

ބޭރުގެ ބަޔަކަށް 99 އަހަރަށް ރަސްމާލެ ވިއްކާލުމާ ދެކޮޅަށް އެމްޑީޕީން އެކަތިގަނޑެއްގެ ގޮތުގައި އިހުތިޖާޖަށް ނުކުތުމަށް މެންބަރު މީކާއިލް ގޮވާލައްވައިފިއެވެ. މި މަޝްރޫއާ މެދު ރައްޔިތުންގެ ފެންނަނުފެންނަ ވޯޓެއް ނެގުމަށް އެމްޑީޕީން ގަރާރެއް ހުށަހަޅާފައިވާއިރު، އެކަމުގައި ޕާޓީގެ ޒިންމާ ބޮޑުކަމަށް މީކާއިލް ފާހަގަކުރެއްވިއެވެ.

ޕީއެންސީއާއެކު އަދާލަތުން ކޯލިޝަން ހަދައިފި

މި އެއްބަސްވުމުގެ ދަށުން ސަރުކާރުގެ އިސް މަގާމުތައް އަދާލަތު ޕާޓީގެ މެންބަރުންނަށް ދިނުމަށް ވަނީ ހަމަޖެހިފައެވެ. އަދާލަތު ޕާޓީއަކީ މީގެ ކުރިން އެމްޑީޕީ އަދި ޕީޕީއެމްގެ ސަރުކާރުތަކުގައިވެސް ކޯލިޝަން ބައިވެރިއެކެވެ.

Newsletter

Get the latest news delivered straight to your inbox