ރާއްޖެ އަތުން ފަލަސްތީނަށް ބޮޑު މޮޅެއް

Oct 30, 2026, 10:26 PM
ފަލަސްތީންގެ 17 އަހަރުން ދަށުގެ ޓީމަށް ހެޓްރިކް ހަދައިދިން ޒެއިން ލަނޑެއް ޖެހުމަށް ފަހު އުފާފާޅުކުރަނީ.--- ފޮޓޯ: އަދަދު ސްޕޯޓްސް

ފަލަސްތީންގެ 17 އަހަރުން ދަށުގެ ޓީމަށް ހެޓްރިކް ހަދައިދިން ޒެއިން ލަނޑެއް ޖެހުމަށް ފަހު އުފާފާޅުކުރަނީ.--- ފޮޓޯ: އަދަދު ސްޕޯޓްސް

އޭޝިއާގެ 17 އަހަރުން ދަށުގެ މުބާރާތުގެ ކޮލިފައިން އަށް ތައްޔާރުވާން ކުރިއަށްދާ ކޭމްޕެއްގެ ތެރެއިން، ފަލަސްތީނުން މިރޭ ރާއްޖެ އަތުން 5-0 އިން ތަފާތު ބޮޑު މޮޅެއް ހޯދައިފި އެވެ. 

ފަލަސްތީނުން ވަނީ ޖެހިޖެހިގެން ދެ ވަނަ އަހަރަކު، އޭޝިއާގެ 17 އަހަރުން ދަށުގެ ކޮލިފައިންގެ ކުރިން ރާއްޖޭގައި ކޭމްޕްކޮށްފަ އެވެ. އެ ގޮތުން، މިދިޔަ އަހަރު މާލޭގައި ކޭމްޕް ކުރުމަށް ފަހު ކުޅުނު ފުރަތަމަ މެޗުން، 6-0 އިން މޮޅުވިއިރު، ދެ ވަނަ މެޗުން މޮޅުވީ 3-0 އިންނެވެ. 

މި ފަހަރު ފަލަސްތީން ޓީމު، ކ. ގުރައިދޫގައި ކޭމްޕްކުރުމަށް ފަހު، މެޗަށް މާލެ އަންނަ ގޮތަށް އިންތިޒާމްތައް ހަމަޖެހިފައިވާއިރު، ފުރަތަމަ މެޗުގައި ރާއްޖެ ކޮޅަށް މިރޭ ފަސް ގޯލުގެ ލީޑަކާ އެކު ފުރަތަމަ ހާފު ނިންމާލި އެވެ.

Advertisement

ފަލަސްތީން ޓީމުން، 19 ވަނަ މިނިޓްގައި ފުރަތަމަ ލަނޑު ޖެހި އެވެ. ފަލަސްތީނުގެ، ޒެއިން މުހައްމަދު އަބޫ އަތީގް ވަނީ ފުރަތަމަ ހާފުގައި ހެޓްރިކެއް ހަދައިފަ އެވެ. އޭނާ ތިން ލަނޑު ވެސް ޖެހީ އޭރިއާތެރެއިން ލިބުނު ފުރުސަތުތަކުގަ އެވެ. އަނެއް ލަނޑުތައް ޖެހީ، ޓީމުގެ ކެޕްޓަން، ޔަޒާން އަނާން ހަލީފާ އާއި ތޯހާ މުހައްމަދު އެވެ. ޔަޒާން، އޭރިއާތެރެއިން ގޯލު ޖެހިއިރު، ތޯހާ، ގޯލު ކާމިޔާބުކުރީ އޭރިއާބޭރުން ޖެހި ޝޮޓަކުންނެވެ. 

 ދެ ވަނަ ހާފުގައި ރާއްޖޭން ވަނީ ފަލަސްތީން ކައިރީގައި ރަނގަޅަށް ޑިފެންސްކޮށް، އެޓޭކަށް ގިނަ ބޯޅަތަކެއް ކުޅެފަ އެވެ. އެކަމަކު، ފަލަސްތީން ކައިރިން ގޯލެއް ޖަހަން ކުރި މަސައްކަތް ރާއްޖެ އަށް ކާމިޔާބެއް ނުވި އެވެ. 

ފަލަސްތީނާ ދެކޮޅަށް ކުޅޭ ދެ ވަނަ މެޗު އޮންނާނީ އަންނަ ހޯމަ ދުވަހުގެރޭގަ އެވެ. 

ރާއްޖޭގެ 17 އަހަރުން ދަށުގެ ޓީމު، އޭއެފްސީ ކޮލިފައިން އަށް ތައްޔާރުވަނީ، އިބްރާހިމް ސައީދު (ކަކާ)ގެ ކޯޗުކަމުގަ އެެވެ. އަންނަ މަހު ފަސް ވަނަ ދުވަހު ތައިލެންޑަށް އޭއެފްސީ ކޮލިފައިންގައި ވާދަކުރަން ރާއްޖޭން ފުރާނެ އެވެ. 

އޭއެފްސީ ކޮލިފައިންގައި ރާއްޖޭން ފުރަތަމަ ކުޅެން އޮތީ އަންނަ މަހު އަށް ވަނަ ދުވަހު ޗައިނީސް ޓައިޕޭއާ އެވެ. އޭގެ ތިން ދުވަސް ފަހުން، އަންނަ މަހު 11 ވަނަ ދުވަހު ހޮންގް ކޮންގްއާ ކުޅޭނެ އެވެ. ސާދަ ވަނަ ދުވަހު، ތައިލެންޑާ ކުޅުމަށް ފަހު، ކޮލިފައިން ފަހު މެޗުގައި ރާއްޖޭން އިރާގާ ބައްދަލުުކުރާނީ އަންނަ މަހުގެ 17 ވަނަ ދުވަހު އެވެ. 

ކޮލިފައިންގައި ފަލަސްތީނުން ކުޅޭ މެޗުތައް އޮތީ މެލޭޝިއާގަ އެވެ. އެ ގްރޫޕްގައި ފަލަސްތީނާއި މެލޭޝިއާގެ އިތުރުން ދެން އޮތީ އިންޑިއާ، ސިންގަޕޫރު އަދި ގުއާމް އެވެ. 

ކޮމެންޓް

ފަހުގެ ޚަބަރު

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

އެފްއޭއެމްގެ އޮފިޝަލެއް ނެތް، ޓްރޮފީއާ ހަވާލުވީ ނޫސްވެރިއެއް!

ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ފެއާ ޕްލޭ ޓްރޮފީ ރާއްޖެއަށް ލިބުނުއިރު، އެފްއޭއެމްގެ އޮފިޝަލަކު ނެތުމުން އެއާ ހަވާލުވީ ދިވެހި ނޫސްވެރިއެއް. އެފްއޭއެމް އިން ބުނި ގޮތުގައި ޓްރޮފީ ލިބޭކަން ސާފް އިން އެންގީ ވަރަށް ކުޑަ ވަގުތުކޮޅެއް އޮއްވާ ކަމަށާއި، ނޫސްވެރިއަކު ސްޓޭޖަށް އެރީ ސާފްގެ އޮފިޝަލުން އެދިގެން

އިންފަންޓީނޯގެ ޝަރުތު ހަމަވޭތޯ ގާނޫނީ ގޮތުން ބެލި

ފީފާގެ ރައީސްކަމަށް ހަތަރުވަނަ ދައުރަކަށް ކުރިމަތިލައްވާފައިވާ ޖިއާނީ އިންފަންޓީނޯގެ ޝަރުތު ހަމަވޭތޯ އިނގިރޭސި އެފްއޭއިން ގާނޫނީ ގޮތުން ބަލައިފި. ފީފާ ކައުންސިލުން ނިންމާފައިވަނީ އިންފަންޓީނޯގެ ފުރަތަމަ ދައުރަކީ ބާކީ އޮތް މުއްދަތެއް ފުރިހަމަކުރުން ކަމަށްވާތީ، އޭނާއަށް އިތުރު ދައުރަކަށް ކުރިމަތިލެވޭނެ ކަމަށް

އުމުރުން 38 އަހަރުގައި މަޓާ ފުޓްބޯޅަ ކުޅުން ހުއްޓާލައިފި

ސްޕެއިނާއެކު ވޯލްޑް ކަޕާއި ޔޫރޯ ކާމިޔާބުކޮށް، ޗެލްސީ އާއި މެންޗެސްޓާ ޔުނައިޓެޑް ފަދަ ބޮޑެތި ކްލަބްތަކަށް ކުޅުނު ހުއާން މަޓާ އުމުރުން 38 އަހަރުގައި ފުޓްބޯޅަ ކުޅުން ހުއްޓާލައިފިއެވެ. ކުޅުމުން ރިޓަޔާކުރި ނަމަވެސް، ކުރިއަށް އޮތް ތަނުގައިވެސް ފުޓްބޯޅައިގެ ދާއިރާއިން ފެންނާނެ ކަމަށް އޭނާ ވަނީ ބުނެފައެވެ.

ޕާކިސްތާން ފުޓްބޯޅަ ކުރިއަރާނީ ޕްރޮފެޝަނަލް ލީގެއް އޮވެގެން

ޕާކިސްތާން ފުޓްބޯޅަ ކުރިއެރުވުމަށްޓަކައި އެ ގައުމުގައި ވަރުގަދަ ޕްރޮފެޝަނަލް ލީގެއް އޮތުން މުހިންމު ކަމަށް ގައުމީ ކޯޗު ނޮލްބާޓޯ ސޮލާނޯ ބުނެފި. އޭނާ ފާހަގަކުރި ގޮތުގައި ހަމައެކަނި ބޭރުގައި ކުޅޭ ކުޅުންތެރިންނަށް ބަރޯސާވުމުގެ ބަދަލުގައި، ލޯކަލް ކުޅުންތެރިން ކުރިއެރުވޭނީ ގަވާއިދުން ކުޅޭނެ ލީގެއް އޮވެގެން

Newsletter

Get the latest news delivered straight to your inbox