ކަކާ، 17 އަހަރުން ދަށުގެ ގަައުމީ ޓީމު ގޮވައިގެން ޗެލެންޖް ބޮޑު މަސައްކަތަކަށް، އުންމީދު އެބައޮތް

17 އަހަރުން ދަށުގެ ގައުމީ ފުޓްބޯޅަ ޓީމުގެ ކޯޗު އިބްރާހިމް ސައީދު (ކަކާ)، ޓީމުގެ ޓްރެއިިނިންގެ ތެރެއިން.---- ފޮޓޯ: އަދަދު ސްޕޯޓްސް / އިމޭޖަސް.އެމްވީ

17 އަހަރުން ދަށުގެ ގައުމީ ފުޓްބޯޅަ ޓީމުގެ ކޯޗު އިބްރާހިމް ސައީދު (ކަކާ)، ޓީމުގެ ޓްރެއިިނިންގެ ތެރެއިން.---- ފޮޓޯ: އަދަދު ސްޕޯޓްސް / އިމޭޖަސް.އެމްވީ

މީގެ ކުރިން، އުމުރުފުރާ ގައުމީ ޓީމުތަކުގައި، އިބްރާހިމް ސައީދު (ކަކާ)، ކޯޗިންގައި ފެނިފައިވަނީ، އެސިސްޓަންޓް ކޯޗެއްގެ ރޯލުގަ އެވެ. މާޒިޔާ ސްޕޯޓްސް އެންޑް ރެކްރިއޭޝަންގެ އެސިސްޓަންޓް ކޯޗެއްގެ ގޮތުގައި މަސައްކަތް ކުރަމުން އަންނަ ކަކާ، މި ވަގުތު ހުރީ 17 އަހަރުން ދަށުގެ ގައުމީ ޓީމުގެ ހެޑް ކޯޗުގެ މަގާމުގަ އެވެ. އޭނާގެ ކުރިމަތީގައި އޮތް ޗެލެންޖް ބޮޑު މަސައްކަތަކީ، އޭއެފްސީ 17 އަހަރުން ދަށުގެ މުބާރާތުގެ ކޮލިފައިންގައި، ރާއްޖެ އަށް އުންމީދެއް ގެނުވާނެ ކަންތައްތަކެއް ހާސިލްކުރުމެވެ. 

ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން ބޭއްވި 19 އަހަރުން ދަށުގެ ޔޫތު ޗެމްޕިއަންޝިޕްގެ ޗެމްޕިއަންކަން ޖެހިޖެހިގެން ދެ އަހަރު މާޒިޔާ ސްޕޯޓްސް އެންޑް ރެކްރިއޭޝަނުން ހޯދާފައިވަނީ އެންމެ މެޗަކުން ވެސް ބަލިނުވެ އެވެ. އެ ކާމިޔާބީ ހޯދުމުގައި، ކޯޗެއްގެ ގޮތުގައި ހުރީ ކަކާ އެވެ. 

"އަދަދު ސްޕޯޓްސް" އަށް ދިން އިންޓަވިއުއެއްގައި، ކަކާ ބުނީ، އޭނާ 17 އަހަރުން ދަށުގެ ޓީމާ ހަވާލުވެ، ޓީމުގެ ފަރިތަކުރުންތައް ފެށީ ސެޕްޓެމްބަރު މަހުގެ 11 ވަނަ ދުވަހު ކަމަށެވެ. ތައިލެންޑްގެ ބުރިރަމްގައި އަންނަ މަހު  8-20 އަށް ކުރިއަށްދާ އޭއެފްސީ 17 އަހަރުން ދަށުގެ ކޮލިފައިން އަށް ތައްޔާރުވާން، ޒުވާން ގައުމީ ޓީމު ގޮވައިގެން، މިހާތަނަށް ކުރެވުނު މަަސައްކަތާ މެދު ހިތްހަަމަ ޖެހޭ ކަމަށް ކަކާ ވަނީ ބުނެފަ އެވެ. 

އެ ގޮތުން، މިހާތަނަށް ކުރެވުނު މަސައްކަތުން، 17 އަހަރުން ދަށުގެ ޓީމު ވަނީ ފުރަތަމަ ޑިވިޝަނުގެ ގިނަ ކްލަބްތަކާ ދެކޮޅަށް މެޗުތަކެއް ކުޅެފަ އެވެ. ޓީސީ ސްޕޯޓްސް ކްލަބާ ދެކޮޅަށް ދެ މެޗާއި އޮޑި ސްޕޯޓްސް ކްލަބާއި ނިއު ރޭޑިއަންޓް ސްޕޯޓްސް ކްލަބާއި ބިސް ބުރު ސްޕޯޓްސް ކްލަބް އަދި 20 އަހަރުން ދަށުގެ ގައުމީ ޓީމާ އެކު ވެސް 17 އަހަރުން ދަށުގެ ޓީމުން ވަނީ ކުޅެފަ އެވެ. 

"މި ފްރެންޑްލީސްތަކުގައި ބޭނުމަކަށް ވީ ޕްލޭޔަރުން އެކި މަގާމުތަކަށް އެސަސް ކުރުމާ ޓީމެއްގެ ގޮތުގައި ޓެކްޓިކަލީ ކުރެވިފައިވާ ކަންކަން އެސަސް ކުރުން. ދެން، ކުރެވިދާނެ ކަންކަން ދެނެގަނެ ކުޅުންތެރިންނަށް ދެވޭނެ މެޗު ތަޖުރިބާތަކެއް ލޯކަލީ ވެސް ދިނުން،" ކަކާ ބުންޏެވެ. 

17 އަހަރުން ދަށުގެ ގައުމީ ޓީމުގެ ޕްރެކްޓިހުގެ ތެރެއިން ކަކާ.--- ފޮޓޯ: އިމޭޖަސް.އެމްވީ / އަދަދު ސްޕޯޓްސް
17 އަހަރުން ދަށުގެ ގައުމީ ޓީމުގެ ޕްރެކްޓިހުގެ ތެރެއިން ކަކާ.--- ފޮޓޯ: އިމޭޖަސް.އެމްވީ / އަދަދު ސްޕޯޓްސް

އޭއެފްސީ ކޮލިފައިންގައި ރާއްޖޭން ފުރަތަމަ ކުޅެން އޮތީ އަންނަ މަހު އަށް ވަނަ ދުވަހު ޗައިނީސް ޓައިޕޭއާ އެވެ. އޭގެ ތިން ދުވަސް ފަހުން، އަންނަ މަހު 11 ވަނަ ދުވަހު ހޮންގް ކޮންގްއާ ކުޅޭނެ އެވެ. ސާދަ ވަނަ ދުވަހު، ތައިލެންޑާ ކުޅުމަށް ފަހު، ކޮލިފައިން ފަހު މެޗުގައި ރާއްޖޭން އިރާގާ ބައްދަލުުކުރާނީ އަންނަ މަހުގެ 17 ވަނަ ދުވަހު އެވެ. 

ވާދަކުރަން ޖެހޭ ގައުމުތަކަށް އިޝާރާތްކޮށް، ކަކާ ބުނީ، ފުރަތަމަ ކަމަކަށް ގަބޫލުކުރަން ޖެހޭ ހަގީގަތަކީ މި ކުޅެން ޖެހޭ ގައުމުތަކަކީ ރާއްޖެ އަށް ވުރެން ފުޓްބޯޅައިގެ ލެވަލްގެ ގޮތުން މަތި ގައުމުތަކެއް ކަމަށެވެ. އެކަމަކު، ހަމައެކަނި އެ ލެވަލަށް ބަަލައިގެން ފަރުަޖައްސައިނުލާނެ ކަމަށާއި ކުރެވުނު އެންމެ ރަނގަޅު މަސައްކަތްތަކެއް ކޮށްގެން، އެނބުރި ރާއްޖެ އަންނަން ބޭނުންވަނީ، ވަރަށް ރަނގަޅު ކުޅުމަކާއި ނަތީޖާތަކެއް ހިފައިގެން ކަމަށް ކަކާ ފާހަގަކުރި އެވެ. 

ކަކާ ބުނީ، ކުރިމަތީގައި އޮތް ޗެލެންޖް ކުޅުންތެރިންނަށް ވީ އެންމެ ރަނގަޅަށް ވިސްނައިދެމުން އަންނަ ކަމަށެވެ. 

"މެންޓަލީ ވެސް ކުޅުންތެރިން ތައްޔާރުކުރަން މަސައްކަތް އެބަކުރަން. އުނދަގޫތަކާ ދެކޮޅަށް ވިސްނުން ބަހައްޓައިގެން ރަނގަޅަށް މަސައްކަތް ކުރަން އިރުޝާދު މި ދެނީ. ފެންނަން އޮތް ކަމަކީ އަހަރެމެންނަށް ވާދަކުރަން އޮތް ފުރުސަތު، ދެން ދައްކަންވީ ބިރުން ނުތިބެ ކުޅެވިދާނެކަން. ވާދަވެރި، އުނދަގޫ ޓީމަކަށް އަހަރެމެންނަށް ވެސް ވެވޭނެ،" ކަކާ ބުންޏެވެ. 

17 އަހަރުން ދަށުގެ ގައުމީ ފުޓްބޯޅަ ޓީމުގެ ކޯޗު އިބްރާހިމް ސައީދު (ކަކާ)، ޓީމުގެ ޓްރެއިިނިންގެ ތެރެއިން.---- ފޮޓޯ: އަދަދު ސްޕޯޓްސް / އިމޭޖަސް.އެމްވީ
17 އަހަރުން ދަށުގެ ގައުމީ ފުޓްބޯޅަ ޓީމުގެ ކޯޗު އިބްރާހިމް ސައީދު (ކަކާ)، ޓީމުގެ ޓްރެއިިނިންގެ ތެރެއިން.---- ފޮޓޯ: އަދަދު ސްޕޯޓްސް / އިމޭޖަސް.އެމްވީ

ކްލަބް އީގަލްސް އިން ކޯޗިން މަސައްކަތް ފެށި ކަކާ އެންމެ ފުރަތަމަ ހުރީ އީގަލްސްގެ ކޯޗު، އަހުމަދު ޝާކިރު (ޝާކިއްޓެ)ގެ އެސިސްޓަންޓް ކޯޗެއްގެ ގޮތުގަ އެވެ. އޭރު، 2016 އާއި 2017 ވަނަ އަހަރު ބޭއްވި ޔޫތު ޗެމްޕިއަންޝިޕްގެ ޗެމްޕިއަންކަން ކްލަބް އީގަލްސް އިން ހޯދި އެވެ. އެ އަށް ފަހު، އީގަލްސްގެ ޔޫތު ޓީމުގެ ހެޑް ކޯޗެއްގެ ގޮތުަގައި ހުއްޓައި، ކްލަބް ގްރީން ސްޓްރީޓްސް އަތުން 2018 ވަނަ އަހަރުގެ ފައިނަލުގައި ބަލިވި އެވެ. އެކަމަކު، ޖެހިގެން އައި ސީޒަނުގައި ހެޑް ކޯޗެއްގެ ގޮތުގައި ފުރަތަމަ ފަހަރަށް ޔޫތު ޗެމްޕިއަންޝިޕް ކާމިޔާބުކުރި އެވެ. 

އޭގެ ފަހުން، ކްލަބް އީގަލްސް ދޫކޮށްލައި، މާޒިޔާއާ ގުޅުމަށް ފަހު، 22 ވަނަ އަހަރު ޔޫތު ޗެމްޕިއަންޝިޕްގައި މާޒިޔާއާ އެކު މާ އެދެވޭ ކާމިޔާބެއް ނުލިބުނެވެ. މާޒިޔާގައި ވެސް ޔޫތު މުބާރާތުުގައި އެސިސްޓަންޓް ކޯޗެއްގެ ގޮތުގައި، އަހުމަދު ސުޒެއިރު (ކޮއްކޮ)އާ އެކު މަސައްކަތްކުރި ކަކާ، 2024 ވަނަ އަހަރު މާޒިޔާ ޔޫތު ޓީމުގެ ހެޑް ކޯޗުކަމާ ހަވާލުވި އެވެ. އަދި، ފުރަތަމަ އަހަރު ސެމީ ފައިނަލުން ބަލިވިއިރު، އޭގެ ފަހުން ދެ އަހަރު މި ވަނީ ބަލިނުވެ މުބާރާތުގެ ޗެމްޕިއަންކަން ޖެހިޖެހިގެން ދެ ފަހަރު ހޯދައިފަ އެވެ. 

މާޒިޔާގެ ކާމިޔާބީއާ އެކު ކަކާގެ ކޯޗިން މަސައްކަތް އެހެން ހަރުފަތަކަށް

ކޯޗު އިބްރާހިމް ސައީދު (ކަކާ) ގެ އިރުޝާދުގެ ދަށުން، 19 އަހަރުން ދަށުގެ ޔޫތު ޗެމްޕިއަންޝިޕް ޖެހިޖެހިގެން ދެ އަހަރު މާޒިޔާ އިން ކާމިޔާބުކޮށްފި މި މުބާރާތްތަކުގައި އެއްވެސް މެޗަކުން ބަލިނުވެ މާޒިޔާ ހޯދި މި ކާމިޔާބީއަކީ ކޯޗު ކަކާގެ ކެރިއަރުގައި ލިބުނު ބޮޑު ކުރިއެރުމެއް.. މިއީ މާޒިޔާގެ މެނޭޖްމަންޓާއި ޓެކްނިކަލް ޓީމުގެ ބުރަ މަސައްކަތު ކަމަށް ކަކާ ބުނޭ

މި އަހަރު ކުރީކޮޅުގައި، ދިން އިންޓަވިއުއެއްގައި ކަކާ ވަނީ 17 އަހަރުން ދަށުގެ ޓީމުގެ ހެޑް ކޯޗުކަން ކުރުމަކީ ހުވަފެނެއް ކަމަށް ބުނެފަ އެވެ. އަހަރެއް ވެސް ނުވަނީސް އޭނާ އެ ހުރީ އެ މަގާމާ ހަވާލުވެ އެވެ. 

"ފުރަތަމަ ކަމަކަށް އަލްހަމްދުލިއްލާހި. މި ފުރުސަތު ލިބުނީމަ، މި ޗެލެންޖް ނަގަން މި އޮތީ އަހަރެންގެ އަތްމަތީގައި ރަނގަޅު ފުރުސަތެއް. މި ކަމަށްޓަކައި، އެފްއޭއެމް އިން ކުރި އިތުބާރަށްޓަކައި ވަރަށް ޝުކުރު އަދާކުރަން. މިއީ، އަހަރެންގެ ކެރިއަރުގެ އެންމެ ބޮޑު އުސްއައްޔަށްވާނެ،" ކަކާ ބުންޏެވެ. 

ކަކާ ބުނީ، މި ފުރުސަތު އޭނާ އަށް ފަހިވުމުގައި ގިނަ ބައެއްގެ އެހީތެރިކަން ލިބިގެންދާ ކަމަށެވެ. އޭގެ ތެރޭގައި، މާޒިޔާ އާއި އާއިލާ މީހުން އަދި ގާތް އެކުވެރިން، އަދި އޭނާ ވަޒީފާ އަދާކުރާ މޯލްޑިވްސް ޕޮލިސް ސާވިސްގެ މީހުން ކަކާ ފާހަގަކުރެ އެވެ. 

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox