ތެލުން ވައްކަން ކުރިކަން ސާބިތުވެ އެމްޕީއެލްގެ ޕްރޮކިއުމަންޓް މެނޭޖަރާއި އެފްއެސްއެމްގެ ބައުޒަރު ޑްރައިވަރު ޖަލަށް

ކްރިމިނަލް ކޯޓު: ހިޔާނާތުގެ މައްސަލައެއްގައި ޖަލަށްލީ ދިވެއްސަކާއި ބިދޭސީއެއް -- ފޮޓޯ: އަދަދު

ކްރިމިނަލް ކޯޓު: ހިޔާނާތުގެ މައްސަލައެއްގައި ޖަލަށްލީ ދިވެއްސަކާއި ބިދޭސީއެއް -- ފޮޓޯ: އަދަދު

ހިޔާނާތްތެރިވިކަން ސާބިތުވެ މޯލްޑިވްސް pޕޯޓްސް ލިމިޓެޑުގެ ކުރީގެ ޕްރޮކިއުމަންޓް މެނޭޖަރު ސ. ފޭދޫ، ވާރުގެ، މުހައްމަދު އައިމަން އާއި ފިއުލް ސަޕްލައި މޯލްޑިވްސް (އެފްއެސްއެމް) ގެ ކުރީގެ ބައުޒަރު ޑްރައިވަރު ކަމަށްވާ ބަންގްލަދޭޝްއަށް ނިސްބަތްވާ ސޮޖިބް އަށް އަހަރަށް ޖަލަށްލާން މިއަދު ހުކުމްކޮށްފި އެވެ. 

މި މައްސަލައިގައި ހިޔާނާތްތެރިވުމުގެ ކުށް ސާބިތުވެ އެ ދެ މީހުންގެ މައްޗަށް ވެސް އިއްވީ އަށް އަހަރުގެ ޖަލު ހުކުމެކެވެ. އަދި މީހަކަށް އޮޅުވާލުމުގެ ނިޔަތުގައި އެނގިހުރެ ސައްހަ ނޫން ލިޔުމެއް ދެއްކުމުގެ ގޮތުން އެފަދަ ލިޔުމެއްގައިވާ ކަމެއް ބަޔާންކުރުމުގެ ކުށް ސާބިތުވުމުން ނުވަ މަހާއި 18 ދުވަހުގެ ޖަލު ހުކުމެއް ވެސް އެ ދެ މީހުންނަށް ވަނީ އިއްވާފަ އެވެ. 

އޭގެ އިތުރުން މި މައްސަލައިގައި ދައުލަތަށް ލިބުނު ގެއްލުމަށް ކޮންމެ މީހަކު 6.7 މިލިއަން ރުފިޔާ ދައުލަތަށް ދެއްކުމަށް ވެސް ހުކުމުގައި އަންގާފައިވެ އެވެ. 

މި މައްސަލައިގައި އައިމަންގެ މައްޗަށް ސާބިތުވީ އެފްއެސްއެމް އިން ޕޯސްޓަށް ތެޔޮ ގަތުމުގެ މުއާމަލާތުގައި ޖެނުއަރީ 13، 2020، އިން ފެށިގެން އޮކްޓޯބަރު 10، 2020، ގެ ނިޔަލަށް ތައްޔާރުކޮށްފައިވާ 119 ޑެލިވަރީ ނޯޓު ބަލައިގަނެ ސޮއިކުރުމަށް ޕޯސްޓުގެ އެސިސްޓަންޓް މެނޭޖަރު ސ. މަރަދޫ، އާޒާދުގެ، ހަސަންދީދީ އަށް އިރުޝާދު ދީ، އެ ޑެލިވަރީ ނޯޓުތައް ސިސްޓަމަށް ބަލައިގަނެ ޕްރޮސެސްކޮށް ޕޯސްޓަށް ލިބިފައިނުވާ 783،100 ލީޓަރުގެ ޑީސަލް ލިބިފައިވާ ކަމަށް ލިޔެކިޔުންތަކުން ދެއްކުމުގެ ކުށެވެ. 

މީގެއިތުރުން އެ ޑީސަލްއަށްވާ 6.7 މިލިއަން ރުފިޔާ އެފްއެސްއެމްއަށް ޕޯސްޓު މެދުވެރިކޮށް ދައްކައި، އެފްއެސްއެމް އިން ގަތް ތެލަށް އައިމަން ހިޔާނާތްތެރިވެފައިކަން ވަނީ ސާބިތުވެފަ އެވެ. 

މި މައްސަލައިގައި ސޮޖިބްގެ މައްޗަށް ސާބިތުވީ  ޖެނުއަރީ 13، 2020، އިން ފެށިގެން އޮކްޓޯބަރު 10، 2020، ގެ ނިޔަލަށް 119 ޑެލިވަރީ ނޯޓު ތައްޔާރުކޮށް، އެ ޑެލިވަރީ ނޯޓުތަކުގައި ބަޔާންކޮށްފައިވާ ޑީސަލް ޕޯސްޓަށް ޑެލިވަރީކޮށްފައިވާ ކަމަށް ދެއްކުމަށް ޕޯސްޓުގެ އެސިސްޓަންޓް މެނޭޖަރު ސ. މަރަދޫ، އާޒާދުގެ، ހަސަންދީދީ، އާ ހަވާލުކޮށް، އެފްއެސްއެމް އިން ޕޯސްޓަށް ޑެލިވަރީކުަންޖެހޭ 783،100 ލީޓަރު ޑީސަލްއަށް ހިޔާނާތްތެރިވިކަމެވެ. 

-

ކުށުގެ އިސްލާހު: މި ހަބަރު އެންމެ ފުރަތަމަ ޝާއިއުކުރިއިރު ޕޯސްޓް ލިމިޓެޑް ކަމަށް ޖެހިފައިވަނީ މައުލޫމާތުގެ ކުށަކުންނެވެ. ރަނގަޅު ގޮތަކީ މޯލްޑިވްސް ޕޯޓްސް ލިމިޓެޑެވެ. 

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox