ރިޔާދް އެއާޕޯޓުގައި ބާރުގަދަ ގޮވުމެއް، ގިނަ ފްލައިޓްތައް ކެންސަލް

Oct 11, 2026, 6:05 AM
ފޮޓޯ: ރޮއިޓާސް

ފޮޓޯ: ރޮއިޓާސް

ސައުދީ އަރަބިއްޔާގެ ރިޔާދް އިންޓަނޭޝަނަލް އެއާޕޯޓުގައި ހޮނިހިރު ދުވަހު ބާރުގަދަ ގޮވުމެއް ގޮވައި، ގިނަ ބަޔަކު ޒަޚަމްވެއްޖެ އެވެ. 

މި ހާދިސާއާ ގުޅިގެން އެއާޕޯޓުގެ ބައެއް ސަރަހައްދުތަކުން ވަނީ މީހުން ހުސްކޮށްފަ އެވެ.

މި ހާދިސާ ލޮލުން ދުށް އެކަކު ބުނި ގޮތުގައި، އެއާޕޯޓުގެ އެތެރޭގައި އެއްޗެއް ގޮވުމަށްފަހު ގިނަ ބަޔަކު ޒަޚަމްވެފައި ބިމަށް ވެއްޓިފައި ތިއްބާ އޭނާއަށް ފެނިފައިވެ އެވެ. އަދި އެއާޕޯޓާ ދިމާލަށް 12 އަށްވުރެ ގިނަ އެމްބިއުލަންސް ދަތުރުކުރަމުންދިޔަ މަންޒަރު ވެސް ފެނިފައިވާ ކަމަށް އޭނާ ބުންޏެވެ.

Advertisement

މި ހާދިސާއާ ގުޅޭގޮތުން ސައުދީ ސަރުކާރުގެ މީޑިއާ އޮފީހުންނާއި އެ ގައުމުގެ ސިވިލް އެވިއޭޝަން އޮތޯރިޓީން ވަކި އެއްޗެއް ނުބުނެ އެވެ.

ހޮނިހިރު ދުވަހުގެ މި ހާދިސާ ހިނގާފައި މިވަނީ، ޔަމަނުގައި ހަރަކާތްތެރިވާ އީރާނަށް ތާއީދުކުރާ ހޫތީން ސައޫދީ އަރަބިއްޔާއަށް ދޭ މިސައިލް ހަމަލާތައް އިތުރުކޮށްފައިވާ ދަނޑިވަޅެއްގަ އެވެ. މިދިޔަ ހަފުތާގެ ތެރޭގައި މީގެ ކުރިން ވެސް ދެ ފަހަރެއްގެ މަތިން ރިޔާދް އެއާޕޯޓަށް ހަމަލާދީފައިވާއިރު، އެ ހަމަލާތަކުގައި ހަތަރު މީހަކު މަރުވެ، އިތުރު ބަޔަކު ޒަޚަމްވެ، ބޯޓަކަށް ބޮޑެތި ގެއްލުންތަކެއް ވަނީ ލިބިފަ އެވެ.

ފްލައިޓްތައް ޓްރެކްކުރާ "ފްލައިޓްރޭޑާ24" އިން ދައްކާ ގޮތުގައި، ރިޔާދަށް ދަތުރުކުރަން ހަމަޖެހިފައިވާ ހުރިހާ ފްލައިޓްތަކެއް ވަނީ އެހެން އެއާޕޯޓުތަކަށް ބަދަލުކޮށް ނުވަތަ ކެންސަލްކޮށްފަ އެވެ. އަދި އެއް ވަގުތެއްގައި އެއާޕޯޓުގެ މަތީގައި ހަމައެކަނި ހެލިކޮޕްޓަރެއް އުދުހެމުންދިޔަ މަންޒަރު ވެސް އެ ސައިޓުން ފެނިފައިވެ އެވެ.

އެއާޕޯޓުގެ އިދާރާއިން ވަނީ ފަސިންޖަރުން އެއާޕޯޓަށް ދިއުމުގެ ކުރިން، އެ މީހަކު ދަތުރުކުރާ އެއާލައިނަކަށް ގުޅައިގެން ފްލައިޓްގެ ހާލަތު ޗެކްކުރުމަށް އިލްތިމާސްކޮށްފަ އެވެ.

ކުވެއިތު އެއާވޭޒްއިން ބުނި ގޮތުގައި، ރިޔާދް އެއާޕޯޓުގެ "ސަލާމަތީ ހާލަތާ" ގުޅިގެން އެއާޕޯޓު ބަންދުކުރުމުގެ ސަބަބުން، ސަުދީގެ ވެރިރަށަށް ކުރަން ހަމަޖެހިފައިވާ ހުރިހާ ދަތުރުތަކެއް އެ އެއާލައިނުން ވަނީ ކެންސަލްކޮށްފަ އެވެ.

މީގެ އިތުރުން، އިއްތިހާދު އެއާވޭޒް އާއި ގަތަރު އެއާވޭޒްއިން ވެސް ވަނީ އެ އެއާލައިންތަކުގެ މައި މަރުކަޒުތަކާއި ރިޔާދްއާ ދެމެދު ކުރަން ހަމަޖެހިފައިވާ ގިނަ ފްލައިޓްތަކެއް ކެންސަލްކޮށްފަ އެވެ. މީގެ ތެރެއިން ބައެއް ފްލައިޓްތައް ހޯމަ ދުވަހާ ހަމައަށް ވެސް ވަނީ ކެންސަލްކޮށްފަ އެވެ.

ރިޔާދުގައި ހަކަތަ އާއި އިންވެސްޓްމަންޓާ ގުޅޭ ބޮޑެތި ކޮންފަރެންސްތަކެއް ބޭއްވުމަށް ތައްޔާރުވަމުން ދަނިކޮށް، ހޫތީން ދިން މި ހަމަލާތަކާ ގުޅިގެން، ގިނަ އެއާލައިންތަކަކުން ވަނީ ސައުދީގެ ވެރިރަށަށް ކުރާ ދަތުރުތައް މެދުކަނޑާލައި ނުވަތަ ކެންސަލްކޮށްފަ އެވެ.

އެ ކޮންފަރެންސްތައް އިންތިޒާމުކުރާ ފަރާތްތަކުން ހޮނިހިރު ދުވަހު ބުނީ، ކުރިން ރޭވިފައިވާ ގޮތަށް ކޮންފަރެންސްތައް ކުރިއަށްދާނެ ކަމަށެވެ. އަދި ބައިވެރިންގެ ސަލާމަތާއި ރައްކާތެރިކަން ކަށަވަރުކޮށްދިނުމަށް އެ ފަރާތްތަކުން ވަނީ މަސައްކަތް ކޮށްފަ އެވެ.

ސައުދީގެ އެހީތެރިކަމާއެކު ޔަމަނުގެ ސަރުކާރުން މި މަހުގެ ކުރީކޮޅު ހޫތީންނާ ދެކޮޅަށް ވަރުގަދަ ހަމަލާތަކެއް ދޭން ފެށުމާ ގުޅިގެން، ހޫތީން ވަނީ ސައުދީގެ ވައިގެ ސަރަހައްދަކީ ހަނގުރާމައިގެ ސަރަހައްދެއްގެ ގޮތުގައި ކަނޑައަޅައި، އެ ސަރަހައްދުން ބޯޓުތައް ދަތުރުނުކުރުމަށް އިންޒާރު ދީފަ އެވެ.

ކޮމެންޓް

ފަހުގެ ޚަބަރު

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

ޓްރަމްޕް ފިލިޕީންސަށް ވަޑައިގެންފި

އެމެރިކާގެ ރައީސް ޑޮނަލްޑް ޓްރަމްޕް އޭޝިއާއަށް ކުރައްވާ ދަތުރުފުޅުގައި ފިލިޕީންސަށް ވަޑައިގެން، އިންޑިއާ، ޖަޕާން އަދި އޮސްޓްރޭލިއާ ހިމެނޭ ކުއަޑް ގްރޫޕުގެ ލީޑަރުންނާ ބައްދަލުކުރައްވައިފިއެވެ. މި ބައްދަލުވުމުގައި އިންޑޯ-ޕެސިފިކް ސަރަހައްދުގެ އަމާންކަމާއި ގުޅުން ބަދަހިކުރުމާ ގޮތުން މަޝްވަރާކުރެއްވިއިރު، އެމެރިކާގެ އަމާޒަކީ ޗައިނާގެ ނުފޫޒު ކުޑަކޮށް މި ގައުމުތަކާއެކު އޮންނަ އިގްތިސާދީ އަދި ޓެކްނޮލޮޖީގެ ގުޅުން ވަރުގަދަކުރުމެވެ.

ހަގިން ފޭސްއަށް ދިން ހަމަލާއާ ގުޅިގެން ދައުވާކޮށްފި

އެކަށީގެންވާ ރައްކާތެރިކަމުގެ ފިޔަވަޅުތަކެއް ނެތި އޭއައި މޮޑެލްތައް ތަރައްގީކޮށް އާންމުން ނުރައްކަލަށް ހުށަހެޅި ކަމަށް ބުނެ، ކެލިފޯނިއާގެ އެޓާނީ ޖެނެރަލް އޯޕަންއޭއައިއާ ދެކޮޅަށް ދައުވާ އުފުލައިފިއެވެ. މި ދައުވާގެ މައިގަނޑު އަސާސަކީ އޯޕަންއޭއައިގެ އެޖެންޓުންތަކެއް "ހަގިން ފޭސް" ގެ ނިޒާމަށް ވަދެ ދިން ހަމަލާއަކަށްވާއިރު، މިއީ އެމެރިކާގެ ސްޓޭޓަކުން އޭއައި ކުންފުންޏަކާ ދެކޮޅަށް ކުރި ފުރަތަމަ ދައުވާއެވެ.

އިންޑިއާ: އޭއައި ބޭނުންކޮށް ބިމާއި މަގުގެ މައްސަލަތަކަށް ހައްލު

އިންޑިއާގެ ސްޓާޓްއަޕްތަކުން އޭއައި ބޭނުންކޮށްގެން ބިމުގެ ރެކޯޑުތައް ބެލެހެއްޓުމާއި، މަގުތަކުގައި ހުންނަ ވަޅުގަނޑުތައް ދެނެގަތުން ފަދަ އިޖުތިމާއީ ބޮޑެތި މައްސަލަތަކަށް އަންނަނީ ހައްލު ހޯދައިދެމުންނެވެ. މީގެ އިތުރުން ސިއްހީ ދާއިރާގައި ލެބް ރިޕޯޓުތައް ތަރުޖަމާކުރުމާއި ބަލިމަޑުކަން ދެނެގަތުމަށް ވެސް މި ޓެކްނޮލޮޖީގެ އެހީގައި ލުއިފަސޭހަ ނިޒާމުތަކެއް ވަނީ ގާއިމުކޮށްފައެވެ.

Newsletter

Get the latest news delivered straight to your inbox