ތުއްތު ކުދިންނާއި އަހުލާގު

.

.

ދަރިވަރުން ބިނާ ކުރުމުގައި މައިން ބަފައިންނެކޭ އެއްގޮތަށް މުދައްރިސުންގެ ރޯލު ވަރަށް ބޮޑެވެ. މައިންބަފައިންގެ އިހުމާލުން ހެޔޮގޮތުން އެއްކިބާ ވަމުން ދާކުދިން ވަރަށް ރަނގަޅަށް ދެނެގަނެވޭނެ އުމުރުފުރާއަކީ 3 އަހަރާއި 6 އަހަރާއި ދެމެދުގެ ދަރިވަރުންގެ ކިބައިންނެވެ. މިކުދިންނަށް އަންނަ ކޮންމެ ބަދަލެއް މުދައްރިސުންނަށް އެނގޭނެއެވެ. މުދައްރިސަށް ކުދިންގެ ވާހަކަތައް ބުނެދޭނެއެވެ. 4 އަހަރު ފުރިފަ ތިބޭ ކުދިންނަށް އެކުދިންގެ ވާހަކަތައް މުދައްރިސަށް ބުނެދެމުން އެހެން މީހުންނަށް ޚާއްޞަކޮށް މައިންބަފައިން ގާތު ނުބުނުމަށް ވެސް ބުނާނެ ވާހަކަތައް ބުނެދޭނެއެވެ. މިހާ ބޮޑަށް ދަރިވަރުން މުދައްރިސުންނާޢި ގުޅުން ގާއިމު ކުރާއިރު ކުދިންގެ އަޚްލާޤް ނޭގޭން ވީ ސަބަބެއް ނުވާނެއެވެ. މިހާ ޅަފަތުގެ ކުއްޖެއްގެ އަޚްލާޤީ މިންގަނޑެއްގެ ވާހަކަ މުދައްރިސަކު ބެލެނިވެރިޔާއާއި ހިއްސާކުރާނީ ވަރަށް ބޮޑަށް ބެލުމަށްފަހުއެވެ. ވީމާ ބެލެނިވެރިޔާ މުއްދަރިސް ޢާއިގާތް ގުޅުމެއްބާއްވައި ދަރިވަރާއި ބެހޭގޮތުން މުދައްރިސް ބުނިވާހަކަތައް އަޑުއަހާ އެބުނެދިންކަމަކަށް ބަލަންވާނޭކަމަށް ދެކެމެވެ. ތުއްތުކުދިން މިހާރު ބޮޑުވަމުން އަންނަނީ ވަރަށް ކުދިކުދިތަންތަންކޮޅުގައި ތިބެގެންކަމަށް ވުމުން ބައެއްފަހަރު ކުދިންނާ އެކަށީގެންނުވާ ބަސްމޮށުމާއި، ފެންނަންނުވާ މަންޒަރުތައް ފެނިކުދިން ތަރުބިއްޔަތުކުރުމުގެ ހަރުފަތުގައި ތިބިފަރާތްތަކަށް ވަރަށް ގޮންޖެހުންތައް ދިމާވަމުންދެއެވެ. މިކަންވިސްނައި އެފަދަކަންކަމުން ދުރު ކުރުވޭނެ ގޮތްތައް ހޯދުމަކީ މިކުދިންތަރުބަވީ މާހައުލަށް ނެރުމުގެ މަސައްކަތް ކުރަމުންދާ ފަރާތްތަކުގެ ވަރަށް ބޮޑު ޒިންމާއެކެވެ.

ތުއްތުކުދިންގެ އަޚްލާޤީ މިންގަނޑު ރަނގަޅު ކުރުމަށް ސްކޫލްތަކުން ޕްރޮގްރާމް ހިންގާތޯއެވެ. އެކުދިންނަށް ސްކޫލުން ދެވެން ހުރި ޚިދްމަތެއް ދެވޭތޯއެވެ. ވަރަށް އަސަރާއެކު ބުނެވޭނީ ނޫނެކެވެ. މިއީ ހަމައެކަނި ސްކޫލްގެ އިހުމާލެއްވެސް ނޫނެވެ. ސްކޫލްގެ ބެލެނިވެރި ފަރާތުންވެސް ވެފައި އޮންނަ ވަރަށް ބޮޑު އިހުމާލަކުން ކަންހިނގަމުން ދާގޮތެވެ. ކިޔަވައިދިނުން ބައްޓަން ކުރެވިފައި އޮންނަނީ 5 މަރުހަލާ އަކަށް ބެހެނިވެގެންނެވެ. 1-ޖިސްމާނީ ދުޅަހެޔޮކަން، 2- ބަސް 3- ވިސްނުމާއި ވިސްނުންތެރިކަމުގެ މަރުހަލާ،4އިސްލާމް ދީނާއި ރޫޙާނިއްޔާތު 5. އިޖްތިމާޢީ ޢިލްމް. މި ބުނެވުނު ފަސް މަރުހަލާގެ ވާހަކަ ނޫނީ މިހާރުގެ ގޮތުންނަމަ 5 ތަރައްޤީއަށް ބިނާކޮށް ކިޔަވައިދިނުމަށް އަސާސްތަކެއް ކަނޑައަޅާފައިއޮވެއެވެ. މީގެތެރެއިން އެންމެ ކުޑަކޮށް އޮތީ އިސްލާމްދީނާއިރޫޙާނިއްޔަތުގެ ބައެވެ. މި ސުރުޚީ ވަރަށް ބޮޑެވެ. އެހެންނަމަވެސް ކިޔަވަޢިދޭން އޮތީ މައިނަސް ސުމެއްދެވޭވަރުގެ އެތިފުކެކެވެ. އަޚްލާޤީ މިންގަނޑަށް އެއްގޮތަކަށްވެސް އަލިއަޅުވައިލާފައި ނުވެއެވެ. އިސްލާމީ އަދަބުތަކުގެ ވާހަކަ ނުވެސް އޮވެއެވެ. ބަސްކުރިއެރުވުމަށް ނުލާހިކު ރީތި ކުދިކުދި ވާހަކަތައް ބޭނުން ކުރަން ބުނެދޭއިރު އެއްގޮތަކަށްވެސް އިސްލާމް ދީނާއި ކުޑަކުދިންނާއި ގުޅުންހުރި ވާހަކަތަކެއް ނުބުނެދެއެވެ. ކުދީން ކިތަންމެ ތުއްތުނަމަވެސް އިރުއޮއްސެނީ ﷲ ކުޅަދުންވަންތަ ކަމުންކަން ބުނެދިނުމުން ޤަބޫލުކުރެއެވެ. ކޮންމެ ކުއްޖެއް ހައްދަވައިފައި ވަނީ ތަފާތުކޮށްކަމާއި އެކުވެރި ކުދީންގެ ތަފާތުތަކަށް ވިސްނައި ހެޔޮކޮށް ކަންތައްތައް ކޮށްދިނުމުން އެކުދިންނަށް ހެޔޮގޮތް ވާނޭކަން ބުނެދިނުމުން ގަބޫލުކުރެއެވެ. ކީރިތި ޤުރްއާންގެ ބައި ހިމެނޭހެން އެކުލެވިގެން އޮތް މި ބޮޑުމައުޟޫޢު އޮތީ ވަރަށް ދަށުގައެވެ. ކީރިތި ޤުރްއާން ކިޔެވުމުން ލިބޭނެ ފައިދާ އާއި ނިޢުމަތުގެ ވާހަކަ ލިޔެފައި ނެތެވެ. އެއްކުއްޖެއް އަނެއްކުއްޖަކަށް އިޙްތިރާމް ކުރަން ޖެހޭނޭވާހަކަ ނޯވެއެވެ. މައިންބަފައިންގެ ވާހަކަ ބުނެދެވިފައެއްނުވެއެވެ. މި އީ ހިތާމަ ހުރިކަމެކެވެ. މި ޢުމުރުފުރާއަކީ ބިންގައު އެޅުމުގެ މަރުހަލާއެވެ. އިޖްތިމާޢީ އަދަބުތަކާ އެކުވެރިކަމުގެ އަދަބުތައް  ބުނެދޭން ޖެހޭމަރުހަލާއެވެ. ގަވައިދުތައް ދަސްކޮށްދިނުމާއި ސީދާމަގުން ހިނގަން ދަސްކޮށް ދޭންޖެހޭ މަރުހަލާއެވެ. ސްކޫލްތަކުން ގިނަ ހަރަކާތްތައް ބާއްވާއިރު އަޚްލާޤި މިންގަނޑަށް އަމާޒުކޮށްގެން ދެވޭ މެސެއްޖެއް ދުވަހަކުވެސް ނުދެކެމެވެ. އަހަރީކޮސްސެޓަކީ ވަރަށްކުލަ ގަދަކޮށް ބާއްވާހަފުލާއެކެވެ. އަހަރީކޮންސަޓާއި އެކި މުނާސަބަތުތައް ފާހަގަކުރަން ބާއްވާ މުނާސަބު ދުވަސްތަކުގައި އެކަމަށް ޚާއްސަ މެސެޖު ދެވޭނަމަ ބެލެނިވެރިން ވިސްނާ ދަރިވަރުންނަށް ތަރުބިއްޔަތު ދިނުމުގައި ބަލާނެކަން ކަށަވަރެވެ. މިކަންކަމުގެ އިތުރުން ދަރިވަރުން އެއްދުވަހުން އަނެއްދުވަހަށް އަޚްލާޤީ ފެންވަރު ދަށްވަމުން ދާވާހަކަ ސްކޫލްތަކުގެ ހުރިހާ ފަރާތަކުން ދައްކައެވެ. މިކުދިންގެ އަޚްލާޤް ރަނގަޅުކުރުމަށް ނޫނީ ކަންވަމުންދާ ގޮތްތައް ދެނެގަތުމަށް އެއްވެސް ދިރާސާއެއްކުރިކަމެއް އެނގިފައިނެތެވެ. މިއީ މިހާރު ސްކޫލް ތަކުގައި ވަރަށްސީރިއަސް ކަމެއްގެ ގޮތުގައި ދެކި ފިޔަވަޅު ނޭޅިއްޖެނަމަ މި ގައުމުގެ ކުރިމަގަށް ވަރަށް ނޭދެވޭ އަސަރު ކުރާނޭކަމެކެވެ. އެންމެ ފުރަތަމަ ތުއްތުއިރު ދަރިވަރުނަށް މާތްއަދަބު ތައް ދަސްކޮށް ދެވޭކަހަލަ ފިލާވަޅުތައް ދެވެންވާނީ ލިޔުމަކުންނޫނެވެ. ނޫނީ ބާއްވާ އެސެމްބްލީގެ ވަގުތު ކޮޅުގައެކަންޏެއްނޫނެވެ. ޅަފަތުގެ މަރުހަލާގައި މިކަންކަން ދަސްކޮށް ދޭންވާނީ ދަރިވަރުން ބައިވެރި ކުރުވައިގެން ކުރެވޭ އަމަލީ މަސައްކަތުގެ ތެރެއިންނެވެ. އަދަބުވެތިކޮށް އުޅުމަށް މިސާލު ދެއްކެން ވާނެއެވެ. ސްކޫލަށް ގެނެސް  ހެދުން މަނާކުރެވިފައި ހުންނަތަކެތި ސްކޫލްތެރެއަށް ޓީޗަރުން އަދި ބެލެނިވެރިންވެސް ގެނެސްހަދައިގެން ނުވާނެއެވެ ގަވައިދުހެދި އެގަވައިދަށް ބޮޑެތި މީހުން އަމަލު ކުރާތަން ދެއްކެން ވާނެއެވެ. ތުއްތުކުދިންނަށް ހެދޭ ގަވައިދުތައް ކުދިންގެ އުމުރު ފުރާއާއި ގުޅެންވާނެއެވެ. ކުދިންނަކީ ވަރަށްބޮޑަށް ބޮޑެތިމީހުންގެ އުޅުން ބަލާ އެގޮތަށް އުޅޭކުދިންނެވެ. ބެލެނިވެރިންނާ ޓީޗަރުންގެ އުޅުން ހުންނަ ގޮތްތައް ދެނެގަނެ އެގޮތްގޮތް ކޮޕީ ކުރެއެވެ. ވީމާ ނަމޫނާ ދައްކަން ތިބި ފަރާތްތަކުން ދަރިވަރުންގެ އަޚްލާޤް ރަނގަޅު ކުރުމަށް ހިތްވަރު ލާމަސައްކަތް ތަކެއް ކުރުން މުހިންމުކަމަށް ދެކެމެވެ.

 ޅަފަތުގެ އުމުރުފުރާގައި ކުދިންނަށް ދަސްކޮށްދޭންވާނީ ފުރަތަމަ މާތް އަދަބުތަކެވެ. ގޭތެރޭގައިނަމަ ގޭތޭރޭގެ އަދަބުތަކާއި ކޮންމެމީހަކުވެސް އަނެކާއަށް އިހުތިރާމް ކުރާތަނެވެ. ސްކޫލްގައިނަމަ ސްކޫލްގެއަދަބުތަކެވެ. އަދި ލިޔަން ކިޔަން ދަސްކޮށްދެވޭ އިރުވެސް ލިޔެ ކިޔުމުގެ އަދަބުތައް ބުނެދެވެންވާނެއެވެ. ކުޅިވަރުތައް ކުޅުވައިހަދާއިރުވެސް އެކުޅިވަރެއް ކުޅުމުގެ ގަވައިދަށް އަމަލު ކުރުވުން މުހިންމު ކަމަށްދެކެމެވެ. ޚާއްސަކޮށް ކުލާހުން ބޭރުގެ ހަރަކާތަކަށް ދަރިވަރުން ނެރުމުގެ ކުރިން ދަރިވަރުންނަށް އެހަރަކާތުގެ ގަވައިދުބުނެދީ އެބުނެދެވުނު ގަވައިދަށް އިހުތިރާމް ކުރަން ބުނެދެވިއްޖެނަމަ ގިނަކުދިން ބުނެދެވުނު ގޮތަށް އަމަލު ކުރާނެއެވެ.  ބެލެނިވެރިންނަށް ހޭލުންތެރިކަމުގެ ޕްރޮގްރާމް ހިންގުމަށް ސްކޫލްތައް ހިންގުމުގެ ގަވައިދުގައިއޮވެއެވެ. މިގަވައިދު އޮންނައިރު ބެލެނިވެރިންނަށް ދަރިން ތަރުބިއްޔަތު ކުރުމަށް އެހީއެއްގެ ގޮތުގައި ލަފާދެވި ޕްރޮގްރާމް ހިންގެނީ ވަރަށް މަދު ސްކޫލްތަކުގައެވެ. ސްކޫލްތަކުން ދަރިވަރުންގެ އަޚްލާޤް ރަނގަޅުކުރަން މަސައްކަތް ކުރާނަމަ އެދެވޭވަރަށް ރަނގަޅު ނަތީޖާ ނުކުންނާނޭކަން ޔަގީނެވެ. ތުއްތު އުމުރު ފުރައިގެ ދަރިވަރުން ތަރުބިއްޔަތު ކުރުމުގައި މައިންބަފައިންނާއި މުދައްރިސުން އަތުގުޅާލައިފިނަމަ އަޚްލާޤްރަނގަޅު ހެޔޮޖީލެއް ކުރިމަގުގައި ފެނި ގެންދާނޭކަން ކަށަވަރެވެ.

ކޮމެންޓް

ފަހުގެ ޚަބަރު

އީގަލް ހިލްސްއާ ނުލައި ވެސް ރަސްމާލެއިން ދާއިމީ ނަފާ ހޯދިދާނެ

ރަސްމާލެ ޓޫރިޒަމަށް އީގަލް ހިލްސްއަށް ދޫކޮށްލައިގެން ނުވާނެ. އޭގެ ބަދަލުގައި، ދިވެހިންގެ ފުރިހަމަ މިލްކުވެރިކަން އޮންނަ "ރަސްމާލެ ހިއްސާ" ކުންފުނިން ބިމުގެ ކޮންޓްރޯލް ހިފަހައްޓައި، ދައުލަތް އެންމެ ލޯނެއް ވެސް ނުނަގައި، ވަޒީފާތަކަށް އަމާޒުކޮށް އަމިއްލަ ހަރަދު އަމިއްލައަށް ބަލަހައްޓާ ދިރުންހުރި ސިޓީއެއް ބިނާކުރަންވީ.

ރައްޔިތުންގެ 'އިހުތިރާމު އަތުލުމުގެ' މަޝްރޫއު

ރާއްޖޭގައި އަހުލާގާއި އިހުތިރާމު ކުރުމުގެ ސިފަ އާލާކުރުމަށްޓަކައި، ރައީސް މުއިއްޒު ވަނީ ފަސް އަހަރު ދުވަހުގެ ގައުމީ ކެމްޕޭނެއް ރަސްމީކޮށް އިފްތިތާހުކޮށްދެއްވާފަ. މި ކެމްޕޭނަކީ ދުނިޔޭގެ ބައެއް ޑިކްޓޭޓަރުން ރައްޔިތުންގެ އަހުލާގު ބައްޓަންކުރަން ހިންގި ފަދަ ހަރަކާތްތަކާ އެއްގޮތް ކަމެއް.

ފުށިދިއްގަރު ފަޅާއި ދިވެހިންގެ ހައްގު

މާލެ ސަރަޙައްދުގެ ބޯހިޔާވަހިކަމަށް ޙައްލެއް ހޯދުމަށް "ރަސްމާލެ" މަޝްރޫޢު ފަށާފައިވާއިރު، މިއީ ދިވެހިންގެ މިލްކެއްގެ ގޮތުގައި ސަރުކާރުން ވަނީ ބުނެފައެވެ. ނަމަވެސް، ދިވެހިން ބޯހިޔާވަހިކަމަށް ބޭނުންވެފައި ތިއްބާ ބިދޭސީން ރަށްވެހިކުރުމަށް މި މަޝްރޫޢު ބަޔަކާ ހަވާލުކުރުމަކީ ދިވެހިންގެ ޙައްޤުތަކަށް އުނިކަން އަންނާނެ، ޤައުމީ ސަލާމަތަށް އޮތް ބިރެއް ކަމަށް ގިނަ ބަޔަކު ދެކެއެވެ.

ސިޔާސީ ނިންމުމެއް 99 އަހަރުގެ ގާނޫނީ އިލްތިޒާމަކަށް

ރަސްމާލެ މަޝްރޫއު ތަރައްގީކުރުމަށް ސަރުކާރުން އީގަލް ހިލްސްއާއެކު ހުސްނުވާ 99 އަހަރަށް ސޮއިކުރާއިރު މިއީ އާދައިގެ ސިޔާސީ ނިންމުމަކަށްވުރެ މާ ބޮޑު ގާނޫނީ އިލްތިޒާމެކެވެ. މި އެއްބަސްވުމުގެ ދަށުން އުފެދޭނޭ ގާނޫނީ އިލްތިޒާމުތައް ނިމުމަކަށް ގެނައުމުގައި ހުރި ގާނޫނީ ގޮންޖެހުންތަކަށް މި ލިޔުމުގައި ވާހަކަ ދައްކަ އެވެ.

ޝަރުތުތަކާއެކު ބްލީޗުން ދަތްއުނގުޅުން ހުއްދަކުރުން

ރަސްމާލެ ޕްރޮޖެކްޓް ޒަޔަނިސްޓުންނާ ގުޅުން އޮތް ބަޔަކަށް އެމީހުން ވަޒަންވެރިވުމުގެ ފުރުސަތު އޮތް ގޮތަކަށް ޝަރުތުތަކަކާއެކު ދިނުން ހުއްދަވާނެކަމަށް ނެރެގެން އުޅޭ ފަތުވާއަކީ ގެއްލުން ނުވުމުގެ ޝަރުތުތަކާއެކު ލައްފިލުވާލައިގެން ދަތް އުނގުޅުން ހުއްދަވާނެކަމަށް ބުނުން ފަދަ ސޮހޮލު ވަކާލާތެކެވެ.

ސިޓީބިޓީ: ގައުމުގެ އިސް ރަށްވެހީންނަށް އިލްތިމާސެއް

ގައުމީ ކަންކަމުގައި ރައީސުލްޖުމްހޫރިއްޔާއަށް ލަފާ އެރުވުމަށްޓަކައި، ދައުލަތުގެ މަތީ އިއްޒަތް ލިބިވަޑައިގެންފައިވާ 12 ތަޖުރިބާކާރު ބޭފުޅުންގެ މައްޗަށް އެކުލެވޭ ހާއްސަ މަޖިލީހެއް ރައީސް އޮފީހުން އެކުލަވައިލައިފިއެވެ. މި މަޖިލީހުގެ މައިގަނޑު މަގުސަދަކީ ގައުމުގެ ހިންގުން ހަރުދަނާކުރުމަށް ބޭނުންވާ އިހުލާސްތެރި މަޝްވަރާ ހޯދުން ކަމަށްވާއިރު، މިއީ ގައުމުގެ މުސްތަގުބަލާ މެދު ރައްޔިތުންގެ ކަންބޮޑުވުންތަކެއް ހުރި ނާޒުކު ދަނޑިވަޅެއްގައި އެޅުނު މުހިންމު ފިޔަވަޅެކެވެ.

ރަސްމާލެ ވިއްކުމުގެ ރިފަރެންޑަމެއް ނަގަން ބިރުގަންނަނީ ކީއްވެ؟

ރަސްމާލެ މަޝްރޫއުގެ ބޮޑު ބައެއް ބޭރުގެ ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނުނަގާނެ ކަމަށް ރައީސް މުއިއްޒު ވިދާޅުވުމަކީ، ރައްޔިތުންގެ ވިންދާ އެއްގޮތަށް ކަންކަން ކުރައްވާނެ ކަމަށް ވިދާޅުވި ވައުދާ ހިލާފުވުމެއް ކަމަށް މި ލިޔުމުގައި ފާހަގަކޮށްފައިވެއެވެ. ބޭރުގެ ފަރާތްތަކަށް ބިން ނުދޭނެ ކަމަށް ކުރިން ވިދާޅުވި ނަމަވެސް، މިހާރު މި މަޝްރޫއުގެ ދެބައިކުޅަ އެއްބައި ބޭރުގެ ކުންފުންޏަކަށް ދޫކޮށްލުމަކީ ގާނޫނުއަސާސީގެ ރޫހާ ހިލާފު ކަމެއް ކަމަށްވެސް މި ޚަބަރުގައި ބަޔާންކޮށްފައިވެއެވެ.

Newsletter

Get the latest news delivered straight to your inbox