އާބާދީގެ ބޮޑު ބައި ވިހަން އަންނަނީ މާލެއަށް، 2021 ވަނަ އަހަރު ވ. އަތޮޅުގައި ކުއްޖަކު ނުވިހާ

ރާއްޖޭގައި ވިހެއި ތުއްތު ކުއްޖެއް: ވިހެއި ކުދިންގެ ތެރެއިން 13 ޕަސެންޓު ކުދިންނަކީ އެކަށީގެންވާ މިންވަރަށް ވުރެ ބަރުދަން ލުއި ކުދިން -- ފޮޓޯ: ޔުނިސެފް މޯލްޑިވްސް

ރާއްޖޭގައި ވިހެއި ތުއްތު ކުއްޖެއް: ވިހެއި ކުދިންގެ ތެރެއިން 13 ޕަސެންޓު ކުދިންނަކީ އެކަށީގެންވާ މިންވަރަށް ވުރެ ބަރުދަން ލުއި ކުދިން -- ފޮޓޯ: ޔުނިސެފް މޯލްޑިވްސް

މީގެ ތިން އަހަަރު ކުރިން ދިވެހިރާއްޖޭގައި ވިހި ކުދިންގެ ތެރެއިން ބޮޑު ބައި ވިހާފައި ވަނީ ވެރި ރަށް މާލޭގައިކަން ތަފާސްހިސާބުތަކުން ދައްކައިފި އެވެ.

މޯލްޑިވްސް ބިއުރޯ އޮފް ސްޓެޓިސްޓިކްސް އިން އާންމު ކުރި "ވައިޓަލް ސްޓެޓިސްޓިކްސް ރިޕޯޓް އޮފް މޯލްޑިވްސް 2024" ގައި ބުނެފައި ވަނީ 2021 ވަނަ އަހަރު ރާއްޖޭގައި 5917 ކުދިން ވިހެއި ކަމަށެވެ.

ހިސާބުތަކުން ދައްކާ ގޮތުގައި 2021 ވަނަ އަހަރު ވިހެއި 5917 ކުދިންގެ ތެރެއިން 3192 ކުދިން ވިހެއީ މާލެއަށެވެ. އެއީ ވިހެއި ކުދިންގެ 53 ޕަސެންޓެވެ.

Advertisement

ވައިޓަލް ސްޓެޓިސްޓިކްސް ރިޕޯޓުން ދައްކާ ގޮތުގައި މާލެ ފިޔަވައި އެންމެ ގިނައިން ކުދިން ވިހެއީ ހދ. އަތޮޅުގަ އެވެ. އެ އަތޮޅުގައި 514 ކުދިން ވިހެ އެވެ. ދެން އެންމެ ގިނައިން ކުދިން ވިހެއީ ރ. އަތޮޅުގަ އެވެ. އެ އަތޮޅުގައި 395 ކުދިން ވިހެ އެވެ.

ހިސާބުތަކުން ދައްކާ 2021 ވަނަ އަހަރު ވ. އަތޮޅުގައި އެއްވެސް ކުއްޖަކު ނުވިހަ އެވެ. އޭގެ އިތުރުން އެންމެ މަހުން ވިހެއީ ކ. އަތޮޅުގަ އެވެ. އެ އަތޮޅު ގުނަނީ ވެރި ރަށް މާލެ ނުހިމަނަ އެވެ.

ސްޓެޓިސްޓިކްސް ރިޕޯޓުން ދައްކާ ގޮތުގައި 2021 ވަނަ އަހަރު ވިހެއި ކުދިންގެ ތެރެއިން 82 ޕަސެންޓު ކުދިން ވިހާފައި ވަނީ ޑޮކްޓަރެއްގެ ހާޒިރުގަ އެވެ. އަދި 17 ޕަސެންޓު ކުދިން ވިހެއީ ފޫޅުމައެއްގެ ހާޒިރުގަ އެވެ. ނަރުހެއްގެ ހާޒިރުގައި އެއް ޕަސެންޓު ކުދިން ވިހެ އެވެ.

ރިޕޯޓުން ދައްކާ ގޮތުގައި 2021 ވަނަ އަހަރު ވިހެއި ކުދިންގެ އެވްރެޖު ބަރުދަނަކީ 2.8 ކިލޯ އެވެ. ވިހެއި ކުދިންގެ ތެރެއިން 13 ޕަސެންޓު ކުދިންނަކީ އެކަށީގެންވާ މިންވަރަށްވުރެ ބަރުދަން ލުއި ކުދިންނެވެ. ބަރުދަން ލުއި ކަމަށް ބަލަނީ 2.4 ކިލޯ ހަމަނުވާ ނަމަ އެވެ. ބަރުދަން އެކަށީގެންވާ މިންވަރަށް ވުރެ ބަރުކޮށް ތިން ޕަސެންޓު ކުދިން ވިހެ އެވެ. ބަރު ކަމަށް ބަލަނީ ހަތަރު ކިލޯއަށްވުރެ ބަރު ނަމަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox