ލަންކާގެ އީސްޓާ ސަންޑޭ ހަމަލާ: 15 މީހެއްގެ މައްޗަށް ކުށް ސާބިތުވެއްޖެ

Sep 22, 2026, 11:17 PM
ފޮޓޯ: ގެޓީ އިމޭޖަސް

ފޮޓޯ: ގެޓީ އިމޭޖަސް

ސްރީލަންކާގައި 2019 ވަނަ އަހަރުގެ އީސްޓާ ސަންޑޭއާ ދިމާކޮށް ދިން ބޮމުގެ ހަމަލާތަކުގައި 270 މީހުން މަރާލައި، 500 އަށް ވުރެ ގިނަ މީހުން ޒަހަމްކޮށްލި މައްސަލާގައި ދައުވާ އުފުލި 15 މީހެއްގެ މައްޗަށް އެ ގައުމުގެ ހައިކޯޓުން ކުށް ސާބިތުވެއްޖެ އެވެ.

ކުށް ސާބިތުވި މީހުންގެ ތެރޭގައި، އަމިއްލައަށް މަރުވެގެން ދިން މި ހަމަލާތައް ރޭވުމުގައި އިސްކޮށް ހުރި ނައުފަރު މައުލަވީ ހިމެނޭ ކަމަށް ޕްރޮސެކިއުޓަރުން ބުނެ އެވެ. މި މައްސަލާގައި އިތުރު ނުވަ މީހެއްގެ މައްޗަށް ކުށް ސާބިތުނުވާ ކަމަށް ކޯޓުން ވަނީ ކަނޑައަޅާފަ އެވެ.

ތިން ފައްޅިއަކަށާއި ތިން ލަގްޒަރީ ހޮޓަލަކަށް އަމާޒުކޮށް ދިން މި ވަރުގަދަ ހަމަލާތަކަކީ، 2009 ވަނަ އަހަރު ސްރީލަންކާގެ ދާޚިލީ ހަނގުރާމަ ނިމުނު ފަހުން އެ ގައުމުގައި ހިނގި އެންމެ ނުރައްކާތެރި ހާދިސާ އެވެ. މި ހަމަލާތަކުގައި މަރުވި މީހުންގެ ތެރޭގައި ބޭރު ގައުމުތަކަށް ނިސްބަތްވާ 45 މީހުން ހިމެނެ އެވެ.

Advertisement

މި ހަމަލާތައް ދިނުމުގައި އަމަލީ ގޮތުން ބައިވެރިވި ހުރިހާ އެންމެން ވަނީ ހަމަލާގެ ތެރޭގައި މަރުވެފަ އެވެ. ތަހުގީގީ އިދާރާތަކުން މީގެ ކުރިން ބުނެފައިވާ ގޮތުގައި މި ހަމަލާތަކަކީ ހަރުކަށި ފިކުރުގެ އިސްލާމީ ޖަމާއަތަކުން ދިން ހަމަލާތަކެކެވެ. މި މައްސަލާގައި ދައުވާ އުފުލި 25 މީހުންނަކީ ވެސް ސްރީލަންކާގެ މުސްލިމް މައިނޯރިޓީއަށް ނިސްބަތްވާ މީހުންނެވެ. އޭގެ ތެރެއިން އެކަކު ވަނީ ބަންދުގައި ހުއްޓާ މަރުވެފަ އެވެ.

ކުށް ސާބިތުވި މީހުންނަށް އަދަބު ކަނޑައެޅުމުގެ ކުރިން ކޯޓުގެ އަޑުއެހުން ވަނީ މެދުކަނޑާލާފަ އެވެ.

ޖުމްލަ 23،000 އަށް ވުރެ ގިނަ ކުށުގެ ދައުވާ އުފުލާފައިވާ މި މީހުން، ވެރިރަށް ކޮލަމްބޯގައި ހުންނަ ހައިކޯޓަށް ހާޒިރުކުރީ ބިޑިއަޅުވައިގެން، ޖަލު ބަހުގަ އެވެ.

މި ހަމަލާތަކުގައި މަރުވި މީހުންގެ ތެރޭގައި ގިނައީ ސްރީލަންކާގެ ރައްޔިތުންނެވެ. އޭގެ ތެރޭގައި ގިނަ އަދަދެއްގެ ކުޑަކުދިން ވެސް ހިމެނެ އެވެ.

މަރުވި މީހުންގެ ތެރޭގައި މަޝްހޫރު ޝެފް ޝާންތާ މާޔާދުންނޭ އާއި އޭނާގެ ދަރިފުޅުގެ އިތުރުން، ފަސް މީހުން ހިމެނޭ އެއް އާއިލާއެއްގެ މެންބަރުންނާއި، ހަމަލާ އަމާޒުވި ހޮޓާތަކުގެ އަށް މުވައްޒަފަކާއި، ސްރީލަންކާގެ ހުޅަނގުގެ ސިޓީއެއް ކަމަށްވާ ނިގަމްބޯގެ އެއް އާއިލާއަކަށް ނިސްބަތްވާ ފަސް މީހުން ހިމެނެ އެވެ.

ހަމަލާގައި މަރުވި ބޭރު ގައުމުތަކުގެ މީހުންގެ ތެރޭގައި އިންޑިއާގެ 11 މީހުންނާއި، އިނގިރޭސިވިލާތުގެ އަށް މީހުންނާއި، އެމެރިކާގެ ފަސް މީހުން ހިމެނެ އެވެ.

މީގެ އިތުރުން އޮސްޓްރޭލިއާ، ބަންގްލަދޭޝް، ޗައިނާ، ޑެންމާކް، ޖަޕާން، ނެދަލޭންޑްސް، ޕޯޗުގަލް، ސްޕެއިން، ސްވިޑަން، ސްވިޒަލޭންޑް އަދި ތުރުކީގެ ރައްޔިތުން ވެސް މަރުވި މީހުންގެ ތެރޭގައި ހިމެނެ އެވެ.

ޑެންމާކުގެ ބިލިއަނަރު އެންޑާސް ހޮލްކް ޕޮވްލްސަންގެ ތިން ދަރިން މަރުވީ، އެ އާއިލާ ޗުއްޓީ ހޭދަކުރަމުން ދިޔަ ޝަންގްރިއްލާ ހޮޓަލަށް ދިން ބޮމުގެ ހަމަލާގަ އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox