ވެރިކަންކުރާ ޕީޕަލްސް ނޭޝަނަލް ކޮންގްރެސް (ޕީއެންސީ) ގެ މަޖިލިސް މެންބަރުންގެ ވަފުދެއް ތަޖުރިބާ ދަތުރެއްގައި ޕާކިސްތާނަށް މިއަދު ފުރައިފި އެވެ.
ޕީއެންސީން ބުނީ އެ ވަފުދުގެ އިސްވެރިއެއްގެ ގޮތުގައި ޕާކިސްތާނަށް ވަޑައިގެންނެވީ މަޖިލީހުގެ ރައީސް، އަބްދުއްރަހީމް އަބްދުﷲ ކަމަށެވެ. އެ ދަތުރަކީ ޕާކިސްތާނު މަޖިލީހުން ދިން ދައުވަތެއްގައި ކުރާ ދަތުރެއް ކަމަށް ޕީއެންސީން ބުންޏެވެ.
އަބްދުއްރަހީމްގެ އިތުރުން، އެ ދަތުރުގައި ޕީއެންސީގެ ނައިބުރައީސް، ބާރަށު ދާއިރާގެ މެންބަރު، އިބްރާހިމް ޝުޖާއު ވެސް ބައިވެރިވެވަޑައިގެންނެވި އެވެ. ޕީއެންސީގެ މަޖިލިސް މެންބަރުންގެ ތެރެއިން ޖުމުލަ 16 ބޭފުޅަކު އެ ދަތުރުގައި ޕާކިސްތާނަށް ވަޑައިގެންނެވި އެވެ.
އެ ދަތުރުގެ ތެރެއިން، ޕާކިސްތާނުގެ ގާނޫނު ހަދާ މަޖިލީހަށް ޒިޔާރާތްކޮށް އެ ގައުމުގެ މަޖިލިސް މެންބަރުންނާއި ބައްދަލުކުރުމަށް ހަމަޖެހިފައިވާ ކަމަށް ވެސް ޕީއެންސީން ބުންޏެވެ.
ޕީއެންސީގެ މަޖިލިސް މެންބަރުންތަކެއް ޕާކިސްތާނަށް ވަޑައިގެންފައި މިވަނީ، ރައީސުލްޖުމްހޫރިއްޔާ މުހައްމަދު މުއިއްޒު ވެސް އެ ގައުމަށް ވަޑައިގަންނަވަން އުޅުއްވާކަމުގެ އަޑުތައް ގަދަވެފައި ވަނިކޮށެވެ.
ނަމަވެސް، އެކަމާ ގުޅޭގޮތުން ސަރުކާރުން އަދި ރަސްމީކޮށް އެއްވެސް މައުލޫމާތެއް ހާމަކޮށްފައެއް ނުވެ އެވެ.
