މުޅި ރާއްޖެ ޝާމިލުވާ ގޮތަށް ބާއްވާ އެންމެ ބޮޑު ފުޓްސަލް މުބާރާތް، ގޯލްޑަން ފުޓްސަލް ޗެލެންޖަކީ ޒުވާނުންގެ ހުނަރު ދައްކާލުމަށްޓަކައި ލިބޭ ވަރަށް ރަނގަޅު ފުރުސަތެއްކަން ފާހަގަކުރައްވައި، އެ މުބާރާތް އިންތިޒާމް ކުރާ ގޯލްޑަަން ފުޓްސަލް އެސޯސިއޭޝަން (ޖީއެފްއޭ) އަށް ސްޕޯޓްސް މިނިސްޓަރު، އަބްދުﷲ ރާފިއު (ރާއްޕެ) ހިތްވަރު ދެއްވައިފި އެވެ.
ގޯލްޑަން ފުޓްސަލް ޗެލެންޖު އަންނަ އަހަރު މާޗު މަހު 27 ވަނަ ދުވަހު ފަށަން ތާވަލުކޮށް، މުބާރާތުގައި ބައިވެރިވުމުގެ ފުރުސަތު ވަނީ ހުޅުވާލައިފަ އެވެ. ޖީއެފްއޭ އިން ގޯލްޑަން ފުޓްސަލް ޗެލެންޖު އެންމެ ފުރަތަމަ ބޭއްވީ 2015 ވަނަ އަހަރު އެވެ. މާފަންނު ވެލި ދަނޑުގައި ފެށި މުބާރާތް ފަހުން ކުރިއަށްގެންދިޔައީ، ހުޅުމާލެ ރެހެންދި ފުޓްސަލް ދަނޑުތަކުގަ އެވެ. ކޮވިޑް-19 އާ ހެދި އައި މެދުކެނޑުމާ އެކު ވެސް، މިހާތަނަށް ގޯލްޑަން ފުޓްސަލް ޗެލެންޖުގެ 10 މުބާރާތެއް ވަނީ ބާއްވައިފަ އެވެ.
މުބާރާތުގެ އިންތިޒާމްތަކާ ބެހޭގޮތުންނާއި މިނިސްޓްރީގެ އެއްބާރުލުން ހޯދުމަށްޓަކައި، ގޯލްޑަން ފުޓްސަލް އެސޯސިއޭޝަނުން ވަނީ މިނިސްޓަރު ރާފިއުއާ ބައްދަލުވުމެއް ބާއްވައިފަ އެވެ. އެ ބައްދަލުވުމުގެ ހަވާސާގައި، ގޯލްޑަން ފުޓްސަލްގެ މީޑިއާ އަށް ދިން އިންޓަވިއުއެއްގައި، މިނިސްޓަރު ރާފިއު ވަނީ ގޯލްޑަން ފުޓްސަލް ޗެލެންޖުގެ މުހިންމު ކަން ފާހަގަކުރައްވައިފަ އެވެ.
ރާއްޖޭގެ އެންމެ ބޮޑު ފުޓްސަލް މުބާރާތް ގޯލްޑަން ފުޓްސަލް ޗެލެންޖު އަންނަ އަހަރުގެ މާޗް މަހު
ރާއްޖޭގެ އެންމެ ބޮޑު ފުޓްސަލް މުބާރާތް ކަމަށްވާ "ގޯލްޑަން ފުޓްސަލް ޗެލެންޖު" އަންނަ އަހަރުގެ މާޗް 27 ގައި ފެށުމަށް ނިންމައި، މުބާރާތުގައި ބައިވެރިވުމުގެ ފުރުސަތު މިހާރު ވަނީ ހުޅުވާލައިފައި. ތިން ފޭސް އަކަށް ބަހާލައިގެން ކުރިއަށްދާ މި ބައިވެރިވުމުގެ ފުރުސަތުގައި ފުރަތަމަ އިސްކަންދެނީ ރަށު ކައުންސިލްތަކަށް.
"ގޯލްޑަން އަކީ އަޅުގަނޑުމެންގެ ޒުވާނުންގެ ހުނަރު ދައްކާލަން ލިބޭ ވަރަށް ރަނގަޅު ފުރުސަތެއް. އެ ފުރުސަތުގެ ބޭނުން ޑިސިޕްލިންއާ އެކީ ގައި، ކުޅުންތެރިންނާއި ކުޅިވަރު ބަލަން ތިއްބަވާ ބޭފުޅުން ވެސް ހިފަމުންދާތަން މުބާރާތުން ފެނިގެން ދިޔުމަކީ ވަރަށް ހިތްހަމަ ޖެހޭ ކަމެއް. އެ ޑިސިޕްލިން މުބާރާތުގެ ތެރެއިން ދަސްވެގެން ދިޔުމަކީ އުންމީދުކުރާނެ ކަމެއް. އަދި ހުނަރު އެއް މުބާރާތުން އަނެއް މުބާރާތަށް އިތުރުވެގެން ދާއިރު، ގޯލްޑަން އަކީ ރާއްޖޭގެ ހުރިހާ ސަރަހައްދެއް ޝާމިލުވާ މުބާރާތެއް،" ފާއިތުވި އަހަރުތަކުގައި ގޯލްޑަން ފުޓްސަލް ޗެލެންޖުގެ ބައެއް މެޗުތައް ޝަރަފްވެރިކުރެއްވި މިނިސްޓަރު ރާފިއު ވިދާޅުވި އެވެ.
ފާއިތުވި އަހަރުތަކަށް ބަލާއިރު، ކޮންމެ އަހަރަކު ވެސް 100 އަށް ވުރެން ގިނަ ރަށުން ގޯލްޑަން ފުޓްސަލް ޗެލެންޖުގައި ބައިވެރިވެ އެވެ. އެއާ އެކު، މިއީ މުޅި ރާއްޖެ އަށް ބަލާއިރު، އެންމެ ތަރުހީބު ބޮޑު ކުޅިވަރު ހަރަކާތެވެ. ރާއްޖޭގެ ފުޓްސަލް ކުޅޭ ކުޅުންތެރިންނާއި ކޯޗުން އަދި ރަށްރަށުގެ ހުވަފެނެއްގެ ގޮތުގައި ގޯލްޑަން ފުޓްސަލް ތަށި އުފުލާލުން ވަނީ ވެފަ އެވެ.
މިނިސްޓަރު ރާފިއު ވިދާޅުވީ، ފުޓްސަލް މިހާރު ކުރިއަރައިގެން ގޮސް، ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން ވެސް މުޅި ރާއްޖެ އަށް މުބާރާތެއް ބާއްވާ ކަމަށެެވެ. ހަމަ އެ ގޮތަށް، ކްލަބް ޖަމިއްޔާތަކުން ވެސް ފުޓްސަލް މުބާރާތްތައް އިންތިޒާމްކުރާއިރު، މި ކަމުގައި މިނިސްޓްރީގެ ޝާމިލުވުމާއި އެއްބާރުލުން ދެވޭނެ ގޮތްގޮތާ މެދު އަބަދުވެސް މަޝްވަރާކުރެވޭ ކަމަށެވެ.
"އެހެން ނަމަވެސް އެހެން ކުޅިވަރުތަކެކޭ އެއްގޮތަށް ފުޓްސަލް ވެސް އަމިއްލަ ފަރާތްތަކުން ވެސް ހަމަ މުބާރާތްތައް އެބަ ކުރިއަށް ގެންދެވޭ. އެ ގެންދިޔުމުގައި ކުޅިވަރާއި ޒުވާނުންނާ ގުޅުންހުރި ކަންކަމުގައި އަބަދުވެސް އަޅުގަނޑުމެން ސަޕޯޓް ދޭނަން. އެކަމުގައި އެކީގައި އެއްބާރުލުން ދީގެން އަބަދުވެސް ކުރިއަށްދާނެ،" ރާފިއު ވިދާޅުވި އެވެ.
ގޯލްޑަން ފުޓްސަލް ޗެލެންޖަކީ ރައްޔިތުންގެ އިތުބާރު ލިބިފައިވާ މުބާރާތެއް: މިނިސްޓަރު
ގޯލްޑަން ފުޓްސަަލް ޗެލެންޖަކީ ރާއްޖޭގެ ރައްޔިތުންގެ އިތުބާރު ލިބިފައިވާ މުހިންމު މުބާރާތެއް ކަމަށް ސްޕޯޓްސް މިނިސްޓަރު، އަބްދުﷲ ރާފިއު (ރާއްޕެ) ވަނީ ވިދާޅުވެފައި.
މި އަހަރުގެ ގޯލްޑަން ފުޓްސަލް ޗެލެންޖުގެ ތެރެއިން އިންޓަވިއުއެއްގައި، މިނިސްޓަރު ރާފިއު ވަނީ، ގޯލްޑަން ފުޓްސަަލް ޗެލެންޖަކީ ރާއްޖޭގެ ރައްޔިތުންގެ އިތުބާރު ލިބިފައިވާ މުހިންމު މުބާރާތެއް ކަމަށް ވިދާޅުވެފަ އެވެ.
އަންނަ އަހަރުގެ މާޗްގައި ބާއްވާ މުބާރާތުގައި ބައިވެރިވުމުގެ ފުރުސަތު ހުޅުވާލާފައިވާއިރު، މި ކަން ކުރިއަށްދާނީ ތިން ފޭސް އަކަށް ބަހާލައިގެންނެވެ. ފުރަތަމަ ފުރުސަތު ލިބޭނީ، ކައުންސިލް ތަކަށެވެ. އެ މުއްދަތު އޮތީ އަންނަ މަހުގެ 18 ވަނަ ދުވަހުގެ ނިޔަލަށެެވެ. އޭގެ ފަހުން، ކައުންސިލުން ބައިވެރިނުވާ ރަށްތަކަށް ފުރުސަތު ލިބޭނީ އެންމެ ފަހުން މުބާރާތުގައި ވާދަކުރި މެނޭޖްމަންޓަށެވެ. އަދި، އެ އަށް ފަހު ވެސް ބައިވެރިނުވާ ރަށްތަކަށް ފުރުސަތު އޮންނާނީ މުޅިން އާ މެނޭޖްމަންޓަކާ އެކު މުބާރާތުގައި ވާދަކުރުމަށެެވެ.
މި އަހަރުގެ ގޯލްޑަން ފުޓްސަލް ޗެލެންޖުގެ ޗެމްޕިއަންކަން ހޯދީ، ހދ. ނައިވާދޫ އެވެ. އެއީ، ފައިނަލުގައި، 9-3 އިން ގއ. ދެއްވަދޫ ބަލިކޮށްފަ އެވެ. މީގެ ކުރިން މި މުބާރާތުގެ ތަށި ހޯދާފައިވަނީ، ތ. ތިމަރަފުށި ތިން ފަހަރުގެ އިތުރުން، ލ. ގަން، ބ. އޭދަފުށި، ބ. ހިތާދޫ، މާފަންނު، ހެންވޭރު އަދި ކ. ކާށިދޫ އެވެ.
