ދެއްވަދޫން ބޮޑު ފައިނަލަކަށް: ބަރޯސާ ވަަނީ ޓީމުގެ ކޮންފިޑެންސަށް

Feb 14, 2026, 5:06 AM
ދެއްވަދޫން ބޮޑު ފައިނަލަކަށް: ބަރޯސާ ވަަނީ ޓީމުގެ ކޮންފިޑެންސަށް

ހިއުންޑާއި ގޯލްޑަން ފުޓްސަލް ޗެލެންޖު 2026 ގައި މި ފަަހަރު، ގއ. ދެއްވަދޫން ފެށިއިރު، އެ ޓީމުގެ ސްކޮޑު އޮތީ ނިސްބަތަށް ބަލާއިރު ވަރަށް ދަށްކޮށެެވެ. ޓީމުގައި ހިމެނޭ ގިނަ ކުޅުންތެރިން ގައުމީ ފުޓްސަލް ޓީމާ އެކު ހުރުމާ އެކު، އަތޮޅު ބުރުުގައި ކުޑަ ސްކޮޑެއް ގޮވައިގެން ވެސް ޓީމު ކުރިއަށް ގެންގޮސްދިނެވެ. ޖުމްލަ އެކު، 119 ޓީމެއް ވާދަކުރި މުބާރާތުގެ ފައިނަލުން ދެއްވަދޫން ޖާގަ ހޯދިއިރު، އެ ޓީމުގެ ކޯޗެއްގެ ޒިންމާ ނަގައިގެން ހުރި ހުސެއިން ނިޝާން ބުނީ، އަބަދުވެސް ވިސްނީ ޓީމުގެ ކޮންފިޑެންސް ރަނގަޅުކުރުމަށް ކަމަށެވެ.

ރާއްޖޭގައި ބާއްވާ އެންމެ ބޮޑު ފުޓްސަލް މުބާރާތް، ގޯލްޑަން ފުޓްސަލް ޗެލެންޖުގެ ފައިނަލުގައި ދެއްވަދޫން މިރޭ ކުޅޭނީ ހދ. އަތޮޅުގެ ޗެމްޕިއަން، އަދި މިދިޔަ އަހަރުގެ ގޯލްޑަން ފުޓްސަލް ޗެލެންޖުގެ ރަނަރަޕް، ނައިވާދޫއާ އެވެ.

"ފައިނަލަށް ދެން ޓީމެއްގެ މެކްސިމަމް ދެވޭތޯ މަސައްކަތް ކުރާނީ، ދެން، އެ ގޮތަށް، މި ޓީމަކީ، އަސްލު، ދެއްވަދޫ އަކީ ޓީމެއްގެ ގޮތުގައި މަސައްކަތް ކުރާއިރު، ހަމަ އެންމެން، އަހަންނަކީ މި ވަގުތު މި ތާގައި، ދެން ކޯޗެއްގެ ގޮތުގައި ހުރި މީހާ، ދެން، އަނެއްހެން މުޅި ޓީމު މީގަ މި އުޅެނީ، މުޅި ޓީމެއްގެ ގޮތުގައި ހޯދި ކާމިޔާބެއް މިއީ،" ނިޝާން ބުންޏެވެ.

ގައުމީ ފުޓްސަލް ޓީމުގެ ކެޕްޓަން، މުހައްމަދު އިމްރާން (އިންމި)ގެ އިތުރުން، ހުޒައިފަތު ރަޝީދު (ހުޒޭ)، އަލީ ހައިޝަމް (ޗުމްޕު) އަދި އަހުމަދު ރާހިލް ރަޝީދު (ރާއްކޮ)، ނުލައި އަތޮޅު ބުރު ފަހަނައަޅައި ދެއްވަދޫން ކުރިއަށްދިޔަ އެވެ. އަދި، ޒޯން ބުރުގައި އެ ކުޅުންތެރިންނާ އެކު ދެއްވަދޫން ތަފާތު ފެންނަން ފެށި އެވެ. ނިޝާން ބުނީ، ޓީމު އެކުލަވާލުމުގައި، ގައުމީ ޓީމުގެ ކުޅުންތެރިންގެ ރޯލު އަބަދުވެސް މުހިންމު ކަމަށެވެ.

"ނެޝަނަލް ޓީމުގެ ކުޅުންތެރިންނަށް ވަރަށް ބޮޑަށް ބަލައިގެން ޓީމު ތައްޔާރުކުރީ. އެހެންވީމަ، މި ބެލީ ވީހާވެސް އީޒީ ވޭ އެއްގައި ދަތުރުކުރެވޭތޯ މި ހިސާބަށް، އެ ގޮތަށް މި ދަތުރުކުރީ މި ހިސާބަށް ކާމިޔާބުކޮށް،" އޭނާ ބުންޏެވެ.

ދެއްވަދޫ އަކީ ފުޓްބޯޅައިގައި ކާމިޔާބު މާޒީއެއް އޮތް ރަށެއް ކަން ފާހަގަކޮށް، ނިޝާން ބުނީ، އަމާޒަކީ ފުޓްބޯޅައިން ނުލިބޭ ފަދަ ކާމިޔާބެއް ފުޓްސަލް އިން ހޯދުން ކަމަށެވެ.

"މާދަމާރޭ ފައިނަލް (މިރޭގެ ފައިނަލް) އިރާދަކުރެއްވިއްޔާ އަޅުގަނޑުމެން މޮޅުވާނެ. އެެ ގޮތުގައި ނުކުންނާނީ މި ތަށި ހޯދުމަކީ، ދެއްވަދޫގެ ފުޓްބޯޅަ ކާމިޔާބުގައި ލިބޭނެ އެންމެ ކާމިޔާބީ، އެއީ ފުޓްސަލް މުބާރާތެއްގައި ދެން، އެކަމަކު ވެސް، ވަރަށް ބޮޑު މުބާރާތެއް، ހާއްސަކޮށް 119 ޓީމު ބައިވެރިވާ މުބާރާތެއްގައި ވަރަށް ބޮޑު ކާމިޔާބެއް،" ނިޝާން ބުންޏެވެ.

"ދެން، އަޅުގަނޑުމެން ހުރިހާ މެޗެއްގައި ވެސް ނުކުތީ ކޮންފިޑެންސްގައި މާދަމާރޭ (މިރޭ) ވެސް އިރާދަކުރެއްވިއްޔާ، ހަމަ ކާމިޔާބު ޔަގީންކޮށްގެން ކުރިމަތިލާނީ، އެއީ އަޅުގަނޑުމެން ހުރިހާ މެޗެއްގައި ވެސް އެ ގޮތަށް ވިސްނީ،"

ދެއްވަދޫން ނޮކައުޓް ބުރުގައި ވަނީ، ވ. އަތޮޅުގެ ޗެމްޕިއަން ކެޔޮދޫ، ގޯލްޑަން ފުޓްސަލް ޗެލެންޖުގެ ޗެމްޕިއަންކަން ތިން ފަހަރު ހޯދި، ތ. ތިމަރަފުށި އަދި، ޒޯން އަށެއްގެ ޗެމްޕިއަން، ވިލިމާލެ އަތުން މޮޅުވެފަ އެވެ.

ގޯލްޑަން ފުޓްސަލް ޗެލެންޖުގެ 10 ވަނަ މުބާރާތުގެ ފައިނަލް ފަށާނީ މިރޭ 20:30 ގަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox