ސްލޮޓް ނޫނެކޭ ބުނުމުން މާޓިނޭޒަށް ނެދަލެންޑްސް ކޯޗުކަން ހުށަހަޅައިފި

Aug 12, 2026, 11:58 AM
ކޯޗު ރޮބާޓޯ މާޓިނޭޒް: އޭނާ އަށް ނެދަލެންޑްސް ކޯޗަކަށް ވުމުގެ އޮފާ ވަނީ ލިބިފައި.

ކޯޗު ރޮބާޓޯ މާޓިނޭޒް: އޭނާ އަށް ނެދަލެންޑްސް ކޯޗަކަށް ވުމުގެ އޮފާ ވަނީ ލިބިފައި.

އަމްސްޓެޑަމް، ނެދަލެންޑްސް (އޮގަސްޓް 12) - މިދިޔަ ސީޒަނަށް ފަހު، ލިވަޕޫލްގެ ކޯޗުކަމުން ވަކިވި، އާނާ ސްލޮޓް، ނެދަލެންޑްސްގެ ކޯޗުކަމާ ހަވާލުވާން ލިބުނު ފުރުސަތު ދޫކޮށްލުމުން، ނެދަލެންޑްސް ފުޓްބޯޅަ ފެޑެރޭޝަނުން އެ ވަޒީފާ ސްޕެއިނުގެ ރޮބާޓޯ މާޓިނޭޒަށް ހުށަހަޅައިފި އެވެ. 

އެމެރިކާ، މެކްސިކޯ އަދި ކެނަޑާގައި ކުރިއަށްދިޔަ ފީފާ ވޯލްޑް ކަޕް ފުޓްބޯޅަ މުބާރާތުގެ ގަދަ 32 ޓީމު ކުޅުނު ބުުރުގައި މޮރޮކޯ އަތުން ބަލިވެ، ނެދަލެންޑްސް ކެޓި ހިސާބުން އެ ޓީމުގެ ކޯޗުކަމުން ރޮނާލްޑް ކޫމަން ވަނީ ވަކިވެފަ އެވެ. އާ ކޯޗެއް ހޯދުމަށް ނެދަލެންޑްސް އިން ކުރަމުން އަންނަ މަސައްކަތުގައި އެ ގައުމުން އެންމެ ފުރަތަމަ ބެލި ކޯޗަކީ، ދެ ސީޒަނަށް ފަަހު ލިވަޕޫލުން ވަކިކުރި، ފެޔަނޫޑްގެ ކުރީގެ ކޯޗު އާނާ ސްލޮޓް އެވެ. 

ސްލޮޓް ވަނީ ނެދަލެންޑްސްގެ އޮފާ ދޫކޮށްލައިފަ އެވެ. އޭނާ ނެރުނު ބަޔާނެއްގައި ބުނެފައިވަނީ، ކެރިއަރުގައި މި ވަގުތު ބޭނުންވަނީ، ކޯޗިންގެ ވަޒީފާ ދުވަހުން ދުވަހަށް އަދާކުރެވޭ ފަދަ ޕްރޮޖެކްޓެއް ނެގުމަށް ކަމަށާއި ގައުމީ ޓީމުން އެ ފަދަ ފުރުސަތެއް ނުލިބޭނެތީ، ނެދަލެންޑްސްގެ ހުށަހެޅުން ގަބޫލުނުކުރީ ކަމަށެވެ. އަދި، އޭނާ ނެދަލެންޑްސްއާ ހަވާލުނުވީ މުސާރަ ކުޑަވުމުން ކަމަށް ދެކެވޭ ވާހަކައިގައި ހަގީގަތެއް ނެތް ކަމަށް ވެސް ސްލޮޓް ވަނީ ބުނެފަ އެވެ. 

ނެދަލެންޑްސް މީޑިއާތަކުން ރިޕޯޓްކުރާ ގޮތުގައި، މި ފަހަރުގެ ވޯލްޑް ކަޕަށް ފަހު ޕޯޗުގަލްގެ ކޯޗުކަމުން ވަކިވި، އުމުރުން 53 އަހަރުގެ މާޓިނޭޒާ އެކު، ނެދަލެންޑްސް ފުޓްބޯޅަ ފެޑެރޭޝަނުން ވަނީ މަޝްވަރާތައް ފަށައިފަ އެވެ. އަދި، ނެދަލެންޑްސްގެ ފުޓްބޯޅަ ފެޑެރޭޝަން ޑިރެކްްޓަރު، ނައިޖެލް ޑި ޔޯންއާ އެކު، ސްޕެއިންގެ މަލާގާގައި، މާޓިނޭޒް ވަނީ ބައްދަލުވުމެއް ބާއްވައިފަ އެވެ. 

ބެލްޖިއަމް ގައުމީ ޓީމަށް 2016 އިން 2022 އަށް ކޯޗުކޮށްދިން މާޓިނޭޒް ވަނީ ޕޯޗުގަލް އަށް މިދިޔަ އަހަރު ނޭޝަންސް ލީގު ކާމިޔާބުކޮށްދީފަ އެވެ. އެކަމަކު، މި ފަހަރުގެ ވޯލްޑް ކަޕްގެ ގަދަ 16 ބުރުގައި، ޕޯޗުގަލް ވަނީ، މުބާރާތުގެ ޗެމްޕިއަންކަން ހޯދި ސްޕެއިން އަތުން ބަލިވެ ކަޓައިފަ އެވެ. އެ މެޗަށް ފަހު، މާޓިނޭޒް އަށް ޕޯޗުގަލްގެ ކޯޗުކަން ގެއްލުނީ އެވެ. ޕޯޗުގަލް އަށް ކޯޗުކޮށްދިން 45 މެޗުން އެ ޓީމު 32 މެޗުން މޮޅުވިއިރު، ބަލިވީ ހަތް މެޗުންނެވެ. 

ކޯޗިން ކެރިއަރުގައި މާޓިނޭޒް ވަނީ، އިނގިރޭސި ޕްރިިމިއާ ލީގުގެ އެވަޓަން، ވިގަން އެތުލެޓިކް އަދި ސްވަންސީ ސިޓީ އަށް ކޯޗުކޮށްދީފަ އެވެ. ސްވަންސީއާ އެކު، އިނގިރޭސި ތިން ވަނަ ޑިވިޝަން ތަށި ހޯދި މާޓިނޭޒް ވަނީ 2013 ވަނަ އަހަރު ވިގަން އަށް އެފްއޭ ކަޕް ހޯދައިދީފަ އެވެ. އަދި، ބެލްޖިއަމް ގައުމީ ޓީމަށް 2018 ވަނަ އަހަރު ރަޝިއާގައި ބޭއްވި ވޯލްޑް ކަޕްގެ ތިން ވަނަ ހޯދައިދީފައިވެ އެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox