ޖަރުމަނު ލީގަކީ ދުނިޔެއިން ދެ ވަނަ: ކޮމްޕެނީ

Aug 8, 2026, 7:09 PM
ބަޔާން މިއުނިކްގެ ކޯޗު ވިންސެންޓް ކޮމްޕެނީ

ބަޔާން މިއުނިކްގެ ކޯޗު ވިންސެންޓް ކޮމްޕެނީ

މިއުނިކް (އޮގަސްޓް 8) - އޭނާ ދެކޭ ގޮތުގައި، ޖަރުމަނު ބުންޑަސްލީގާގައި އަކީ މުޅި ދުނިޔެ އަށް ބަލާއިރު ދެ ވަނަ ލީގު ކަމަށް ބަޔާން މިއުނިކްގެ ކޯޗު ވިންސެންްޓް ކޮމްޕެނީ ބުނެފި އެވެ. 

ކުރިން މެންޗެސްޓާ ސިޓީގެ ކެޕްޓަންކަން ކުރި، ބެލްޖިއަމްގެ ކޮމްޕެނީ ކޯޗިން ކެރިއަރު ފަށައި، އިންގްލެންޑްގެ ބާންލީ އަށް ކޯޗުކޮށްދިނުމަށް ފަހު، އޭގެ ފަހުން ވަނީ ޖަރުމަނުގެ ގަދަބާރު ބަޔާންއާ ހަވާލުވެފަ އެވެ. އެ ޓީމު ގޮވައިގެން ޖެހިޖެހިގެން ދެ ސީޒަނުގައި ކޮމްޕެނީ ވަނީ ލީގު ޗެމްޕިއަންކަން ހޯދައިފަ އެވެ. 

ބަޔާނާ އެކު ކޮމްޕެނީގެ އެންމެ ބޮޑު ޓާގެޓަކީ ޔުއެފާ ޗެމްޕިއަންސް ލީގެވެ. އެކަމަކު، މިދިޔަ ދެ ސީޒަނުގައި ވެސް އެކަން ހާސިލްނުވެދިޔައިރު، ޗެމްޕިއަންކަން ހޯދީ ފްރާންސްގެ ޕީއެސްޖީންނެވެ. ބަޔާން ގޮވައިގެން ތިން ވަނަ ސީޒަނަކަށް ނުކުންނަ ކޮމްޕެނީ ބުނީ، މީގެ ކުރިން ގަބޫލުކުރެވިފައި އޮތް ގޮތަށް ލީގު ތަކުގެ ރޭންކިން މިހާރު ނެތް ކަމަށެވެ. 

"އިނގިރޭސި ޕްރިމިއާ ލީގުގައި މި ވަގުތު އެބައޮތް ވަސީލަތްތައް އެހެން އެއްވެސް ލީގެއްގައި މި ވަގުތު ނެތް މިންވަރަށް. އެއީ އެއް ސަބަބު އެ ލީގަކީ ދުނިޔެއިން އެއް ވަނަ ލީގު ކަމަށް މީހުން ބުނާ. އަހަރެންގެ ނަޒަރުގައި ޖަރުމަނު ބުންޑަސްލީގާ އަންނަނީ ދެ ވަނަ އަށް. އެއީ، ބައިވަރު ސަބަބުތަކާ އެކު މިހެން މި ބުނަނީ، ސަޕޯޓަރުންގެ ރަނގަޅު ސަގާފަތެއް އެބައޮތް. ހުނަރުވެރި ގިނަ ކުޅުންތެރިންނާއި ވަރުގަދަ ޓީމުތައް ވެސް ގިނަ،" ކޮމްޕެނީ ބުންޏެވެ. 

ދުނިޔޭގެ އެއް ވަނަ ލީގުގެ ގޮތުގައި، އިނގިރޭސި ޕްރިމިއާ ލީގު އޮތީ ގިނަ އަހަރުތަކެއް ވަންދެން ފައިސާގެ ނުފޫޒާއި އެހެނިހެން ގޮތްގޮތުން ވެސް ލީގު ވިޔަފާރި މޮޑެލެއްގައި ކުރިއަށްދިއުމަށްޓަކައި ނިންމާފައިވާ ނިންމުންތަކުގެ ސަބަބުންނެވެ. 

"ޕްރިމިއާ ލީގަށް އެ އެޑްވާންޓޭޖް ނެގެން އެ އޮތީ ޒަމާނުއްސުރެން ވިޔަފާރި މޮޑެލް އަށް ކަންކަން ކުރުމާއި ފައިސާ އަށް ބަލާއިރު ހުނަރު ގަނެވޭނެ ލެވަލަށް ގިނަ ޓީމުތަކެއް އައިސްފައި އޮތުމުން،" ކޮމްޕެނީ ބުންޏެވެ. 

ބަޔާނުން ވަނީ އެންމެ ފަހުން، ކުޅުނު 14 ސީޒަނުގެ ތެރެއިން 13 ފަހަރު ޖަރުމަނު  ލީގު ޗެމްޕިއަންކަން ހޯދައިފަ އެވެ. މިދިޔަ ސީޒަނުގައި އެ ޓީމުން ލީގު ޗެމްޕިއަންކަން މި ހޯދީ ތާރީހަށް ބަލާއިރު، 35 ވަނަ ފަަހަރު އެވެ.

ބަޔާނަށް މިދިޔަ 14 އަހަރު ތެރޭ ލީގު ގެއްލުނު ފަހަރަކީ، މީގެ އެއް އަހަރު ކުރިން، ޒަބީ އަލަޮންސޯގެ ކޯޗުކަމުގައި ބަޔާ ލެވަކޫސަނުން ލީގު ނެގިއިރު އެވެ. ބަޔާނުން ފާއިތުވި ސީޒަނުގައި ލީގު ޗެމްޕިއަންކަން ހޯދީ ބާކީ ހަތަރު މެޗު އޮއްވަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox