ހޯމް މިނިސްޓަރު ހައްޔަރުކޮށް ތަހުގީގު ކުރަންޖެހޭ: ޒަރިޔަންދު

Aug 1, 2026, 12:44 PM
އިސްލާާއީލް ޒަރިޔަންދު

އިސްލާާއީލް ޒަރިޔަންދު


ވެރިކަން ކުރާ، ޕީޕަލްސް ނެޝަނަލް ކޮންގްރެސް (ޕީއެންސީ) އަށް މެންބަރު އިތުރުކުރަން އިލެކްޝަން ކޮމިޝަނަށް ހުށަހެޅި ވަގު ފޯމުތަކުގެ މައްސަލައިގައި ހޯމް މިނިސްޓަރު އަލީ އިހްސާން ހައްޔަރުކޮށް، އެ މައްސަލަ ބަލަންޖެހޭ ކަމަށް މާލީ ދާއިރާގެ ތަޖުރިބާކާރު އިސްމާއީލް ޒަރިޔަންދު ވިދާޅުވެއްޖެ އެވެ. 

ޕީއެންސީއަށް މެންބަރުން އިތުރުކުރަން ހިންގި ކެމްޕޭނުގައި  ހޯމް މިނިސްޓްރީގެ ސިޔާސީ މުވައްޒަފުން ހުށަހެޅި ފޯމުތައް ފުރީ ޑިޕާޓްމެންޓު އޮފް ނެޝަނަލް ރެޖިސްޓްރޭޝަން (ޑީއެންއާރު) ހިންގާ އޮފީހުގެ ތެރޭގަ އެވެ. އެކަން ފަޅައި އެރީ ފޯމްތައް ފުރުމުގެ މަސައްކަތް ޑީއެންއާރުގައި ކުރިއަށް ދިޔައިރު ނަގާފައިވާ ފޮޓޯތަކެއް ސޯޝަލް މީޑިއާ އަށް ލީކްވުމުންނެވެ. 

Advertisement

ވަގު ފޯމު ކަމަށް ބެލެވޭ ފޯމުތައް ފުރުމުގެ މަސައްކަތް ކުރި ތަނުގައި ހޯމް މިނިސްޓްރީގެ ޑެޕިއުޓީ މިނިސްޓަރު އަދި ޑީއެންއާރުގެ ވެރިޔާ އަހުމަދު އާލީ ވެސް ހުންނެވި އެވެ.

ޕީއެންއެފްއިން ބުރާސްފަތި ދުވަހުގެ ރޭ ބެއްވި ޖަލްސާގައި، އޮޑިޓަ ޖެނެރަލްގެ އޮފީހާއި ފިނޭންސް މިނިސްޓްރީގައި ވެސް ގިނަ އަހަރުތަކެއް ވަންދެއް އުޅުއްވި ޒަރިޔަންދު ވިދަޅުވީ ދައުލަތުން ސައްހަ ނޫން ގޮތުގައި ދޭ ފައިސާގެ މައްސަލަތައް އޮޑިޓަ ޖެނެރަލް ވެސް އަދި އޭސީސީން ވެސް ބަލަންޖެހޭނެ ކަމަށެވެ. 

"އެ ބޭފުޅާ [މިނިސްޓަރު އިހްސާން] ގައިގައި ކުލަ އުނގުޅުައްވައިގެން އެ ކުރެއްވި ކަމެއްގެ ސަބަބުން އެއް އަހަރުގެ ތެރޭގައި 55،000 މީހުން [ޕީއެންސީއަށް] އިތުރުވެގެން ދިޔުމަކީ ބަޔަކަށް ނާޖާއިޒު ގޮތުގައި ފައިސާތަކެއް ވިދިގެން އަހަރު ލިބޭނެ ކަމެއް،" ޒަރިޔަންދު ވިދާޅުވި އެވެ. 

އިލެކްޝަން ކޮމިޝަނުން ޕާޓީތަކަށް ފައިސާ ދެންޏާ ދޭންޖެހޭނީ ދަފުތަރުގައި ހުރި  ފަރާތްތަކަކީ ސައްހަ މަގުން ރަޖިސްޓްރީކޮށްފައިވާ ބައެއް ކަމަށް ބެލުމަށް ފަހު ކަމަށް ޒަރިޔަންދު ވިދާޅުވި އެވެ. 

"އެއީ ކޮރަޕްޝަންގެ އަމަލެއް، އެހާ ލުއިކޮށް ނިންމާލެވޭނެ ކަމެއް ނޫން،" އޭނާ ވިދާޅުވި އެވެ. 

"ވީއެންމެ އަވަހަކަށް ހޯމް މިނިސްޓަރު އެބަޖެހޭ މި މައްސަލައިގައި ހައްޔަރުކޮށް ތަހުގީގު ކުރެވެން."

އެމްޑީޕީގެ 3000 އަށް ވުރެ ގިނަ މެންބަރުން ޕީއެންސީއަށް ވަގަށް ވައްދާފައިވާ ކަމަށް ތުހުމަތުކުރާއިރު، ދަ ޑިމޮކްރެޓްސްގެ ގިނަ ބަޔަކު ވެސް ވަގަށް ވައްދާފައިވާ ކަމަށް އެ ޕާޓީން ބުނެފައިވެ އެވެ. 

މީގެ އިތުރުން މުއިއްޒު ވެރިކަމަށް ވަޑައިގަތުމަށް ފަހު ޕީޕީއެމް މެމްބަރުން ލައްވައި، އެ ޕާޓީ އުވާލާފައި ވާއިރު،  ޕީޕީއެމްގެ މެމްބަރުންގެ ތެރެއިން ޕީއެންސީ އަށް ސޮއިނުކުރާ އެތައް ބަޔަކު ވެސް އެ ޕާޓީއަށް ވައްދާފައިވާ ކަމަށް ތުހުމަތު ކުރެ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox