އިޓަލީ އާއި މިލާންގެ ލެޖެންޑް ބަރޭސީ މަރުވެއްޖެ

Jul 31, 2026, 2:12 PM
އޭސީ މިލާނާއި އިޓަލީގެ ގައުމީ ފުޓްބޯޅަ ޓީމުގެ ލެޖެންޑް ބަރޭސީ

އޭސީ މިލާނާއި އިޓަލީގެ ގައުމީ ފުޓްބޯޅަ ޓީމުގެ ލެޖެންޑް ބަރޭސީ

މިލާން (ޖުލައި 31) - އިޓަލީގެ ގަައުމީ ފުޓްބޯޅަ ޓީމާއި އޭސީ މިލާންގެ ލެޖެންޑް، ފްރާންކޯ ބަރޭސީ، އުމުރުން 66 އަހަރުގައި މަރުވެއްޖެ އެވެ. 

ބަރޭސީ ވަނީ އޭނާގެ 20 އަހަރުވީ މުޅި ކުޅުމުގެ ކެރިއަރު އޭސީ މިލާނުގައި ހޭދަކޮށްފަ އެވެ. އެއީ، 1977 އިން ފެށިގެން 1997 ވަނަ އަހަރު ރިޓަޔާކުރުމާ ހަމައަށެވެ. އެ މުއްދަތުގައި އިޓާލިއަން ލީގުގެ ޗެމްޕިއަންކަން ހަ ފަހަރު ހޯދިއިރު، ޗެމްޕިއަންސް ލީގުގެ ތަށި (އޭރުގެ ޔޫރަޕިއަން ކަޕް) ތިން ފަހަރެއްގެ މަތިން ހޯދާފައިވެ އެވެ. 

ފުޓްބޯޅަ ތާރީހުގައި ވެސް ފެނިގެންދިޔަ އާދަޔާހިލާފު މޮޅު ޑިފެންޑަރެއްގެ ގޮތުގައި މަޝްހޫރުކަން ހޯދާފައިވާ ބަރޭސީ ވަނީ މިލާނުގެ ކެޕްޓަންކަން 15 ސީޒަނުގައި ކޮށްފަ އެވެ. މިލާނަށް ޖުމްލަ އެކު، 719 މެޗު ކުޅެދިންއިރު، 33 ގޯލު ޖަހާފައިވެ އެވެ. 

އިޓަލީގެ ގައުމީ ޓީމަށް 81 މެޗު ކުޅެދިން ބަރޭސީ، ވަނީ އެ ޓީމާ އެކު، 1982 ވަނަ އަހަރުގެ ފީފާ ވޯލްޑް ކަޕްގެ ޗެމްޕިއަންކަން ހޯދައިފަ އެވެ.

އޭސީ މިލާނާއި އިޓަލީގެ ގައުމީ ފުޓްބޯޅަ ޓީމުގެ ލެޖެންޑް ބަރޭސީ
އޭސީ މިލާނާއި އިޓަލީގެ ގައުމީ ފުޓްބޯޅަ ޓީމުގެ ލެޖެންޑް ބަރޭސީ

އިޓަލީން 1994 ވަނަ އަހަރުގެ ވޯލްްޑް ކަޕް، އެމެރިކާގައި ބޭއްވިއިރު، ކުޅެފައިވަނީ ބަރޭސީގެ ކެޕްޓަންކަމުގަ އެވެ. އެ ފަހަރު ފައިނަލުގައި ޕެނަލްޓީ ޖަހައިގެން ބްރެޒިލް އަތުން އިޓަލީ ވީ ބައްޔެވެ. 

ކުޅުމުގެ ކެރިއަރު ނިންމާލުމަށް ފަހު، 2020 ވަނަ އަހަރު އޭސީ މިލާނުގެ އޮނޮރަރީ ނައިބު ރަައީސްގެ މަގާމު ބަރޭސީ އަށް ދިނެވެ. އަދި، އޭގެ ހަަތަރު އަހަރު ފަހުން، ބަރޭސީ، މިލާނުގައި ބޭނުންކުރި ހަ ނަމްބަރު ޖޯޒީ ވަނީ ރިޓަޔާކޮށްފަ އެވެ. 

ސިއްހީ ހާލަތު ގޯސްވެގެން މިދިޔަ އަހަރުގެ އޮގަސްޓް މަހު ސާޖަރީއެއް ކުރިއަށްގެންދަން ޖެހުނު ބަރޭސީ އެންމެ ފަހުން، އާންމުންގެ ތެރޭގައި ބޭއްވި އިވެންޓެއްގައި ފެނުނީ، މިދިޔަ ފެބްރުއަރީ މަހު މިލާންގައި ކުރިއަށްދިޔަ ވިންޓަ އޮލިމްޕިކްސްގެ ހުޅުވުމުގެ ރަސްމިއްޔާތުގެ ތެރެއިންނެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox