ހަންކެޑެ ތަރައްގީ ނުކުރެވިގެން އުޅޭ ބަޔަކަށް ސަވާހެލި ތަރައްގީ ނުކުރެވޭނެ: ނިޒާރު

އައްޑޫ ސިޓީގެ މޭޔަރު އަލީ ނިޒާރު: ސަވާހެލި ސަރުކާރަށް ނަގައިގެން އެތަން ތަރައްގީ ނުކުރެވޭނެ ކަމަށް ވިދާޅުވި -- ފޮޓޯ: އައްޑޫ ސިޓީ ކައުންސިލް

އައްޑޫ ސިޓީގެ މޭޔަރު އަލީ ނިޒާރު: ސަވާހެލި ސަރުކާރަށް ނަގައިގެން އެތަން ތަރައްގީ ނުކުރެވޭނެ ކަމަށް ވިދާޅުވި -- ފޮޓޯ: އައްޑޫ ސިޓީ ކައުންސިލް

އައްޑޫ ސިޓީގެ ހަންކެޑެ މަޝްރޫއު ތަރައްގީ ނުކުރެވިގެން ސަރުކާރަށް އުޅޭއިރު، ސ. ފޭދޫ ކައިރީގައި އޮތް ސަވާހެލި ސަރުކާރަށް ނަގައިގެން އެތަން ތަރައްގީ ނުކުރެވޭނެ ކަމަށް އައްޑޫ ސިޓީގެ މޭޔަރު އަލީ ނިޒާރު މިއަދު ވިދާޅުވެއްޖެ އެވެ. 

އައްޑޫ ސިޓީ ކައުންސިލުން ބޭއްވި ނޫސްވެރިންގެ ބައްދަލުވުމުގައި ނިޒާރު ވިދާޅުވީ ސަވާހެލިއަކީ ވަރަށް ބޮޑު އިންވެސްޓްމަންޓެއް ކޮށްގެން ތަރައްގީ ކުރެވޭނެ ތަނެއް ކަމަށާއި ސަރުކާރަށް ހަންކެޑެ ތަރައްގީކުރާނެ ބަޔަކު ނުހޯދިގެން އުޅޭއިރު ސަވާހެލި ތަރައްގީ ކުރާނެ ބަޔަކުވެސް ނުވާނެކަން އެއީ ޔަގީން ކަމެއް ކަމަށެވެ. 

"ސަވާހެލި ތަރައްގީ ނުކުރެވޭނެ ސަރުކާރަށް. އެއީ ޔަގީންކަމެއް އަޅުގަނޑުމެންނަށް. އެހެން އެކަންވާނަމަ ހަންކެޑެ ތަރައްގީކުރެވިގެން އަންނާނެ. ދެންވެސް އެހެން ތަރައްގީގެ މަޝްރޫއު އައްޑޫގައި ހިނގާނެ. ސަވާހެލިގެ ވާހަކަ ދެކެވޭއިރު އެއީ ގާމަތީ ކުޑަކުޑަ ރަށެއް. ފިނޮޅެއް އެއީ،" ނިޒާރު ވިދާޅުވި އެވެ. 

"އެއީ ހަރަދުކުރަންޏާ ބަޔަކު ވަރަށް ބޮޑު އިންވެސްޓްމަންޓެއް ކޮށްގެން ތަރައްގީ ނުވެސް ކުރެވޭނެ ތަނެއް އެތަނަކީ. އެހާ ބޮޑު ގޮންޖެހުން އެބަ އޮތް. އެހެންނަމަވެސް ހަންކެޑަށް ބަލަންޏާ ރީތި ރަށެއް އެއީ. އެތަން ތަރައްގީކުރާނެ ބަޔަކު ނުވެގެން އުޅޭއިރު ސަވާހެލި ތަރައްގީކުރާނެ ބަޔަކު އަޅުގަނޑުމެންނަށް ހޯދޭނީ."

ނިޒާރު ވިދާޅުވީ ސަރުކާރަށް ސަވާހެލި ނަގަން މުއިއްޒުއަށް ބަޔަކު ލަފާ އެރުވި ނަމަ އެއީ ގޯސް ލަފައެއްކަން ސޯޝަލް މީޑިއާގައި އައްޑޫ ރައްޔިތުން ފާޅުކުރާ ހިޔާލުން އެނގޭނެ ކަމަށާއި އެކަމަށް ތާއީދުކޮށް ވާހަކަ ދައްކަނީ ސަރުކާރަށް ތާއީދުކުރާ މީހުން އެކަނި ކަމަށެވެ. 

"މީގައި ތާއީދުކޮށްފައި ވާހަކަދެއްކި  އެއްވެސް މީހަކު، ދެން އަޅުގަނޑުމެންނަށް އެނގޭ ސަރުކާރުގެ ވަޒީފާތަކުގައި ތިބޭ ބޭފުޅުން ދިފާއުކުރަން ޖެހޭނެކަން. އެހެންޔާ ވަޒީފާވެސް ހަމަ ސަރުކާރުން އަނެއްހެން މަދުކުރާ ދުވަސްކޮޅެއްގައި ޓުވީޓުކުރަން ޖެހޭނެ. ސޯޝަލް މީޑިއާގައި ޕޯސްޓުތައް ޖަހަންޖެހޭނެ. އެކްޓިވްކަން ދައްކަންޖެހޭނެ. އެހެންވީމަ އެގޮތަށް ކުރެވޭ ތާއީދެއް އޮތީ،" ނިޒާރު ވިދާޅުވި އެވެ. 

"އެހެންނަމަވެސް އައްޑޫ ސިޓީގެ ރައްޔިތުންނާއި އައްޑޫ ސިޓީގެ ތަރައްގީއަށް ލޯތްބެއް ހުރި އެއްވެސް ރައްޔިތަކު ތާއީދުކުރި ކަމެއް ނޫން. އެހެންވީމަ އަޅުގަނޑަށް ގަބޫލުކުރެވެނީ  އަޅުގަނޑުމެން ރައީސަށް ލިޔެގެން އަދި މަޝްވަރާ ކުރެވިގެން މިކަން ރަނގަޅުކުރެވިގެންދާނެ ކަމަށް."

 ފޭދޫ ޓޫރިޒަމް ޒޯންގެ ތަރައްގީއަށް ސަވާހެލި ތަރައްގީކުރުމަށް ކައުންސިލުން ކުރިން ނިންމުމާ ގުޅިގެން، 2023 ވަނަ އަހަރު ކުރީގެ ރައީސް އިބްރާހިމް މުހައްމަދު ސޯލިހު ވަނީ އެތަން އައްޑޫ ސިޓީ ކައުންސިލްގެ އިހްތިސާސުގެ ތެރޭގައި ހިމެނި އެވެ. 

މިގޮތުން އައްޑޫ ސިޓީ ކައުންސިލުން އެތަން ތަރައްގީކުރަން ބީލަމަށް ހުޅުވާލިތާ 24 ގަޑިއިރު ނުވަނީސް އެތަން މުހައްމަދު މުއިއްޒު ނެރުއްވި ގަރާރަކުން ސަރުކާރަށް ވަނީ ނަގާފަ އެވެ. އެކަމާ ގުޅިގެން ގިނަ ބައެއްގެ ފާޑުކިޔުން ސަރުކާރަށް ވަނީ އަމާޒުވެފަ އެވެ. 

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox