ރައީސް އޮފީހުން އާރްޓީއައި ގާނޫނު "މިސްޔޫޒް" ކުރާ ކަމަށް އާހިދު ވިދާޅުވެއްޖެ

އިންފޮމޭޝަން ކޮމިޝަނަރު އަހްމަދު އާހިދު: ގާނޫނުގައި ކަނޑައަޅާފައިވާ މުއްދަތުގައި ރައީސް އޮފީހުން މައުލޫމާތު ފޯރުކޮށްނުދޭކަމުގެ ގިނަ ޝަކުވާތައް ލިބިފައިވާ ކަމަށް އޭނާ ވިދާޅުވި -- ފޮޓޯ: އަދަދު ފައިލް

އިންފޮމޭޝަން ކޮމިޝަނަރު އަހްމަދު އާހިދު: ގާނޫނުގައި ކަނޑައަޅާފައިވާ މުއްދަތުގައި ރައީސް އޮފީހުން މައުލޫމާތު ފޯރުކޮށްނުދޭކަމުގެ ގިނަ ޝަކުވާތައް ލިބިފައިވާ ކަމަށް އޭނާ ވިދާޅުވި -- ފޮޓޯ: އަދަދު ފައިލް

މައުލޫމާތު ހޯދައި ލިބިގަތުން (އާރްޓީއައި) ގާނޫނު ރައީސް އޮފީހުން "މިސްޔޫޒް" ކުރާ ކަމަށް ނުވަތަ އެ ގާނޫނުގެ ބޭނުން ނަހަމަ ގޮތުގައި ހިފާ ކަމަށް އިންފޮމޭޝަން ކޮމިޝަނަރު އަހްމަދު އާހިދު އިއްޔެ ވިދާޅުވެއްޖެ އެވެ. 

އައިކޮމް އިން ރައީސް އޮފީސް ހާޒިރުކޮށްގެން ބޭއްވި އަޑުއެހުމެއްގައި އާހިދު ވިދާޅުވީ މައުލޫމާތު ހޯދަން އެދޭ މީހުން އާރްޓީއައި ގާނޫނު "މިސްޔޫޒް" ކުރާ ވާހަކަ ރައީސް އޮފީހުން ފާހަގަކުރާއިރު، މައުލޫމާތު ފޯރުކޮށްދޭން ގާނޫނުގައި ކަނޑައަޅާފައިވާ މުއްދަތަށް އިހުތިރާމުނުކޮށް ރައީސް އޮފީހުން ގާނޫނު "މިސްޔޫޒް" ކުރަމުންދާ ކަމަށެވެ. 

"ސަރުކާރުގެ އެންމެ އިސް ފަރާތެއްގެ ގޮތުގައިވާ ރައީސުލްޖުމްހޫރިއްޔާގެ އޮފީހުން މި ގާނޫނުގައި ކަނޑައަޅާފައިވާ މުއްދަތަށް އިހުތިރާމު ނުކުރުުމުގެ އިތުރުން ރައީސުލްޖުމްހޫރިއްޔާގެ އޮފީހުގެ ފަރާތުން ބާއްވާ ޕްރެސް ކޮންފަރެންސްތަކުގައި ތިބޭފުޅުންގެ ތަރުޖަމާނާއި އެހެން ފަރާތްތަކުންވެސް ބައެއް ފަހަރު އެބަ ފާހަގަކުރޭ މައުލޫމާތަށް އެދި ހުށަހަޅާ ފަރާތްތަކުން މި ގާނޫނު މިސް ޔޫޒް ކުރާ ވާހަކަ. އެބިއުޒް ކުރާ ވާހަކަ،" އާހިދު ވިދާޅުވި އެވެ. 

"އަޅުގަނޑުމެންނަށް މި ފެންނަނީ އެޔެއް ނޫން ދެއްތޯ. އަޅުގަނޑުމެންނަށް މިހެންވާ ކަމުގައިވަންޏާ މިހާރުވެސް މި ފެންނަނީ ރައީސުލްޖުމްހޫރިއްޔާގެ އޮފީހުން މި ގާނޫނު މިސްޔޫޒް ކުރާ ތަނެއް ނޫންތޯ."

މި އަހަރުގެ މެދާ ހިސާބަށް އައިއިރު ރައީސް އޮފީހަކީ ކަނޑައަޅާފައިވާ މުއްދަތުގެ ތެރޭގައި މައުލޫމާތު ފޯރުކޮށްނުދީގެން އެންމެ ގިނައިން ޝަކުވާ ރައްދުވާ އިދާރާކަން ފާހަގަކުރައްވާ އާހިދު ވިދާޅުވީ ރައީސް އޮފީހުގެ އަމަލުތަކާމެދު އެ އޮފީހުން ވިސްނަންޖެހޭ ކަމަށެވެ. 

"ރައީސުލްޖުމްހޫރިއްޔާގެ އޮފީހަކީ މި އަހަރުގެ މެދާ ހިސާބަށް ގޮސްފައި މިއިނީ. ފުރަތަމަ ހަ މަހުގެ ހިސާބުތައް ބަލައިލިކަމުގައިވާނަމަ މައުލޫމާތު މުއްދަތުގެ ތެރޭގައި ފޯރުނުކޮށްދީގެން އެންމެ ގިނައިން ޝަކުވާ އައި އެއް އިދާރާ. އެންމެ ކުރީގައި އިން އިދާރާ. އެހެންވީމަ މައުލޫމާތު ހޯދަން އެދި ހުށަހަޅާ މީހުން، ހުށަހަޅާ ފަރާތްތަކުން މި ގާނޫނު މިސްޔޫޒް ކުރަނީއޭ ރައީސުލްޖުމްހޫރިއްޔާގެ އޮފީހުން ބުނާއިރުގައި ތިބޭފުޅުން އަމިއްލައަށް ވިސްނާލައްވާ ކިހާވަރަކަށްތޯ ތިބޭފުޅުންނަށް އަމަލުކުރެވިފައިވަނީ މިކަމުގައި،" އާހިދު ވިދާޅުވި އެވެ. 

އާހިދު ވިދާޅުވީ އާރްޓީއައި ގާނޫނުގެ ދަށުން މައުލޫމާތު ފޯރުކޮށްދޭން ކަނޑައަޅާފައިވާ 21 ދުވަހުގެ ތެރޭގައި އަދި ވަކި ހާލަތްތަކުގައި އިތުރުކުރެވޭ 14 ދުވަހުގެ ތެރޭގައި ވެސް ރައީސް އޮފީހަށް މައުލޫމާތު ފޯރުކޮށްނުދީގެން ގިނަ އަދަދެއްގެ ޝަކުވާ ލިބިފައިވާ ކަމަށެވެ. 

އެޓާނީ ޖެނެރަލް އަހްމަދު އުޝާމް ވަނީ އާރްޓީއައިތައް ހުށަހަޅާ މީހުން އެ ގާނޫނު "އެބިއުޒް" ކުރާތީ ސަރުކާރުގެ އިދާރާތަކުން އެކަމަށް ގިނަ ވަގުތު ހޭދަކުރަން ޖެހޭކަން ފާހަގަކުރައްވާ މީގެކުރިން ކަންބޮޑުވުން ފާޅުކުރައްވާފަ އެވެ. 

"އަޅުގަނޑުމެނަށް ވަރަށް ގިނަ ފަހަރަށް ފެނިގެން މިދަނީ، މިހާރަކަށް އައިސް އަދި އަމުދުން، ގިނަ ފަހަރަށް ފެނިގެން މިދަނީ އާރްޓީއައި ޤާނޫނު ވަރަށް ބޮޑަށް އެބިއުޒް ކުރާތަންވެސް އެބަ ފެނޭ،" އުޝާމް ވިދާޅުވި އެވެ. 

މީގެއިތުރުން ރައީސް އޮފީހުގެ ތަރުޖަމާނު މުހައްމަދު ހުސައިން ޝަރީފް (މުންދު) ވަނީ އާރްޓީއައި ހުށަހަޅާ މީހުން ކާކުކަން ނޭގޭ ގޮތަށް ހުށަހަޅާތީ އެކަމާ ކަންބޮޑުވުން ފާޅުކުރައްވާފަ އެވެ. އޭނާ ވިދާޅުވީ އާރްޓީއައިތަކަށް ރައީސް އޮފީހުން ޖަވާބުދާރީ ވާނެ ކަމަށެވެ. ނަމަވެސް އާރްޓީއައިތަކަށް ރައީސް އޮފީހުން ގަވާއިދުން ޖަވާބުދާރީ ނުވާކަން ފާހަގަކުރެވެ އެވެ. 

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox