ސިނގިރޭޓު ކޮންޓޭނަރުތަކެއްގެ ޑިއުޓީ ކުޑަކުރަން ކަސްޓަމްސްގެ އިސްވެރިންތަކެއް ނުފޫޒު ފޯރުވަނީ

Jul 10, 2026, 8:23 PM
ކަސްޓަމްސްގެ ކޮމިޝަނަރު ދިޔާނާ ---- ފޮޓޯ: ރައީސް އޮފީސް

ކަސްޓަމްސްގެ ކޮމިޝަނަރު ދިޔާނާ ---- ފޮޓޯ: ރައީސް އޮފީސް

ސިނގިރޭޓުން ނަގާ ޑިއުޓީ ކުޑަކުރުމުގެ ކުރިން ރާއްޖެއަށް އެތެރެކުރި ސިނގިރޭޓު ދެ ކޮންޓޭނަރަކަށް ކުޑަ ރޭޓުގައި ޑިއުޓީ ނެގުމަށްޓަކައި މޯލްޑިވްސް ކަސްޓަމްސްގެ އިސްވެރިންތަކެއްގެ ނުފޫޒުން އުސޫލާ ހިލާފަށް އެ ދެ ކޮންޓޭނަރުގެ ޑިކްލަރޭޝަން ފޯމު ކެންސަލްކޮށްފި އެވެ.

އަދަދު ނޫހަށް އެނގިފައިވާ ގޮތުގައި އެ ދެ ސިނގިރޭޓު ކޮންޓޭނަރު ރާއްޖެއަށް އައިސްފައި ވަނީ ޖުލައި 3، ގަ އެވެ. އެ ދެ ކޮންޓޭނަރަކީ ވެސް އެއް ބީއެލް (ބިލް އޮފް ލޭޑިން) އެއްގެ ދަށުން ގެނެސްފައިވާ ދެ ކޮންޓޭނަރުކަން މި ނޫހަށް އެނގިފައިވެ އެވެ.

އެ ދެ ކޮންޓޭނަރުގެ ތެރެއިން އެއް ކޮންޓޭނަރުގެ ފޯމު އޭރު އޮތީ ނިމިފައި ކަމަށާއި ދެވަނަ ކޮންޓޭނަރުގެ ފޯމު އޮތީ މައުލޫމާތަށް ބޭރުކޮށްފައި ކަމަށް މި ނޫހަށް މައުލޫމާތު ދިން އެކަމުގެ މައުލޫމާތު އެނގޭ މީހުން ބުންޏެވެ. އޭރުގެ ޑިއުޓީ ރޭޓުން ބަލާނަމަ، އޭގެ ތެރެއިން ކޮންމެ ކޮންޓޭނަރެއްގެ ޑިއުޓީ 38 މިލިއަން ރުފިޔާއަށް އަރާކަމަށް މި ނޫހަށް މައުލޫމާތު ދިން މީހުން ބުންޏެވެ. އެހެންކަމުން ދެ ކޮންޓޭނަރުގެ ޖުމުލަ އަގު 76 މިލިއަން ރުފިޔާއަށް އަރަ އެވެ.

Advertisement

"ސަރުކާރުން ޑިއުޓީ ކުޑަކުރަން އުޅޭކަން އެނގުނީމާ ކުއްލިއަކަށް އެ އެތެރެކުރި ކުންފުނިން އެދުނީ ކުރިން ލީ ފޯމުތައް ކެންސަލްކޮށްދޭން، ކެންސަލް ކުރަނީ ކީއްވެތޯ އެހުމުން ބުނީ ލާރި ނެތިގެންނޭ،" މި ނޫހަށް މައުލޫމާތު ދިން މީހަކު ބުންޏެވެ.

އޭނާ ބުނީ ސިނގިރޭޓުން ނަގާ ޑިއުޓީ ކުޑަކުރުމާއެކު، ކުރީގެ ފޯމުތައް ކެންސަލްކޮށް ނުދީގެން އެ ކޮންޓޭނަރުތައް އެތެރެކުރި ކުންފުނިން ކަސްޓަމްސްއަށް ގުޅަމުންދިޔަ ކަމަށެވެ. އަދި، ކަސްޓަމްސްގެ ޑޮކިއުމެންޓޭޝަންގެ ވެރިއަކަށް ހުރި، އޮފިސަރުގެ ހުއްދައާއެކު އެއް ކޮންޓޭނަރުގެ ފޯމު އަލުން އަޕްލޯޑުކުރި ކަމަށް މި ނޫހަށް މައުލޫމާތު ދިން މީހާ ބުންޏެވެ.

ސިނގިރޭޓުން ނަގާ ޑިއުޓީ ކުޑަކުރަން އިމްޕޯޓް އެކްސްޕޯޓު ގާނޫނަށް މަޖިލީހުން އިސްލާހު ގެނައީ ޖުލައި 1، ގަ އެވެ. އެ ބިލު ރައީސުލްޖުމްހޫރިއްޔާ ތަސްދީގުކުރެއްވީ ޖުލައި 2، ގަ އެވެ.

ކަސްޓަމްސްގެ ގަވާއިދު ބުނާގޮތުން އިމްޕޯޓް އެކްސްޕޯޓު ގާނޫނަށް އިސްލާހެއް ގެނެސް އަމަލު ކުރަން ފެށުމުގެ ކުރިން ރާއްޖެއަށް އައިސްފައިވާ މުދަލަށް އައު ޑިއުޓީ ރޭޓުން ފޯމު ހަދައިދެވޭނީ، އިސްލާހަށް އަމަލުކުރަން ފެށުމުގެ ކުރިން ޑިކްލަރޭޝަން ހުށަހަޅާފައި ނުވާނަމަ އެވެ.

ނަމަވެސް، އައު އިސްލާހު ފާސްކުރުމުގެ ކުރިން ރާއްޖެއަށް އައިސްފައި ހުރި ދެ ކޮންޓޭނަރުގެ ޑިކްލަރޭޝަން ފޯމު ހުށަހަޅާފައި އޮތުމުން، އެ ދެ ފޯމު ކެންސަލްކޮށްފައި އަލުން ދެ ފޯމު ލުމުގެ ހުއްދަ ދިނުމަކީ ކުރެވޭނެ ކަމެއް ނޫން ކަމަށް މި ނޫހަށް މައުލޫމާތު ދިން މީހުން ބުންޏެވެ.

""އާ ފޯމުގެ ޑިއުޓީއަށް އަރަނީ 19 މިލިއަން، އެ ފޯމު ކަސްޓަމްސްއިން ނިންމައި ނުދީ ހިފަހައްޓަމުން ދިޔައީ އުސޫލުތައް ފުށުއަރާތީ. މުދާ ވެސް ކުރިން އައިސްފައި، ފޯމު ވެސް ލާފައި، އެހެންވީމާ އެމީހުން ދައްކަން ޖެހޭނީ ބޮޑު ޑިއުޓީ. ކޮންޓޭނަރަކަށް 38 މިލިއަން، ޓޯޓަލް 76 މިލިއަން،" އެ މީހާ ބުންޏެވެ.

ގަވާއިދުގައި އެހެން އޮތް ނަމަވެސް، ކަސްޓަމްސްގެ ކޮމިޝަނާ ޖެނެރަލް އަންގައިގެން ކަމަށް ބުނެ އެ ދެކޮންޓޭނަރަށް ކުރިން ހުށަހެޅި ފޯމުތައް ބާތިލުކުރުމަށް ކަސްޓަމްސްގެ ޑެޕިއުޓީ ކޮމިޝަނަރު، އިބްރާހިމް މަފާޒު ޑޮކިއުމެންޓޭޝަންގެ ވެރިންނަށް ބިރުދެއްކި ކަމަށް މި ނޫހަށް މައުލޫމާތު ދިން މީހުން ބުންޏެވެ.

"މެނޭޖުމެންޓުގެ ނިންމުމޭ ކިޔައިގެން ކޮމިޝަނާ ޖެނެރަލް ބުނެގެންނޭ ކިޔާފައި ޑީސީ މަފާޒު ޑިކިއުމެންޓޭޝަންގެ ވެރިންނަށް ބިރުދައްކައިގެން އެ ފޯމުތައް ކެންސަލް ކުރުވަން އެންގީ. ވެރިން ވެސް ޑީސީގެ އެދުމަށް އެ ފޯމުތައް ކެންސަލް ކުރަން އަންގައި މިހާރު ވަނީ ކެންސަލްކޮށްފައި،" މި ނޫހަށް މައުލޫމާތު ދިން މީހާ ބުންޏެވެ.

ސިނގިރޭޓުގެ ޑިއުޓީ ކުޑަކުރުމުގެ ކުރިން ރާއްޖެއަށް އެތެރެކުރި ސިނގިރޭޓު ދެ ކޮންޓޭނަރު، މިހާރުގެ ރޭޓުން ބޭރުކޮށްފި ނަމަ، ދައުލަތަށް ލިބެެންޖެހޭ ފައިސާއިން 38 މިލިއަން ރުފިޔާ މަދުވާނެ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox