އެކުއެޑޯ ބަލިކޮށް އަމިއްލަ ފަސްގަނޑުގައި މެކްސިކޯގެ ރަސްކަން ކުރިއަށް

Jul 1, 2026, 9:18 AM
ފީފާ ވޯލްޑް ކަޕް ފުޓްބޯޅަ މުބާރާތުގައި މެކްސިކޯ އާއި އެކުއެޑޯ ކުޅުނު މެޗުގެ ތެރެއިން

ފީފާ ވޯލްޑް ކަޕް ފުޓްބޯޅަ މުބާރާތުގައި މެކްސިކޯ އާއި އެކުއެޑޯ ކުޅުނު މެޗުގެ ތެރެއިން

މެކްސިކޯ ސިޓީ، މެކްސިކޯ (ޖުލައި 1) - މި ފަހަރުގެ ފީފާ ވޯލްޑް ކަޕް ފުޓްބޯޅަ މުބާރާތުގެ އެއް ހޯސްޓް ކަމަށްވާ މެކްސިކޯ އިން ގަދަ 32 ޓީމުގެ ބުރުގައި ކުޅުނު މެޗުގައި އެކުއެޑޯ އަތުން 2-0 އިން މޮޅުވެ، މުބާރާތުގެ ގަދަ 16 ޓީމު ކުޅޭ ބުރަށް ދަތުރުކޮށްފި އެވެ. 

މެކްސިކޯ އިން މި ފަހަރުގެ ވޯލްޑް ކަޕް، ހޯސްޓްކުރަނީ ކެނަޑާ އާއި އެމެރިކާއާ ގުޅިގެންނެވެ. މެކްސިކޯ އިން އެކަނި މީގެ ކުރިން ދެ ވޯލްޑް ކަޕެއް ހޯސްޓްކުރިއިރު، އެ ދެ ފަަހަރު ވެސް ކުއާޓާ ފައިނަލަށް ދަތުރުކުރި އެވެ. މި ފަހަރުގެ ވޯލްޑް ކަޕްގެ ގްރޫޕް ސްޓޭޖުގެ ތިން މެޗުން މޮޅުވެ، ސައްތަ އިން ސައްތަ ރެކޯޑަކާ އެކު ނޮކައުޓް ބުރަށް އައި މެކްސިކޯ އިން މި ވަނީ މި ބުރުގެ ފުރަތަމަ މެޗުގައި ވެސް އެ ފޯމު ދަމަހައްޓައިފަ އެވެ. 

މެކްސިކޯ އިން ގަދަ 16 ބުރުގައި ކުޅޭނީ، އިންގްލެންޑް ނޫނީ ކޮންގޯއާ އެވެ.

Advertisement

މަޝްހޫރު އަޒްޓެކާ ސްޓޭޑިއަމްގައި ކުޅުނު މެޗު ފަށައިގެން، 22 ވަނަ މިނިޓްގައި މެކްސިކޯ އިން ލީޑުނެގި އެވެ. ހާފުގެ މެދެއްހާ ހިސާބުން މެކްސިކޯގެ ޖޫލިއަން ކުއިނޯނޭސް އަށް ލިބުނު ބޯޅައެއް ހިފައިގެން ވަދެ، އޭނާ ވަނީ ގޯލުގެ މަތީ ކަނަށް ފޮނުވާލައިފަ އެވެ. މި ފަހަރުގެ ވޯލްޑް ކަޕްގެ ފުރަތަމަ ލަނޑު ޖެހި ކުއިނޯނޭސް މި ލަނޑު ޖެހީ، ރޮބާޓޯ އަލްވަރާޑޯ ދިން ބޯޅައެއް ހިފައިގެން ގޮހެވެ. 

ފީފާ ވޯލްޑް ކަޕް ފުޓްބޯޅަ މުބާރާތުގެ ގަދަ 32 ޓީމު ކުޅޭ ބުރުގައި މެކްސިކޯ އާއި އެކުއެޑޯ ކުޅުނު މެޗުގެ ތެރެއިން.
ފީފާ ވޯލްޑް ކަޕް ފުޓްބޯޅަ މުބާރާތުގެ ގަދަ 32 ޓީމު ކުޅޭ ބުރުގައި މެކްސިކޯ އާއި އެކުއެޑޯ ކުޅުނު މެޗުގެ ތެރެއިން.

މެކްސިކޯ އިން ލީޑުފުޅާކުރީ، 31 ވަނަ މިނިޓްގަ އެވެ. މިއީ، އެކުއެޑޯ ޑިފެންސްލައިނުގައި ހެދި ގޯހެއްގެ ފައިދާނަގައި މެކްސިކޯ އިން ޖެހި ގޯލެކެެވެ. ކުއިނޯނޭސް ދިން ބޯޅައެއް ކޮންޓްރޯލް ކުރުމަށް ފަހު، ރައުލް ހިމެނޭޒް ވަނީ ގޯލުގެ މަތީ ކަނަށް ބޯޅަ ފޮނުވާލައިފަ އެވެ. މި ލަނޑާ އެކު، މެކްސިކޯ އަށް ދެ ވަަނަ އަށް އެންމެ ގިނަ ގޯލު ޖަހައިިދިން ކުޅުންތެރިއަކީ 47 ލަނޑު ޖެހި ހިމެނޭޒް އެވެ. އެންމެ ގިނަ ލަނޑު ޖެހީ 52 ގޯލު ކާމިޔާބުކުރި ހަވިއޭ ހެނާންޑޭޒް އެވެ. 

ފުރަތަމަ ހާފުގައި އެކުއެޑޯ އަށް ލަނޑު ޖަހައިދޭން އެންމެ ގާތަށް ޖެހިލީ ޖޯން ޔެބޯއާ އެވެ. އޭނާ ފޮނުވާލި އެއް ހަމަލާ ވަނީ ގޯލުގެ ދަނޑިއަށް އަމާޒުވެފަ އެވެ. އަދި، އޭނާ ފޮނުވާލި އެހެން ޝޮޓެއް މެކްސިކޯގެ ކީޕަރު ރައުލް ރަންގޭލް ވަނީ މަތަކޮށްފަ އެވެ. 

މެޗުގެ 65 ވަނަ މިނިޓްގައި ކޯނަރަކުން މެކްސިކޯ އިން ނެގި ބޯޅައެއް އެ ޓީމުގެ ކެޕްޓަން، ސެޒާ މޮންޓޭޒް ބޮލުން ޖެހި ބޯޅަ އެކުއެޑޯ ކީޕަރު، ހާނަން ގަލިންޑޭޒް ވަނީ މަތަކޮށްފަ އެވެ. 

އެކުއެޑޯ އިން މެޗު ނިންމާލީ އެއް ކުޅުންތެރިއަކު މަދުކޮށެވެ. އެއީ، އެ ޓީމުގެ ޑިފެންޑަރު، ޕިއޭރޯ ހިންކަޕިއޭ އަށް ރަތެއް ދެއްކުމުންނެވެ. ހިންކަޕިއޭ އަށް ރަތެއް ދެއްކީ މެކްސިކޯގެ ފޯވާޑް، ސަންޓިއާގޯ ހިމެނޭޒާ ދެެމެދު ބަހުގެ ހަމަލާތަކެއް ބަދަލުކުރިއިރު، އަނގަމަތީގައި އަތްއަޅައިގެން ވާހަކަ ދެެއްކުމުންނެވެ. މިއީ، މި ފަހަރުގެ ވޯލްޑް ކަޕާ ދިމާކޮށް އަމަލުކުރަން ފެށި ގަވާއިދެކެވެ. އަދި، މިއީ، މި ގޮތަށް ދެއްކި ދެ ވަނަ ރަތް ކާޑެވެ. ރެފްރީ މި ރަތް ކާޑު ދެއްކީ ވީއޭއާރް އިން ބަލައިފައެވެ. 

މިއީ، އެކުއެޑޯއާ ދެކޮޅަށް ކުޅުނު 24 މެޗުގެ ތެރެއިން މެކްސިކޯ މޮޅުވި 13 ވަނަ މެޗެވެ. މިއީ، މި ދެ ޓީމު އެންމެ ފަހުން ކުޅުނު ހަތަރު މެޗަށް ބަލާއިރު، ޓީމެއް މޮޅުވެގެން ނިމުނު ފުރަތަމަ ފަހަރެވެ. މި މެޗުގެ ކުރިން އެންމެ ފަހުން މި ދެ ޓީމު ކުުޅުނު ތިން މެޗު ވެސް ނިމުނީ އެއްވަރުވެގެންނެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox