އިތުރު ގޮތެއް ނެތުމުން ކޫމަން ނެދަލެންޑްސް ކޯޗުކަމުން އިސްތިއުފާދީފި

Jul 1, 2026, 9:51 AM
ނެދަލެންޑްސްގެ ކޯޗު ކޫމަން: އޭނާ ވަނީ ގައުމީ ޓީމުގެ ކޯޗުކަމުން އިސްތިއުފާދީފައި.

ނެދަލެންޑްސްގެ ކޯޗު ކޫމަން: އޭނާ ވަނީ ގައުމީ ޓީމުގެ ކޯޗުކަމުން އިސްތިއުފާދީފައި.

ނުއޭވޯ ލެއޯން، މެކްސިކޯ (ޖުލައި 1) - މި ފަހަރުގެ ވޯލްޑް ކަޕުން ކެޓުމުން މަގާމުގައި ދެން އިތުރަށް ހުރެވޭނެ ގޮތެއް ނުފެންނަ ކަމަށް ބުނެ، ރޮނާލްޑް ކޫމަން އެ ޓީމުގެ ކޯޗުކަމުން އިސްތިއުފާދީފި އެވެ. 

މި ފަހަރުގެ ވޯލްޑް ކަޕްގެ ނޮކައުޓް ފުރަތަމަ ބުރުގައި، ގަދަ 32 ޓީމު ވާދަކުރާ ރައުންޑުގައި މޮރޮކޯ ކޮޅަށް ނެދަލެންޑްސްގެ ކޯޑީ ގަކްޕޯގެ ގޯލުން ދެ ވަނަ ހާފުގައި އެ ޓީމުން ލީޑުނެގި އެވެ. މޮރޮކޯ އިން އެއްވަރުކުރީ އިތުރު ވަގުތުގެ ހަ މިނިޓްގެ ތެރެއިން ފުރަތަމަ މިނިޓްގައި އީސާ ދިއޮޕް ޖެހި ގޯލުންނެވެ. ނަތީޖާ ނެރެން ޕެނަލްޓީ ޖަހަން ޖެހުނުއިރު، ނެދަލެންޑްސް ބަލިވީ 3-2 އިންނެވެ. 

ޖަތުބާތުގައި ޖެހިގެން މުސްތަގުބަލާ ގުޅޭ ނިންމުމެއް ނުނިންމާނަން: ކޫމަން

ވޯލްޑް ކަޕުން ނެދަލެންޑްސް ކެޓުމާ ގުޅިގެން ކޯޗު ރޮނާލްޑް ކޫމަންގެ މުސްތަގުބަލާ މެދު ސުވާލު އުފެދުނު ނަމަވެސް، ޖަޒުބާތުގައި ޖެހިގެން މަގާމުން ވަކިވުމުގެ އަވަސް ނިންމުމެއް ނުނިންމާނެ ކަމަށް އޭނާ ބުނެފި. މޮރޮކޯ އަތުން ބަލިވި މެޗުގައި ކޫމަން ބޭނުންކުރި ޓެކްޓިކްސްއަށް އަމާޒުވި ފާޑުކިޔުންތަކަށް ރައްދުދެމުން، އޭނާ ވަނީ އެ ނިންމުންތަކަށް ދިފާއުކޮށްފައި

އެ މެޗަށް ފަހު، ކޫމަންގެ މުސްތަގުބަލާ ގުޅޭގޮތުން ސުވާލުކުރުމުން، އޭނާ ބުނެފައިވަނީ، ޖަޒުބާތުގައި ޖެހިގެން ނިންމުމެއް ނިންމުމުގެ ބަދަލުގައި، ވަގުތު ކޮޅެއް ނަގައިގެން ވިސްނާލުމަށް ފަހު، މުސްތަގުބަލާ ގުޅޭގޮތުން ނިންމުމެއް ނިންމާނެ ކަމަށެވެ. 

Advertisement

އެ ގޮތުން، ނެދަލެންޑްސްގެ ފެޑެރޭޝަނާ މަޝްވަރާ ކުރުމަށް ފަހު ކޫމަން ވަނީ މަގާމުން އިސްތިއުފާދޭން ނިންމައިފަ އެވެ. އޭނާ އެކަން އިއުލާންކުރީ އިންސްޓަގްރާމްގައި ކުރި ޕޯސްޓެއްގަ އެވެ. އެ ގޮތުން ކޫމަން ބުނެފައިވަނީ، މި ވަގުތަށް ބަލާއިރު، އޭނާއާ އެކު ނެދަލެންޑްސް ޓީމު ކުރިއަށް ދިއުމަކީ އެންމެ ރަނގަޅު ގޮތް ކަމުގައި ނުފެންނަ ކަމަށެވެ. 

"ނެދަލެންޑްސްގައި އަހަރެންގެ މަސައްކަތް މި ނިންމާލަން ޖެހުނު ގޮތާ މެދު ވަރަށް ހިތާމަކުރަން. އަހަރެން ބޭނުންވި ވޯލްޑް ކަޕަކާ އެކު ނިންމާލަން. އެއީ، ނެދަލެންޑްސް އަށް ވަރަށް ތާރީހީ ކަމަކަށްވާނެ އެކަން ހާސިލްކުރެވުނު ނަަމަ. އެކަމަކު، އެކަން ނުވެ މިދިޔައި،" ކޫމަން ބުންޏެވެ. 

ކޫމަން ބުނީ، ކަންކަން ދިޔަ ގޮތުން އޭނާ އަށް ވުރެން ބޮޑަށް މާޔޫސްވެފައި ހުރި އެކަކު ވެސް ނުހުންނާނެ ކަމަށެވެ.

"ކޯޗެއްގެ ގޮތުގައި ހުރެ މި ޒިންމާ ނަގަން މި ޖެހެނީ ވަރަށް ކެރިގެން. އެ ގޮތަށް އަހަންނަށް ގަބޫލުކުރެވެނީ، އެ ގޮތަށް އަހަންނަށް އަބަދުވެސް އިހުސާސް ކުރެވެނީ ވެސް،" ކޫމަން ބުންޏެވެ. 

ކޫމަން، އެންމެ ފުރަތަމަ ނެދަލެންޑްސްގެ ކޯޗަކަށް ހުރީ، 2018 އިން 2020 އަށެވެ. އޭގެ ފަހުން، ބާސެލޯނާ އަށް ބަދަލުވި އެވެ. އަލުން، ނެދަލެންޑްސްގެ ކޯޗުކަމާ ކޫމަން ހަވާލުވީ 2023 ވަނަ އަހަރު އެވެ. ފުރަތަމަ ނެދަލެންޑްސް ކޯޗުކަން ކުރިއިރު، އެ ޓީމާ އެކު ނުކުތް 20 މެޗުގެ ތެރެއިން، 11 މެޗުން މޮޅުވެ، ފަސް މެޗު އެއްވަރުވިއިރު، ހަތަރު މެޗު ނިމުނީ ބަލިވެގެންނެވެ. ދެ ވަނަ ފަހަރަށް އެ ޓީމުގެ ކޯޗުކަމާ ހަވާލުވެ، 44 މެޗުގައި އެ ޓީމަށް ކޯޗުކޮށްދިނެވެ. އެ ޓީމަށް 24 މެޗުން މޮޅެއް ހޯދައިދިންއިރު، 11 މެޗުން ބަލިވެ، ނުވަ މެޗު ވަނީ އެއްވަރުވެފަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox