މެސީ ބެންޗަށް ލީ އޭނަ އެދިގެން: ސްކަލޯނީ

Jun 28, 2026, 7:09 PM
މި ފަހަރުގެ ވޯލްޑް ކަޕްގައި ކުޅުނު މެޗެއްގެ ތެރެއިން މެސީ.

މި ފަހަރުގެ ވޯލްޑް ކަޕްގައި ކުޅުނު މެޗެއްގެ ތެރެއިން މެސީ.

ޓެކްސަސް، ޔުނައިޓެޑް ސްޓޭޓްސް (ޖޫން 28) - ފީފާ ވޯލްޑް ކަޕް ފުޓްބޯޅަ މުބާރާތުގެ ގްރޫޕް ސްޓޭޖުގައި އާޖެންޓީނާ އިން ކުޅުނު ފަހު މެޗުގައި ޖޯޑަންއާ ދެކޮޅަށް ލިއޮނަލް މެސީ ބެންޗުން ފަށަން ނިންމީ އަމިއްލަ އަށް ކަމަށް އާޖެންޓީނާގެ ކޯޗު ލިއޮނަލް ސްކަލޯނީ ބުނެފި އެވެ. 

އުމުރުން 39 އަހަރުގެ މެސީ ވަނީ މި ފަހަރުގެ ވޯލްޑް ކަޕްގައި ކުޅުނު ފުރަތަމަ ދެ މެޗުން ފަސް ގޯލު ޖަހައިފަ އެވެ. އެ ގޮތުން، ފުރަތަމަ މެޗުގައި އަލްޖީރިއާ ކޮޅަށް ހެޓްރިކް ހެދިއިރު، ދެ ވަނަ މެޗުގައި އޮސްޓްރިއާ ކޮޅަށް ދެ ލަނޑު ޖެހި އެވެ. ޖޯޑަން މެޗުގެ ކުރިން ވެސް އާޖެންޓީނާ އަށް އެެއް ވަނައިގެ ގޮތުގައި ދެ ވަނަ ބުރުން ޖާގަ ލިބިފައި އޮތުމުން، މެސީ އެ މެޗުގައި ފުރަތަމަ އެގާރައިގައި ނުހިމެނެ އެވެ. 

އެކަމަކު، މެޗުގެ ފަހު ބައިގަނޑިއިރަށް މެސީ ވަނީ ކުޅެން ނުކުމެފަ އެވެ. އަދި، ހިލޭ ޖެހުމަކުން ލަނޑު ޖަހައި، ވޯލްޑް ކަޕްގައި އިތުރު ރެކޯޑެއް ހެދި އެވެ. އެއީ، ޖެހިޖެހިގެން ހަތް މެޗުގައި ލަނޑު ޖެހުމުގެ ރެކޯޑެވެ. ވޯލްޑް ކަަަޕްގެ ހަ ވަނަ މުބާާރާތުގައި ކުޅޭ މެސީ ވަނީ މި ފަހަރުގެ ވޯލްޑް ކަޕްގައި ގިނަ ރެކޯޑްތަކެއް ހަދައިފަ އެވެ. 

Advertisement

ޖޯޑަން މެޗަށް މެސީ ފުރަތަަމަ އެގާރައިގައި ނުހިމެނުމަކީ، އެ މެޗަށް ދުރާލާ ޓިކެޓް ގަނެގެން މެސީ ކުޅޭތަން ބަލަން އަންނަ ސަޕޯޓަރުންނަށް އިންސާފުވެރި ނިންމުމެއްތޯ ނޫސްވެރިއަކު ސުވާލުކުރުމުން ސްކަލޯނީ ބުނީ މެޗުގެ 90 މިނިޓް ވެސް މެސީ އަށް ހަގީގަތުގައި ކުޅެވޭނެ ކަމަށެވެ. 

ޖޯޑަންއާ ދެކޮޅަށް ކުޅުނު މެޗުގައި ސްކަލޯނީ (ކ) ޓީމަށް އިރުޝާދުދޭއިރު، މެސީ ބެންޗުގައި ކޮޅަށް ހުއްޓިލައިގެން.
ޖޯޑަންއާ ދެކޮޅަށް ކުޅުނު މެޗުގައި ސްކަލޯނީ (ކ) ޓީމަށް އިރުޝާދުދޭއިރު، މެސީ ބެންޗުގައި ކޮޅަށް ހުއްޓިލައިގެން.

"މެޗު އެއްކޮށް ވެސް މެސީ އަށް ކުޅެވޭނެ ހަގީގަތުގައި. ކުޅެގެން، އެ ރެކޯޑްތައް އިތުރަށް ވެސް ފުރިހަމަަ ކުރެވޭނެ. އެކަމަކު، މެސީ ނިންމީ ފުރުސަތު ނުލިބި ތިބި ކުޅުންތެރިންނަށް ކުޅެން ޖާގަ ދޭން. އެއީ ޓީމަށް ފައިދާވާނެ ގޮތް. ބެންޗުން އަރަން ނިންމީ މެސީ އަމިއްލަ އަށް، އެއީ، ކުރިއަށް ހުރި މެޗުތަކަށް ވެސް ވިސްނާފައި،" ސްކަލޯނީ ބުންޏެވެ. 

އެންމެ ފަހުގެ ވޯލްޑް ކަޕްގެ ޗެމްޕިއަން، އާޖެންޓީނާ އަކީ މި ފަހަރުގެ މުބާރާތުގައި ގްރޫޕް ސްޓޭޖުގައި ފުރިހަމަަ ރެކޯޑަކާ އެކު، ތިން މެޗުން މޮޅުވެގެން ނޮކައުޓަށް ނުކުންނާނެ ތިން ވަނަ ޓީމެވެ. ދެން، ގްރޫޕްގައި ސައްތަ އިން ސައްތަ ރެކޯޑެއް އޮތީ މި ފަހަރުގެ ވޯލްޑް ކަޕްގެ އެއް ހޯސްޓް، މެކްސިކޯގެ އިތުރުން، ދެ ފަހަރު ޗެމްޕިއަންކަން ހޯދާފައިވާ ފްރާންސް އެވެ. 

ގަދަ 32 ޓީމުގެ މެދުގައި ކުޅޭ ނޮކައުޓް ފުރަތަމަ ބުރުގައި އާޖެންޓީނާ އިން ކުޅޭނީ މުޅިން އަލަށް ގްރޫޕް ސްޓޭޖު ފަހަނައަޅައި ދިޔަ ކޭޕް ވާޑް އެވެ. ކޭޕް ވާޑުން ވަނީ ސްޕެއިނާއި އުރުގުއޭ އަދި ސައުދީ އަރަބިއްޔާއާ އެއްވަރުކޮށްފަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox