ވޯލްޑް ކަޕުން ކެޓުމުން ކްލާކް ސްކޮޓްލެންޑް ކޯޗުކަމުން އިސްތިއުފާދީފި

Jun 28, 2026, 5:09 AM
ކޯޗު، ސްޓީވް ކްލާކް: އޭނާ ވަނީ ސްކޮޓްލެންޑް، ވޯލްޑް ކަޕުން ކެޓިކަން ޔަގީންވުމާ އެކު މަގާމުން އިސްތިއުފާދީފައި.

ކޯޗު، ސްޓީވް ކްލާކް: އޭނާ ވަނީ ސްކޮޓްލެންޑް، ވޯލްޑް ކަޕުން ކެޓިކަން ޔަގީންވުމާ އެކު މަގާމުން އިސްތިއުފާދީފައި.

ގްލާސްގޯ، ސްކޮޓްލެންޑް (ޖޫން 28) - ފީފާ ވޯލްޑް ކަޕް ފުޓްބޯޅަ މުބާރާތުން ސްކޮޓްލެންޑް ކެޓުމާ އެކު، އެ ޓީމުގެ ކޯޗުގެ މަގާމުން ސްޓީވް ކްލާކް އިސްތިއުފާދީފި އެވެ. 

މި ފަަހަރުގެ ވޯލްޑް ކަޕްގެ ގްރޫޕް ސީގައި ކުޅުނު ސްކޮޓްލެންޑުން ދިޔައީ އެ ގްރޫޕްގެ ތިން ވަނަ އެވެ. އެއީ، ތިން ޕޮއިންޓާ އެކު އެވެ. ހައިޓީ އަތަުން ފުރަަތަމަ މެޗުން 1-0 އިން މޮޅުވި ސްކޮޓްލެންޑް ދެން ކުޅުނު މެޗުތަކުން، 1-0 އިން މޮރޮކޯ އަތުން އަދި، ބްރެޒިލް އަތުން 3-0 އިން ބަލިވީ އެވެ. 

ސްކޮޓްލެންޑަށް ގަދަ 32 ޓީމުގެ ބުރުން ޖާގަ ލިބުމުގެ އޮތީ ހަނިި ފުރުސަތެވެ. އެ ފުރުސަތު ގެއްލުނީ، މިރޭ ގާނާ އަތުން ކްރޮއޭޝިއާ މޮޅުވި ނަތީޖާއާ އެކު އެވެ. އެއީ، އެންމެ ރަނގަޅު ނަތީޖާ ނެރޭ ތިން ވަަނަ އަށް ދާ ޓީމުތަކުގެ ތެެރެއިން އަށް ޓީމުގެ ތެރޭގައި ސްކޮޓްލެންޑް ނުހިމެނޭނެކަން ޔަގީންވުމުންނެވެ. 

Advertisement

ކްލާކް، މަގާމުން އަމިއްލަ އަށް ވަކި މި ވީ އެ ޓީމުގައި ހުންނަން ހަތަރު އަހަރަށް ކޮންޓްރެކްޓް އާ ކުރިތާ މަހެއްހާ ދުވަސް ފަހުންނެވެ. 

މީގެ ހަތް އަހަރު ކުރިން ސްކޮޓްލެންޑްގެ ކޯޗުކަމާ ހަވާލުވި ކްލާކް ވަނީ އެ ޓީމާ އެކު ޖުމްލަކޮށް ރަނގަޅު މަސައްކަތްތަކެއް ކޮށްފަ އެވެ. އެ ގޮތުން، 1998 ވަނަ އަހަރުގެ ފަހުން، ސްކޮޓްލެންޑް ވޯލްޑް ކަޕަށް ކޮލިފައިކޮށްދިނުން ހިމެނެ އެވެ. އަދި، ޖެހިޖެހިގެން ދެ ޔޫރޯ ފުޓްބޯޅަ މުބާރާތުގައި ވެސް ކްލާކްގެ ކޯޗުކަމުގައި ސްކޮޓްލެންޑުން ވަނީ ކުޅެފަ އެވެ. 

މަގާމުން އިސްތިއުފާ ދިނުމަށް ފަހު ކްލާކް ވަނީ ޓީމުގެ ސަޕޯޓަރުންނާއި ކުޅުންތެރިން އަދި ސްކޮޓްލެންޑްގެ އެފްއޭ އިން ދިން އެއްބާރުލުމަށް ޝުކުރު އަދާކޮށްފަ އެވެ. އަދި، ދެން، ސްކޮޓްލެންޑްގެ ކޯޗުކަމާ ހަވާލުވާ ފަރާތަކަށް ކާމިޔާބަށް އެދޭ ކަމަށް ކްލާކް ވަނީ ބުނެފަ އެވެ. 

ސްކޮޓްލެންޑުން ކްލާކްގެ ކޯޗުކަމުގައި ޖުމްލަ އެކު، 81 މެޗަށް ވަނީ ނުކުމެފަ އެވެ. އެ މެޗުތަކަށް ބަލާއިރު، 38 މެޗުން ވަނީ މޮޅުވެފަ އެވެ. އަދި، 14 މެޗުން އެއްވަރުވިއިރު، 29 މެޗުން ވަނީ ބަލިވެފަ އެވެ. 

ކްލާކަކީ މި ފަހަރުގެ ވޯލްޑް ކަޕުން ކެޓުމުން ޓީމުގެ ކޯޗުކަން ދޫކޮށްލި ދެ ވަަނަ ކޯޗެެވެ. އެ ގޮތުން، ދެ ފަހަރު ވޯލްޑް ކަޕްގެ ޗެމްޕިއަންކަން ހޯދާފައިވާ އުރުގުއޭ އިން މި ފަހަރުގެ ވޯލްޑް ކަޕުން ކެޓުމާ އެކު، އެ ޓީމާ ހަވާލުވެ ހުރި އާޖެންޓީނާގެ ކޯޗު މާސެލޯ ބިއެލްސާ ވަނީ އެ ޓީމު ދޫކޮށްލަން ނިންމައިފަ އެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox