ކޮންގޯ ބަލިކޮށް ދެ ވަނަ މޮޅު ހޯދައި ކޮލަމްބިއާ ގަދަ 32 އަށް

Jun 24, 2026, 8:57 AM
ކޮންގޯ ކޮޅަށް ލަނޑު ޖެހުމަށް ފަހު ކޮލަމްބިއާގެ މުނޯޒް އުފާފާޅުކުރަނީ.

ކޮންގޯ ކޮޅަށް ލަނޑު ޖެހުމަށް ފަހު ކޮލަމްބިއާގެ މުނޯޒް އުފާފާޅުކުރަނީ.

ޒަޕޯޕާން، މެކްސިކޯ (ޖޫން 24) - ފީފާ ވޯލްޑް ކަޕް ފުޓްބޯޅަ މުބާރާތުގައި 1-0 އިން ޑިމޮކްރަޓިކް ރިޕަބްލިކް އޮފް ކޮންގޯ ބަލިކޮށް، މި ފަހަރުގެ މުބާރާތުގައި ހޯދި ދެ ވަނަ މޮޅާ އެކު ކޮލަމްބިއާ އިން މި ފަހަރުގެ ވޯލްޑް ކަޕްގެ ގަދަ 32 ޓީމު ވާދަކުރާ ބުރުން ޖާގަ ހޯދައިފި އެވެ. 

ގްރޫޕް ކޭގެ އެއް ވަނައިގައި ކޮލަމްބިއާ އޮތީ ދެ މެޗުން ހަ ޕޮއިންޓާ އެކު އެވެ. ދެ ވަަނައިގައި އޮތް ޕޯޗުގަލް އަށް ދެ މެޗުން ހަތަރު ޕޮއިންޓް ވަނީ ލިބިފަ އެވެ. ތިން ވަނައިގައި އޮތް ކޮންގޯ އަށް ދެ މެޗުން ޕޮއިންޓެއް ލިބިފައިވާއިރު، ފުލުގައި އޮތް އުޒްބެކިސްތާން އަށް ދެ މެޗު ކުޅުނުއިރު ޕޮއިންޓެއް ލިބިފައިނުވެ އެވެ. 

ކޮލަމްބިއާ އަށް ބާކީ އޮތީ ޕޯޗުގަލްއާ ކުޅޭ މެޗެވެ. އެ މެޗުން އެއްވަރުކޮށްލައިގެން ވެސް ގްރޫޕްގެ އެއް ވަނައިގެ ގޮތުގައި ނޮކައުޓް ބުރުން ޖާގަ ލިބިގެންދާނެ އެވެ. މި ގްރޫޕްގެ ތިން ވަނަ ހޯދައިގެން, އެންމެ ރަނގަޅު ތިން ވަނަ އަށް ދާ ޓީމުތަކުގެ ތެރެއިން ޖާގައެއްގައި އަނެއް ބުރަށް ދިއުމުގެ ފުރުސަތު, އުޒްބެކިސްތާން އާއި ކޮންގޯ އަށް ވެސް އެބައޮތެވެ. 

Advertisement

ފުރަތަމަ މެޗުގައި އުޒްބެކިސްތާން އަތުން 3-1 އިން މޮޅުވި، ކޮލަމްބިއާ އަށް ކޮންގޯ ކައިރިން ނަތީޖާ ނެރެވުނީ ވަރަށް އުނދަގުލުންނެވެ. ކޮންގޯ އިން ކޮލަމްބިއާ ކައިރިން ހިތްވަރުަގަދަ ކުޅުމެއް ދެއްކިއިރު، މި މެޗުގައި ކޮލަމްބިއާ އިން ޖެހި ހަމައެކަނި ލަނޑު ކާމިޔާބުކުރީ 76 ވަނަ މިނިޓްގައި ކުއިންޓޭރޯ ތަނަވަސްކޮށްދިން ފުރުސަތެއްގައި ޑެނިއަލް މުނޯޒް އެވެ. މިއީ، މި ފަހަރުގެ ވޯލްޑް ކަޕްގައި މުނޯޒް ޖެހި ދެ ވަނަ ގޯލެވެ. އޭނާ ވަނީ އުޒްބެކިސްތާން ކޮޅަށް ވެސް ފުރަތަމަ މެޗުގައި ލަނޑު ޖަހައިފަ އެވެ. 

ކޮންގޯގެ ކީޕަރު ލިއޮނަލް އެމްޕާސީ ވަނީ މި މެޗުގައި ކޮލަމްބިއާ އިން ފޮނުވާލި ގިނަ ހަމަލާތަކެއް ހުއްޓުވައިފަ އެވެ. އޭގެ ތެރޭގައި ކޮލަމްބިއާގެ ތަރި ލުއިސް ޑިއާޒް ފޮނުވާލި ހަމަލާއެއް ވެސް ހިމެނެ އެވެ. މީގެ އިތުރުން, ޑިއާޒް ޖެހި ގޯލެއް ވަނީ އޮފްސައިޑް ކަމަށް ވެސް ނިންމައިފަ އެެވެ. 

އަނެއްކޮޅުން, ކޮންގޯ އިން ޕޯޗުގަލްއާ އެއްވަރުކުރި ގޮތަށް މި މެޗުގައި ވެސް އެއްވަރުކުރަން ރަނގަޅު އެޓޭކްތަކެއް ކުރި އެވެ. އެ ގޮތުން, އެ ޓީމުން ފޮނުވާލި ބޯޅަތައް ކޮލަމްބިއާ ގޯލު ބަލަހައްޓަން ހުރި ކަމީއޯ ވާގާސް ވަނީ މަތަކޮށްފަ އެވެ. 

މިއީ, 2018 ވަނަ އަހަރުގެ ވޯލްޑް ކަޕަށް ފަހު, ކޮލަމްބިއާ އިން ވޯލްޑް ކަޕްގެ ގްރޫޕް ސްޓޭޖު ފަހަނައަޅައި ދިޔަ ފުރަތަމަ ފަހަރެވެ. މީގެ ހަތަރު އަހަރު ކުރިން ގަަތަރުގައި ބޭއްވި ވޯލްޑް ކަަޕަށް ކޮލަމްބިއާ ކޮލިފައިނުވެ އެވެ. 

ކޮމެންޓް

ފަހުގެ ޚަބަރު

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

އެފްއޭއެމްގެ އޮފިޝަލެއް ނެތް، ޓްރޮފީއާ ހަވާލުވީ ނޫސްވެރިއެއް!

ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ފެއާ ޕްލޭ ޓްރޮފީ ރާއްޖެއަށް ލިބުނުއިރު، އެފްއޭއެމްގެ އޮފިޝަލަކު ނެތުމުން އެއާ ހަވާލުވީ ދިވެހި ނޫސްވެރިއެއް. އެފްއޭއެމް އިން ބުނި ގޮތުގައި ޓްރޮފީ ލިބޭކަން ސާފް އިން އެންގީ ވަރަށް ކުޑަ ވަގުތުކޮޅެއް އޮއްވާ ކަމަށާއި، ނޫސްވެރިއަކު ސްޓޭޖަށް އެރީ ސާފްގެ އޮފިޝަލުން އެދިގެން

އިންފަންޓީނޯގެ ޝަރުތު ހަމަވޭތޯ ގާނޫނީ ގޮތުން ބެލި

ފީފާގެ ރައީސްކަމަށް ހަތަރުވަނަ ދައުރަކަށް ކުރިމަތިލައްވާފައިވާ ޖިއާނީ އިންފަންޓީނޯގެ ޝަރުތު ހަމަވޭތޯ އިނގިރޭސި އެފްއޭއިން ގާނޫނީ ގޮތުން ބަލައިފި. ފީފާ ކައުންސިލުން ނިންމާފައިވަނީ އިންފަންޓީނޯގެ ފުރަތަމަ ދައުރަކީ ބާކީ އޮތް މުއްދަތެއް ފުރިހަމަކުރުން ކަމަށްވާތީ، އޭނާއަށް އިތުރު ދައުރަކަށް ކުރިމަތިލެވޭނެ ކަމަށް

އުމުރުން 38 އަހަރުގައި މަޓާ ފުޓްބޯޅަ ކުޅުން ހުއްޓާލައިފި

ސްޕެއިނާއެކު ވޯލްޑް ކަޕާއި ޔޫރޯ ކާމިޔާބުކޮށް، ޗެލްސީ އާއި މެންޗެސްޓާ ޔުނައިޓެޑް ފަދަ ބޮޑެތި ކްލަބްތަކަށް ކުޅުނު ހުއާން މަޓާ އުމުރުން 38 އަހަރުގައި ފުޓްބޯޅަ ކުޅުން ހުއްޓާލައިފިއެވެ. ކުޅުމުން ރިޓަޔާކުރި ނަމަވެސް، ކުރިއަށް އޮތް ތަނުގައިވެސް ފުޓްބޯޅައިގެ ދާއިރާއިން ފެންނާނެ ކަމަށް އޭނާ ވަނީ ބުނެފައެވެ.

ޕާކިސްތާން ފުޓްބޯޅަ ކުރިއަރާނީ ޕްރޮފެޝަނަލް ލީގެއް އޮވެގެން

ޕާކިސްތާން ފުޓްބޯޅަ ކުރިއެރުވުމަށްޓަކައި އެ ގައުމުގައި ވަރުގަދަ ޕްރޮފެޝަނަލް ލީގެއް އޮތުން މުހިންމު ކަމަށް ގައުމީ ކޯޗު ނޮލްބާޓޯ ސޮލާނޯ ބުނެފި. އޭނާ ފާހަގަކުރި ގޮތުގައި ހަމައެކަނި ބޭރުގައި ކުޅޭ ކުޅުންތެރިންނަށް ބަރޯސާވުމުގެ ބަދަލުގައި، ލޯކަލް ކުޅުންތެރިން ކުރިއެރުވޭނީ ގަވާއިދުން ކުޅޭނެ ލީގެއް އޮވެގެން

Newsletter

Get the latest news delivered straight to your inbox