އެސްއޯއީތަކުން ކުއްލިއަކަށް 33 ޕަސަންޓު މުވައްޒަފުން ކަނޑާލާތީ ކަންބޮޑުވުން

ސަރުކާރު ކުންފުނިތަކުގެ ތެރޭގައި ހިމެނޭ ވެމްކޯ: ސަރުކާރު ކުންފުނިތަކުން 33 ޕަސަންޓު މުވައްޒަފުން މަދުކުރަން ފިނޭންސް މިނިސްޓަރު ވަނީ ޕީސީބީއަށް އަންގާފައި -- ފޮޓޯ: އަދަދު

ސަރުކާރު ކުންފުނިތަކުގެ ތެރޭގައި ހިމެނޭ ވެމްކޯ: ސަރުކާރު ކުންފުނިތަކުން 33 ޕަސަންޓު މުވައްޒަފުން މަދުކުރަން ފިނޭންސް މިނިސްޓަރު ވަނީ ޕީސީބީއަށް އަންގާފައި -- ފޮޓޯ: އަދަދު

ސަރުކާރު ހިއްސާވާ ކުންފުނި (އެސްއޯއީ) ތަކުން 33 ޕަސަންޓު މުވައްޒަފުން ކުއްލިގޮތަކަށް ވަކިކުރަން  ނިންމުމާ ގުޅިގެން މޯލްޑިވްސް ޓްރޭޑް ޔޫނިއަން ކޮންގްރެސް (އެމްޓީޔޫސީ) އިން ކަންބޮޑުވުން ފާޅުކޮށްފި އެވެ.

އެމްޓީޔޫސީ އިން ނެރުނު ނޫސްބަޔާނެއްގައި ބުނީ މިއީ އެއްވެސް އިންސާފެއް ނެތި، ދުރާލާ އެއްވެސް އިންޒާރެއް ދިނުމަކާ ނުލައި ނިންމާފައިވާ ނިންމުމެއް ކަމަށާއި، މީގެ ސަބަބުން އެތައް އާއިލާއެއްގެ ދިރިއުޅުމަށް ނޭދެވޭ އަސަރުތަކެއް ކުރާނެ ކަމަށެވެ.

"މީގެ ސަބަބުން އަސާސީ ބޭނުންތައް ފުއްދުމަށްޓަކައި ވަޒީފާއަށް ބަރޯސާވެފައިވާ، އަދި ގައުމުގެ އިގްތިސާދު ދަށްވެ، މާލީ ގޮތުން މަސައްކަތްތެރިންނަށް ދަތިތަކާއި ކުރިމަތިވަމުންދާ މިފަދަ ދަނޑިވަޅެއްގައި، އެފަރާތްތަކުގެ ވަޒީފާ ގެއްލި އާމްދަނީ ހުއްޓިއްޖެނަމަ އެމީހުންގެ އާއިލާތަކަށް، ހާއްސަކޮށް މެދު ފަންތީގެ އާމްދަނީ ލިބޭ ގިނަ އާއިލާތަކަށް އުފުލޭނެ ބުރަޔަކަށް ނުވާނެ،" އެ ޖަމިއްޔާއިން ބުންޏެވެ. 

އެމްޓީޔޫސީން ބުނި ގޮތުގައި، ކުންފުނިތަކުގެ ހިންގުން ހަރުދަނާކުރުމުގެ ނަމުގައި މިފަދަ ބޮޑު ނިންމުމެއް ނިންމާއިރު، މުވައްޒަފުންގެ ހައްގުތަކަށް އިހުތިރާމްކުރުމަކީ ކޮންމެހެން ކުރަން ޖެހޭނެ ކަމެކެވެ.

އެ ޖަމިއްޔާއިން އިތުރަށް ބުނީ ހަރަދު ކުޑަކުރުމުގެ ފިޔަވަޅެއް ކަމަށް ބުނެ ނިންމާފައިވާ މި ނިންމުމަކީ ރާއްޖޭގެ ވަޒީފާއާބެހޭ ގާނޫނުގައި ބަޔާންކޮށްފައިވާފަދަ އެކަށީގެންވާ ސަބަބެއް ނެތި، އަދި ވަކިކުރެވޭ މުވައްޒަފުންގެ އެއްވެސް ކުށަކާނުލާ ގިނަ އަދަދެއްގެ މުވައްޒަފުންތަކެއް ވަޒީފާއިން ވަކިކުރުމަށް ނިންމާފައިވާ ގާނޫނާ ހިލާފު ނިންމުމެއް ކަމަށެވެ.

ކުންފުނިތަކުގެ ހަރަދު ކުޑަކުރުމަށް ކުރަންޖެހޭ ކަމަކީ އާދައިގެ މުވައްޒަފުން ވަކިކުރުން ނޫންކަން ފާހަކޮށް އެ ޖަމިއްޔާއިން ބުނީ ކުންފުނިތަކުގެ އިސް މަގާމުތަކުގައި ތިއްބަވާ ސިޔާސީ މުވައްޒަފުންގެ އަދަދު މަދުކުރުމާއި، އިސްރާފުތައް ހުއްޓާލުމަކީ މާ މުހިންމު ކަމެއް ކަމަށެވެ.

މީގެ އިތުރުން މިގޮތަށް ކުއްލި ގޮތަކަށް މުވައްޒަފުން ވަކިކުރުމުން، މަސައްކަތްތެރިންގެ މެދުގައި އޮންނަ އިތުބާރު ގެއްލި، މަސައްކަތުގެ މާހައުލަށް ނުތަނަވަސްކަން ވެރިވާނެ ކަމަށް ވެސް އެ ޖަމިއްޔާއިން ފާހަގަކުރި އެވެ. 

އެ ޖަމިއްޔާއިން ސަރުކާރަށް ގޮވާލީ މުވައްޒަފުންގެ އަދަދު މަދުކުރަން ސަރުކާރުން ނިންމާފައިވާ ނިންމުން މުރާޖައާކޮށް، މަސައްކަތްތެރިންގެ މަންދޫބުންނާއެކު މަޝްވަރާ ކުރުމަށެވެ.

އޭގެ އިތުރުން މަސައްކަތްތެރިންގެ ހައްގުތަކާއި އެމީހުންގެ އާމްދަނީ ލިބޭ މަގުތައް ރައްކާތެރިކޮށްދޭފަދަ އިންސާފުވެރި، ގާނޫނީ ހަމަތަކަށް ފެތޭ، އަދި ދެމެހެއްޓިނިވި ހައްލުތައް ހޯދުމަށް މަސައްކަތް ކުރުމަށް ވެސް އެ ޖަމިއްޔާއިން ސަރުކާރަށް ގޮވާލި އެވެ. 

ސަރުކާރު ކުންފުނިތަކުގައި މަސައްކަތް ކުރާ މުވައްޒަފުންގެ އަދަދު 33 ޕަސެންޓު މަދުކުރުމަށް ފިނޭންސް މިނިސްޓްރީން ކުންފުނިތަކަށް އެންގިއިރު، އެ ކުންފުނިތަކުގައި 42،000 އަށް ވުރެ ގިނަ މުވައްޒަފުން އެބަތިބި ކަމަށް ފިނޭންސް މިނިސްޓަރު މޫސާ ޒަމީރު މިދިޔަ އާދީއްތަ ދުވަހު ވަނީ ވިދާޅުވެފަ އެވެ. 

ސަރުކާރު ކުންފުނިތަކުގައި ތިބި ކަމަށް ޒަމީރު އަންދާޒާކުރާ އަދަދުން ހިސާބުކުރާއިރު، ސީދާ 33 ޕަސެންޓު މުވައްޒަފުން ކަނޑާނަމަ، 13،000 އަށް ވުރެ ގިނަ މީހަކަށް ވަޒީފާ ގެއްލުމުގެ ބިރު އެބައޮތެވެ.

ގިނަ ބަޔެއްގެ ވަޒީފާ ގެއްލޭ ގޮތަށް ސަރުކާރުގެ ސިޔާސަތު ކުއްލިއަކަށް ބަދަލުކުރިއިރު،  ސަރުކާރު ކުންފުނިތަކުގައި ތިބި މުވައްޒަފުންގެ އަދަދު މިހާ ވަރަށް އިތުރުވީ މި ސަރުކާރުގަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox