މިހާރު ކުރިއަށްދާ ފީފާ ވޯލްޑް ކަޕް މެޗުތަކުގެ ނަތީޖާ ދިމާކޮށްގެން ހާއްސަ އިނާމުތަކެއް ހޯދުމުގެ ފުރުސަތު މަގުބޫލު ޕިއްޒާ ބްރޭންޑް "ޕިއްޒާ ބޯނާ" އިން ހުޅުވާލައިފިއެވެ.
މި ހަރަކާތުގައި ބައިވެރިވުމަށް ޕިއްޒާ ބޯނާއިން ވަނީ ހާއްސަ ވެބްސައިޓެއް ލޯންޗުކޮށްފަ އެވެ. މި ވެބްސައިޓް މެދުވެރިކޮށް ކޮންމެ މީހަކަށްވެސް ވޯލްޑް ކަޕްގެ މެޗުތައް ނިމޭނެ ކަމަށް ލަފާކުރާ ސްކޯ ދިމާކުރުމުގެ ފުރުސަތު އޮންނާނެ އެވެ.
ޕިއްޒާ ބޯނާއިން ބުނިގޮތުގައި، ރަނގަޅު ނަތީޖާ ދިމާކުރާ ފަރާތްތަކަށް ތިން ގިންތިއަކުން އިނާމު ދިނުމަށް ވަނީ ހަމަޖެހިފައެވެ. އެއީ ކޮންމެ ދުވަހަކު ހޮވާ ޑެއިލީ ޕިއްޒާ ވިނާސް އާއި، ކޮންމެ ހަފުތާއަކު ހޮވާ ވީކްލީ ޕާޓީ ޕިއްޒާ ވިނާސްގެ އިތުރުން މުބާރާތް ނިމުމުން ހޮވާ "ގްރޭންޑް ޕްރައިޒް" ޗެމްޕިއަންސް އެވެ.
ގްރޭންޑް ޕްރައިޒްގެ ބޮޑެތި އިނާމުތައް:
މުޅި މުބާރާތް ނިމޭއިރު ލީޑަރުބޯޑުގެ އެންމެ ކުރި ހޯދާ ތިން ފަރާތަކަށް ޕިއްޒާ ބޯނާއިން ވަނީ އަގުހުރި އިނާމުތަކެއް ކަނޑައަޅާފައެވެ. އެއީ:
- 1 ވަނަ (ޗެމްޕިއަން): 100 ރުފިޔާގެ 25 ޕިއްޒާ ވައުޗަރާއި 1،000 ރުފިޔާގެ 2 ތަވާ ވައުޗަރު.
- 2 ވަނަ: 100 ރުފިޔާގެ 15 ޕިއްޒާ ވައުޗަރާއި 500 ރުފިޔާގެ 2 ތަވާ ވައުޗަރު.
- 3 ވަނަ: 100 ރުފިޔާގެ 10 ޕިއްޒާ ވައުޗަރާއި 250 ރުފިޔާގެ 2 ތަވާ ވައުޗަރު.
މުބާރާތުގެ މުހިންމު ގަވާއިދުތައް:
މި ހަރަކާތަކީ ހަމައެކަނި މުނިފޫހިފިލުވުމަށް ކުރިއަށްގެންދާ، އެއްވެސް ކަހަލަ ބެޓިން ނުހިމެނޭ ހަރަކާތެކެވެ. މިއީ އެއްވެސް ފައިސާއެއް ދައްކަން ނުޖެހޭ، މުޅިން ހިލޭ ބައިވެރިވެވޭ ގޭމެކެވެ.
- ބައިވެރިވެވޭނީ: ހަމައެކަނި ރާއްޖޭގައި ތިބި ފަރާތްތަކަށެވެ. ކޮންމެ މީހަކަށްވެސް ހެދޭނީ އެންމެ އެކައުންޓެކެވެ.
- ސްކޯ ދިމާކުރުން: ކޮންމެ މެޗަކަށްވެސް ލަފާކުރެވޭނީ އެންމެ ސްކޯއެކެވެ. ޕްރެޑިކްޝަންތައް މެޗު ފެށުމުގެ ކުރިން ހުށަހަޅަންޖެހޭނެއެވެ. ފަހުން ހުށަހަޅާ ނުވަތަ ބަދަލުކުރާ ސްކޯތައް ބަލައެއް ނުގަންނާނެއެވެ.
- މެޗުގެ ވަގުތު: ސްކޯގެ ގޮތުގައި ބަލާނީ މެޗުގެ ފުރިހަމަ ވަގުތު (90 މިނެޓާއި އިތުރު ފުރުސަތުގެ ވަގުތު) އެވެ. ހާއްސަ ގޮތަކަށް ބަޔާންކޮށްފައި ނުވާނަމަ، އެކްސްޓްރާ ޓައިމް އަދި ޕެނަލްޓީ ޝޫޓްއައުޓެއް ނުހިމެނޭނެއެވެ.
- ޕޮއިންޓް ދިނުން: ޕޮއިންޓް ދެވޭނީ ރަސްމީ ސްކޯރިން ސިސްޓަމަށް ބަލައިގެންނެވެ. ދުވަހުގެ، ހަފުތާގެ އަދި ގްރޭންޑް ވިނާސް ހޮވާނީ އެންމެ ގިނަ ސައްހަ ޕޮއިންޓް ހޯދާ ފަރާތްތަކަށެވެ. ޕޮއިންޓް އެއްވަރުވެއްޖެނަމަ، މެޗުގެ ސީދާ ސްކޯ ދިމާކުރި އަދަދަށާއި، މެޗުން މޮޅުވި ޓީމު ދިމާކުރި އަދަދުގެ އިތުރުން އެންމެ ފުރަތަމަ ޕްރެޑިކްޝަން ހުށަހަޅި ވަގުތަށް ބަލާނެއެވެ.
ސަމާލުކަންދޭންޖެހޭ ބައެއް ކަންކަން:
ފޭކް އެކައުންޓްތައް، ޑުޕްލިކޭޓް އެންޓްރީތައް ނުވަތަ ބޮޓްސް ބޭނުންކޮށްގެން ނާޖާއިޒު ފައިދާ ހޯދަން އުޅޭ ފަރާތްތައް ޑިސްކޮލިފައި ކުރެވޭނެއެވެ. އިނާމު ހޯދުމަށް ސައްހަ މައުލޫމާތު ހުށަހަޅަންޖެހޭއިރު، އިނާމުތައް އެހެން މީހެއްގެ ނަމަށް ބަދަލެއް ނުކުރެވޭނެއެވެ. އަދި އިނާމަށް ފައިސާގެ ބަދަލެއް ނުލިބޭނެއެވެ. ވައުޗާ އިނާމުތައް ބޭނުންކުރެވޭނީ އޭގެ މުއްދަތު ހަމވުމުގެ ކުރިންނެވެ. ބަލައިނުގަނެ ގިނަދުވަސްވާ އިނާމުތައް ކެންސަލް ކުރުމުގެ އިހުތިޔާރު އޮގަނައިޒަރަށް ލިބިގެންވެ އެވެ.
