މި އަހަރުގެ ކުޑަކުދިންގެ ދުވަހު، އެ ކުއްޖެއްގެ "ޑްރީމް ޕިއްޒާ" ކުރަހައިގެން ހިލޭ ޕިއްޒާއެއް ހޯދުމުގެ ފުރުސަތު ޕިއްޒާ ބޯނާއިން ހުޅުވާލައިފި އެވެ.
ޕިއްޒާ ބޯނާއިން ބުނީ ކޮންމެ ކުއްޖެއްގެ ވެސް "ޑްރީމް ޕިއްޒާ" އޭފޯ ސައިޒް ގަނޑެއްގައި ކުރަހައިގެން ޕިއްޒާ ބޯނާގެ އައުޓްލެޓަކަށް ގޮސް، އެތަނުގައި ބަހައްޓާފައި ހުންނަ ފްރޭމްގައި ފޮޓޯއެއް ނެގުމަށްފަހު، ސޯޝަލްމީޑިއާގައި ޕޯސްޓުކުރުމުން ޕިއްޒާ ވައުޗަރެއް ލިބޭނެ ކަމަށެވެ.
ސޯޝަލްމީޑިއާގައި ކުރާ ޕޯސްޓުގައި، ޕިއްޒާ ބޯނާ ޓެގު ކުރުމަށްފަހު، އެ ތަނުގެ މުވައްޒަފަކަށް ދައްކަންޖެހޭނެ ކަމަށް ވެސް ޕިއްޒާ ބޯނާއިން ބުންޏެވެ.
މި އަހަރުގެ ކުޑަކުދިންގެ ދުވަހާ ގުޅުވައި ކުރިއަށް ގެންދާ އެ ހަރަކާތުގައި ބައިވެރިވެވޭނީ އަންނަ ހޯމަ ދުވަހާއި އަންގާރަ ދުވަހު އެވެ. ޕިއްޒާއެއް ކުރަހައިގެން ލިބޭ ވައުޗަރު 30 ދުވަސްވަންދެން ބޭނުންކުރެވޭނެ ކަމަށް ވެސް ޕިއްޒާ ބޯނާއިން ބުންޏެވެ.
