ކޮރަޕްޝަނާއި މެޗު ފިކްސިންގެ މައްސަލަތަކެއް ވެސް ހިމެނޭތީއާ އެކު އައިސީސީން ކެނަޑާ ސަސްޕެންޑްކޮށްފި

Jun 4, 2026, 11:16 PM
ކްރިކެޓް ކެނަޑާ: ބައިނަލްއަގުވާމީ ކްރިކެޓް ޖަމިއްޔާ އައިސީސީން ވަނީ ކެނަޑާ ސަސްޕެންޑްކޮށްފައި.

ކްރިކެޓް ކެނަޑާ: ބައިނަލްއަގުވާމީ ކްރިކެޓް ޖަމިއްޔާ އައިސީސީން ވަނީ ކެނަޑާ ސަސްޕެންޑްކޮށްފައި.

އަހުމަދުއާބާދު، އިންޑިއާ (ޖޫން 4) - މެޗު ފިކްސިން އާއި ކޮރަޕްޝަންގެ މައްސަލަތައް ހިމެނޭހެން ގިނަ ގަވާއިދުތަކަކާ ހިލާފަށް ކެނަޑާގެ ކްރިކެޓް ޖަމިއްޔާ، ކްރިކެޓް ކެނަޑާ ހިންގަމުން އަންނާތީވެ އެސޯސިއޭޝަން ސަސްޕެންޑްކުރަން އިންޓަނޭޝަނަލް ކްރިކެޓް ކައުންސިލް (އައިސީސީ) އިން ނިންމައިފި އެވެ. 

އިންޑިއާގެ ގޭންގަކާ ވެސް ގުޅުން އޮންނަ ކަމަށް ބެލެވޭ މެމްބަރުން ވެސް ހިމެނޭހެން ހިންގާ ކްރިކެޓް ކެނަޑާ އަށް ގިނަ ތުހުމަތުތަކެއް ވަނީ އަމާޒުވެފަ އެވެ. އެ ގޮތުން، އައިިސީސީން ބެލި ބެލުމުގައި މި ވަގުތަށް ހަމަ އެންމެ ރަނގަޅު ގޮތަކީ ކެނަޑާ ސަސްޕެންޑްކުރުން ކަމަށް ފެންނާތީވެ، އެ ފެޑެރޭޝަނުން އެ ގޮތަށް ނިންމީ އަހުމަދުއާބާދުގައި އާދިއްތަ ދުވަހު ބޭއްވުނު ބައްދަލުވުމެއްގަ އެވެ. 

އައިސީސީން ކެނަޑާގެ މައްސަލަތަކަށް ފާރަވެރިވަމުން އަންނަތަން ދެތިން މަސް ވަނީ ވެފަ އެވެ. އެ ގޮތުން، ކްރިކެޓް ކެނަޑާ އަށް އައިސީސީން އެޅި ފުރަތަމަ ފިޔަވަޅަކީ މިދިޔަ މަހުން ފެށިގެން ކްރިކެޓް ކެނަޑާ އަށް ދެމުން އަންނަ ފަންޑް ހުއްޓާލުމެވެ. އެ ގޮތަށް ނިންމީ، އެއްވެސް އުސޫލެއް އަދި ނިޒާމެއް ނެތް ގޮތަށް ކްރިކެޓް ކެނަޑާގެ ފަންޑްތައް މެނޭޖްކުރަމުންދާތީ އެވެ. އަދި، އެއްވެސް އޮޑިޓެއް ފެންނަން ނެތްއިރު، ކްރިކެޓް ކެނަޑާ އަށް އައިސީސީން ދިން ބަޖެޓް ބޭނުންކުރި ގޮތެއް ވެސް އެނގެން ނެތުމުންނެވެ. 

ކްރިކެޓް ކެނަޑާގެ އިންޓަރިމް ޗީފް، ބަވްޖީތު ޖައުހަރު ވަނީ އައިސީސީން ދިފައިވާ މި ސަސްޕެންޝަން އެޕީލްކުރުމުގެ ވިސްނުމެއް ނުގެންގުޅުއްވާ ކަމަށް ވިދާޅުވެފަ އެވެ. އޭގެ ބަދަލުގައި ވިސްނުން ހުރީ، އައިސީސީއާ ގުޅިގެން މި ކަންކަމުގެ ހައްލެއް ހޯދުމަށް ކަމަށެވެ. 

އެމެރިކާގެ ނުފޫޒުގަދަ މީޑިއާއެއް ކަމަށްވާ، ސީބީސީ އިވެންވެސްޓިގޭޓިވް ޔުނިޓުން ވަނީ ތަހުގީގެއްކޮށް، ކްރިކެޓް ކެނަޑާ މެދުވެރިކޮށް، ފުޅާ ދާއިރާއެއްގައި ކޮރަޕްޝަން ހިންގަމުން އަންނަ ކަމުގެ ރިޕޯޓެއް ގެނެސްފަ އެވެ. އެ ގޮތުން، އިންޑިއާގެ ބިޝްނޯއި ގޭންގުން ކްރިކެޓް ކެނަޑާ ތެރޭގައި، ފައިސާގެ ނުފޫޒުން އެތައް ކަމެއް ކުރުމާއި މެޗު ފިކްސިންގެ ކަންކަމާ އެކިއެކި ކުޅިވަރުގެ ރޫހާ ހިލާފު އަމަލުތަކެއް ހިންގާގައިވާކަން އެ ރިޕޯޓްގައި ގެެނެސްދީފައިވެ އެވެ. އަދި، މެޗު ފިކްސްކުުރުމާއި ނުފޫޒުތަކަށް ތަބާނުވާ ކުޅުންތެރިންނަށް މަރުގެ އިންޒާރުދީފައިވާ މެސެޖުތަކެއް ވެސް ސީބީސީގެ މި ތަހުގީގަށް ފެނިފައިވެ އެވެ. އަދި، މި ކަންކަމުގެ ފުލުގައި ހުރީ، އިންޑިއާގެ ދިއްލީގެ ޖަލުގައި ހުރެ، ގޭންގު މަސައްކަތް ކުރަމުން އަންނަ ލޯރެންސް ބިޝްނޯއި ކަމަށް އެ ރިޕޯޓްގައިވެ އެވެ. ބިޝްނޯއި ގޭންގަކީ، މަޝްހޫރު ލަވަކިޔުންތެރިޔާ، ސިއްދޫ މޫސްވާލާގެ މަރުގެ ތުުހުމަތު ވެސް އަމާޒުވާ ގޭންގް އެވެ. 

ކްރިކެޓް ކެނަޑާ ސަސްޕެންޑް ކުރަން އައިސީސީން ނިންމި ނިންމުމަށް ފަހު، ދެން ކުރިއަށްދިއުމުގައި ވަނީ ގޮތްތަކެއް މި ވަގުތަށް ވެސް ކަނޑައަޅައިފަ އެވެ. އެ ގޮތުން، އެންމެ މުުހިންމު ކަމެއްގެ ގޮތުގައި، އައިސީސީގެ ހާއްސަ ލިމިޓެޑް ފަންޑިން އެއްގެ ތެެރެއިން، ކެނަޑާގެ ކްރިކެޓް ޓީމުތަކަށް މުބާރާތްތަކުގައި ކުޅުމުގެ ފުރުސަތު ދޭން ވަނީ ނިންމައިފަ އެވެ. އަދި، ކެނަޑާ އަށް ފުރުސަތު ދީފައިވަނީ، މި ވަގުތަށް އައިސީސީން ކަނޑައަޅާ އިވެންޓްތަކުގައި އެކަންޏެވެ. 

އަލުން ކެނަޑާ އަށް އައިސީސީ މެމްބަރުކަން ދިނުމަށް، އެ ޖަމިއްޔާ އިން ފުރިހަަމަކުރަންޖެހޭ ގިނަ ކަންތައްތަކެއް ވަނީ ލިޔުމުން އަންގައިފަ އެވެ.  

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox