ވިލިއަމްސަން، ނިއު ޒީލެންޑުގެ ޓީ20 ޓީމަށް ކުޅުން ހުއްޓާލައިފި

Nov 3, 2025, 6:03 AM
ވިލިއަމްސަން، ނިއު ޒީލެންޑުގެ ޓީ20 ޓީމަށް ކުޅުން ހުއްޓާލައިފި

ވެލިންޓަން، ނިއު ޒީލެންޑް (ނޮވެމްބަރު 3) - ނިއު ޒީލެންޑް ގައުމީ ކްރިކެޓް ޓީމުގެ ކުރީގެ ކެޕްޓަން، ކޭން ވިލިއަމްސަން، އެ ގައުމުގެ ޓީ20 ގައުމީ ޓީމުން ރިޓަޔާކޮށްފައިވާ ކަމަށް ބުނެފި އެވެ.

އުމުރުން 35 އަހަރުގެ ވިލިއަމްސަން މިހާރު ތައްޔާރުވަމުން އަންނަނީ ނިއު ޒީލެންޑްގެ ޓެސްޓް ކްރިކެޓް ގައުމީ ޓީމުގައި ހިމެނިގެން، ވެސްޓް އިންޑީސްއާ ދެކޮޅަށް އަންނަ މަހު ތިން މެޗުގެ ސީރީސްއެއް ކުޅުމަށެވެ. ވިލިއަމްސަން މިހާރު ނިންމާފައިވަނީ، ޓީ20 ކްރިކެޓްގައި ހަމައެކަނި ފްރެންޗައިސް މުބާރާތްތަކުގައި ކުޅުމަށެވެ.

ވިލިއަމްސަން ބުނީ، ޓީ20 ޓީމުން އޭނާ ރިޓަޔާކުރިކަން ދުރާލާ ޓީމަށް އެންގީ ހަގީގަތުގައި ޓާގެޓްތަކެއް ކަނޑައަޅައިގެން ކުރިއަށްދިއުމަށް ފުރުސަތު ދިނުމުގެ ގޮތުން ކަމަށެވެ.

Advertisement

ޓީ20 ކްރިކެޓްގައި ނިއު ޒީލެންޑުގައި ވަރަށް ހުނަރު އެބައޮތްކަން ފާހަގަކޮށް ވިިލިއަމްސަން ބުނީ، އާ ލީޑަރުންތަކެއް އައިސް ޓީމު ގޮވައިގެން ކުރިއަށް ގޮސްފިނަމަ ކާމިޔާބު ހޯދުމުގެ ފުރުސަތު ނިއު ޒީލެންޑަށް ބޮޑު ކަމަށެވެ.

ނިއު ޒީލެންޑަށް 93 ޓީ20 މެޗު ކުޅެދިން، ވިލިއަމްސަން ވަނީ އެ މެޗުތަކުގައި 2575 ލަނޑު ހަދައިފަ އެވެ. އެއީ، އެވްރެޖް 33.44 ސްޓްރައިކް ރޭޓުގަ އެވެ. ނިއު ޒީލެންޑްގެ ޓީ20 ކެޕްޓަނެއްގެ ގޮތުގައި ހުރެ، ވިލިއަމްސަން ވަނީ 2021 ވަނަ އަހަރުގެ ޓީ20 ވޯލްޑް ކަޕް ފައިނަލަށް އެ ޓީމު ގެންގޮސްދީފަ އެވެ. ފައިނަލުގައި އޮސްޓްރޭލިއާ އަތުން ބަލިވިއިރު، އެ މެޗުގައި އެންމެ ގިނަ ލަނޑު (85 ލަނޑު) ހެދީ ވިލިއަމްސަން އެވެ.

ވިލިއަމްސަން، ޓީ20 ގައި ނިއު ޒީލެންޑަށް ކުޅެން ފެށީ 2011 ވަނަ އަހަރު އެވެ. މިދިޔަ އަހަރު ޖޫންގެ ފަހުން، ނިއު ޒީލެންޑްގެ ޓީ20 މެޗަކުން ވިލިއަމްސަން ނުފެނެ އެވެ.

އައިސީސީ ޓީ20 ވޯލްޑް ކަޕް އޮތީ އަންނަ އަހަރުގެ ފެބްރުއަރީ މަަހު އިންޑިއާ އާއި ސްރީ ލަންކާގަ އެެެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox