މިދިޔަ އަހަރާ އަޅާ ބަލާއިރު ޑެންގީ ކޭސްތައް އެތައް ގުނައެއް އިތުރު

May 12, 2026, 11:16 AM
ޑެންގީހުމަކީ މަދިރިން ފެތުރޭ ބައްޔައް.

ޑެންގީހުމަކީ މަދިރިން ފެތުރޭ ބައްޔައް.

މިދިޔަ އަހަރުގެ އެޕްރީލް މަހާ އަޅާ ބަލާއިރު، މި އަހަރުގެ އެޕްރީލް މަހު ޑެންގީ ހުން ޖެހިގެން ރިޕޯޓު ކުރި މިންވަރު ގާތްގަނޑަކަށް ހަތަރު ގުނަ އިތުރުވެފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) ގެ ތަފާސްހިސާބުތަކުން ދައްކައިފި އެވެ. 

އިއްޔެ އާއްމުކުރި ތަފާސްހިސާބުން އެނގޭ ގޮތުގައި މި އަހަރުގެ އެޕްރީލް މަހު ޑެންގީ ހުން ޖެހިގެން 643 މީހަކު ރިޕޯޓުކޮށްފައިވެ އެވެ. މިދިޔަ އަހަރުގެ އެޕްރީލް މަހު މި ބަލި ޖެހިގެން ރިޕޯޓުކުރީ 135 މީހުންނެވެ. 

މިދިޔަ އަހަރާ އަޅާ ބަލާއިރު މި އަހަރުގެ މާޗް މަހު ވެސް ޑެންގީ ހުން ޖެހިގެން ރިޕޯޓުކުރި މީހުންގެ އަދަދު ބޮޑުތަނުން އިތުރެވެ. އެގޮތުން މާޗް މަހު ޑެންގީ ކޭސްތައް 60 އިން 601 އަށް އިތުރުވެފައިވާކަން ފާހަގަކުރެވެ އެވެ. 

Advertisement

"މި އަހަރުގެ މާޗް މަހާ އަޅާ ބަލާއިރު، އެޕްރީލް މަހު ޑެންގީހުން ޖެހިގެން ރިޕޯޓުކުރެވުނު އަދަދު ވަނީ އިތުރުވެފަ އެވެ. އެހެންކަމުން ޑެންގީ ހުން ފަދަ މަދިރީގެ ޒަރީއާއިން ފެތުރޭ ބަލިތައް މަދުކުރުމަށާއި ބަލިތަކުން ރައްކާތެރިވުމުގެ ފިޔަވަޅުތައް އެޅުމަކީ މުހިއްމު ކަމެއް،" އެޗްޕީއޭއިން ނެރުނު ރިޕޯޓުގައި ބުންޏެވެ. 

މިދިޔަ މަހު ވެސް އެޗްޕީއޭއިން ވަނީ ޑެންގީހުން ފެތުރޭތީ ފިޔަވަޅުތައް އެޅުމަށް އިލްތިމާސްކޮށްފަ އެވެ. ނަމަވެސް އެގޮތަށް އެންގީ ޑެންގީހުން ފެތުރޭ މިންވަރު ވަރަށް ބޮޑަށް އިތުރުވެ، ބަލީގައި ޒުވާނަކު މަރުވި ފަހުންނެވެ. 

ޑެންގީ ހުމުން ރައްކާތެރިވުމަށްޓަކައި ސްކޫލްތަކާއި ހޮސްޕިޓަލްތަކާއި ކައުންސިލްތަކާއި ރިސޯޓުތަކާއި ކޮންސްޓްރަކްޝަން ސައިޓުތަކާއި ޖަމިއްޔާތަކާއި މީޑިއާ އަދި އަމިއްލަ ފަރުދުން މަސައްކަތް ކުރަން އެޗްޕީއޭ އިން ވަނީ އިލްތިމާސްކޮށްފަ އެވެ. 

އެޗްޕީއޭއިން ބުނީ ޑެންގީ ހުމުގެ އަލާމާތްތަކަށް ހޮސްޕިޓަލްތަކުން ވަރަށް ބޮޑު ސަމާލުކަމެއް ދޭންޖެހޭނެ ކަމަށެވެ. ރަށު ތެރެ ސާފުކޮށް ބެލެހެއްޓުމަށް ރަށު ކައުންސިލްތަކުން ޓާސްކް ފޯހެއް ހެދުމަށް ވެސް އެޗްޕީއޭ އިން އެދެ އެވެ. 

އޭގެ އިތުރުން، މަދިރި އާލާވާ ގޮތަށް ހުރި ތަންތަން ބަލައި ރަށު ތެރެ ސާފުކޮށް، ބެލެހެއްޓުމަށް ހުރިހާ ފަރާތްތަކަކުން ވެސް ސަމާލުކަން ދޭންވާނެ ކަމަށް އެޗްޕީއޭ އިން ބުނެ އެވެ. 

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox