އަންނަ އަދީއްތަ ދުވަހު ފާހަގަކުރާ ކުޑަކުދިންގެ ދުވަހާ ގުޅުވައިގެން ސިމްޑީ ގްރޫޕުގެ ކޮންޒިއުމާ ޕްރޮޑަކްޓްސް ޑިވިޝަނުން ބޭބީ ޗެރަމީއާ ގުޅިގެން އާއިލީ ހަވީރެއް ބޭއްވުމަށް ނިންމައިފި އެވެ.
މި ކުޑަކުދިންގެ ހަވީރު ބޭއްވުމަށް ހަމަޖެހިފައިވަނީ އެސްޓީއޯ ޕީޕަލްސް ޗޮއިސްގައި އާދީއްތަ ދުވަހު ހަވީރު 16:00 އިން ފެށިގެން އިރުއޮއްސި 18:00 ޖެހުމާ ހަމައަށެވެ.
މި ހަވީރުގައި ކުޑަކުދިންނާ ގުޅޭ ތަފާތު ކުޅިވަރުތައް ކުރިއަށްދާނެ އެވެ. މި ކުޅިވަރުތަކުގައި ބައިވެރިވާ ކުދިންނަށް ވަރަށް އިނާމުތަކެއް ދިނުމަށްވެސް ވަނީ ހަމަޖެހިފަ އެވެ.
ސިމްޑީން ބުނީ މި ހަރަކާތް ކުރިއަށްގެންދިޔުމުގެ މައިގަނޑު މަގުސަދަކީ އާއިލާތަކުގެ މެދުގައި އޮންނަ ގުޅުން ބަދަހިކޮށް، މަޖާ މާހައުލެއްގައި ބޭބީ ޗެރަމީ ބްރޭންޑުގެ އުފެއްދުންތަކާ ގާތުން ތަޖުރިބާކުރުމުގެ ފުރުސަތު ހޯދައިދިނުން ކަމަށެވެ.
ކުޑަކުދިންގެ ހަވީރުގެ ތެރެއިން ބޭބީ ޗެރަމީގެ ހުރިހާ އުފެއްދުންތަކަކުން 20 ޕަސަންޓުގެ ބޮޑު ޑިސްކައުންޓެއް ދިނުމަށްވެސް ހަމަޖެހިފައިވާ ކަމަށް ސިމްޑީން ބުންޏެވެ. ސިމްޑީން ބުނީ އެތަނުގެ އައުޓްލެޓްތަކުގެ އިތުރުން ބައެއް އެހެން ފިހާރަތަކުންވެސް ވިއްކާ ބޭބީ ޗެރަމީގެ އުފެއްދުންތަކުން ޑިސްކައުންޓް ލިބޭނެ ކަމަށެވެ.
މި ހަރަކާތުގެ އެންމެ ހާއްސަ އެއް ބަޔަކީ ބޭބީ ޗެރަމީ ކިޑްސް ގްލޭމް ސްޓޭޝަނެވެ. މި ސްޓޭޝަނަކީ ކުޑަކުދިންނަށް ރައްކާތެރިކަމާއެކު ރީތިވުމުގެ ތަޖުރިބާކޮށްލުމަށާއި، ބޭބީ ޗެރަމީގެ އުފެއްދުންތައް އަމަލީގޮތުން ބޭނުންކޮށްލުމަށް ހުޅުވާލެވޭ ހާއްސަ ފުރުސަތެކެވެ.
ސިމްޑީ ކޮންޒިއުމާ ޕްރޮޑަކްޓްސް ޑިވިޝަނަކީ 2002 ވަނަ އަހަރުން ފެށިގެން ރާއްޖޭގައި ދުނިޔޭގެ މަގުބޫލު ބްރޭންޑުތައް ފޯރުކޮށްދެމުން އަންނަ ކުންފުންޏެކެވެ. ރީޓެއިލް ބާޒާރަށާއި ރިސޯޓުތަކަށް ބޭނުންވާ މަތީ ފެންވަރުގެ މުދާ އެތެރެކޮށް މާކެޓްކުރުމުގައި އެ ކުންފުނި ވަނީ އިތުބާރު ހޯދާފަ އެވެ.
މިފަދަ ހަރަކާތްތަކުގެ ޒަރީއާއިން ކަސްޓަމަރުންނާ އޮންނަ ގުޅުން އިތުރަށް ވަރުގަދަވެ، އާއިލާތަކަށް އުފާވެރި މާހައުލެއް ބިނާކޮށްދިނުމަކީ ސިމްޑީގެ އަމާޒެެއް ކަމަށް އެ ކުންފުނިން ބުންޏެވެ.
