ސިމްޑީ ގްރޫޕްގެ "ސިމްޑީ ޓެކް" އިން އިންސްޓަ360 އާއެކު އޮތޮރައިޒްޑް ޑިސްޓްރިބިއުޝަން ޕާޓްނާޝިޕެއް އެކުލަވާލައި ކުންފުނީގެ ހިދުމަތް ފުޅާކޮށްފި އެވެ.
ސިމްޑީ ގްރޫޕްގެ ކީ ޑިވިޝަން "ސިމްޑީ ޓެކް" އިން އިންސްޓާ360 ގެ އޮތޯރައިޒްޑް ޑިސްޓްރިބިއުޝަން ޕާޓްނަޝިޕް އަށް ވުމަކީ ރާއްޖޭގައި ޓެކްނޮލޮޖީއަށް ލޯބިކުރާ ފަރާތްތަކަށް ލިބޭނެ ކުރިއެރުމެއް ކަމަށް އެ ކުންފުނިން ދެކެ އެވެ.
އިންސްޓަ 360 ޑިވައިސް އަކީ ފޮޓޯގްރަފީ އާއި ވީޑިއޯގްރަފީގެ ދުނިޔެއަށް އިންގިލާބީ ބަދަލެއް ގެނެސްދީ، 360 ޑިގްރީގެ ހިތްގައިމު ކޮންޓެންޓް ފަސޭހަކަމާއެކު ކެޕްޗާ ކުރުމުގެ ފުރުސަތު ފަހިކޮށްދޭ ޑިވައިސެކެވެ. ޒަމާނީ ސިފަތަކާއި އާދަޔާ ހިލާފު ކޮލިޓީއާ އެކު މި ޑިވައިސް އަކީ މީހުންގެ ތަޖުރިބާތައް ތަފާތު ގޮތަކަށް ޑޮކިއުމެންޓް ކުރެވޭ ގޮތަށް ތައްޔާރުކޮށްފައިވާ ޑިވައިސް އެކެވެ.
އިންސްޓާ 360 ގެ ހާއްސަ ސިފަތަތައް
1. 360 ޑިގްރީ އިމާޝަން:
އިންސްޓާ360 ކެމެރާތަކުން ފުލް އިމާސިވް އެކްސްޕީރިއަންސެއް ލިބިގެންދާއިރު، މަންޒަރުތަކުގެ ކޮންމެ އެންގޭލް އެއް ވެސް ދައްކުވައިދެއެވެ. ރީތި މަންޒަރެއް ކަމުގައި ވިޔަސް، ނުވަތަ ޖަލްސާއެއް ކަމުގައި ވިޔަސް، ކެމެރާ ބޭނުން ކުރާ މީހުންނަށް މުޅި މާހައުލުގެ 360 ޑިގްރީ ކޮށް ކެޕްޗާ ކުރުމުގެ ތަޖުރިބާ ލިބިގެންދެ އެވެ.
2. ފްލޯ ސްޓޭޓް ސްޓެބިލައިޒޭޝަން:
މި ފީޗާ އާއެކު ވީހާވެސް ގުޑުން ކުޑަކޮށް ވީޑިއޯގެ ސްޓެބިލިޓީ ކަށަވަރު ކޮށްދެ އެވެ.
3. އޭއައި އެޑިޓިން ޓޫލްސް:
މި ފީޗާ އާ އެކު ވީޑިއޯ ކުރާ މީހުންނަށް ޓެކްނިކަލް ފީޗާތަކަށް ސަމާލުކަން ދިނުމުގެ ބަދަލުގައި ވީޑިއޯ ކުރުމަށް ސަމާލުކަން ދިނުމަށް މަގު ފަހިވެ އެވެ. އޮޓޯ ފްރޭމިން އާއި އިންޓެލިޖެންޓް ޓްރެކިން ފަދަ ފީޗާ ތަކާއެކު ވީޑިއޯ އެޑިޓް ކުރުން ވަރަށް ބޮޑު ލުޔަކަށް ވެގެން ދެ އެވެ.
4. މޮޑިޔުލާ އެކްސެސަރީޒް:
މި ފީޗާ އާއެކު ޝޫޓިން އެކްސްޕީރިއަންސް ކަސްޓަމައިޒް ކުރުމުގެ ފުރުސަތު ލިބެ އެވެ. ކަނޑުއަޑީގެ އެޑްވެންޗާތަކުން ފެށިގެން އޭރިއަލް ޝޮޓްތަކާ ހަމައަށް މަންޒަރުތައް ނެގުމުގެ ފުރުސަތު ކަސްޓަމަރުންނަށް ލިބިގެންދެ އެވެ.
އިންސްޓަ 360 ގެ އޮތޮރައިޒްޑް ޑިސްޓްރިބިއުޓަރުގެ ހައިސިއްޔަތުން ސިމްޑީ ޓެކް އިން ކަސްޓަމަރުންނަށް ހާއްސަ ފައިދާތަކެއް ފޯރުކޮށްދޭނެ އެވެ. އެގޮތުން އެކުންފުނިން ގަންނަ ކޮންމެ އިންސްޓާ360 ކެމެރާއަކަށް އެއް އަހަރުގެ ވޮރެންޓީ ލިބޭނެ އެވެ. މިއާއެކު ކޮލިޓީ އާއެކު ގިނަ ދުވަހު ބޭނުން ކުރެވޭނެ ކަމުގެ ޔަގީންކަން ކަސްޓަމަރުންނަށް ސިމްޑީން ދެ އެވެ.
އަދި ސިމްޑީ ޓެކްގެ ސޭލްސް ކޮންސަލްޓަންޓުންގެ އެހީތެރިކަމާއެކު ކަސްޓަމަރުން ބޭނުންތަކަށް އެންމެ އެކަށޭނެ ޕްރޮޑަކްޓްއެއް ހޮވުމުގައި އެހީތެރިކަން ލިބިގެންދާއިރު ޕްރޮޑަކްޓް ގަތުމުގެ ކުރިން ސިމްޑީގެ "އިމޭޖް ސްކޮޔާ" ޝޯރޫމްއަށް ޒިޔާރަތް ކޮށް ޕްރޮޑަކްޓް ބަލާލެވޭނެ އެވެ. މީގެ ސަބަބުން ލިބެން ހުރި "އިންސްޓާ360" ޕްރޮޑަކްޓް ލައިންތަކުން ކަސްޓަމަރުން އިސްކަންދޭ ފީޗާތަކަށް ބަލައިގެން ޕްރޮޑަކްޓް ގަތުމުގެ ފުރުސަތު ލިބިގެންދެއެވެ.
އޭގެއިތުރުން "އިންސްޓާ 360" ޕްރޮޑަކްޓް ލޯންޗުކުރުމުގެ މުނާސަބަތުގައި "ސިމްޑީ ޓެކް"އިން ވަނީ އެ ޕްރޮޑަކްޓަށް ހާއްސަ ހެޔޮ އަގުތަކެއް ތައާރަފުކޮށްފަ އެވެ.
ސިމްޑީން ބުނީ "އިންސްޓާ 360" ގެ މަގްސަދަކީ މި އިނޮވޭޓިވް ޑިވައިސްތަކަކީ ކޮންމެ މީހަކުވެސް އެމީހެއްގެ އުފެއްދުންތެރިކަން ހާމަކުރުމަށް ހިތްވަރުދޭ ފުޅާ ދާއިރާއެއްގައި އޯޑިއަންސަކަށް ބޭނުންކުރެވޭނެ ޑިވައިސްތަކަކަށް ހެދުން ކަމަށެވެ.
ރާއްޖޭގެ ލީޑިން ޓެކްނޮލޮޖީ ޕްރޮވައިޑަރެއްގެ ގޮތުގައި ސިމްޑީ ޓެކް އަކީ މަޝްހޫރު ކުންފުންޏެކެވެ. ސިމްޑީ އަކީ ކެނޮން، ގޮޑޮކްސް، ލެނޯވޯ، މައިލްސްޓޯން، އަދި ޖޭބީއެލް ފަދަ ބްރޭންޑްތަކުގެ އޮތޮރައިޒްޑް ޑިސްޓްރިބިޔުޓަރެވެ.
ސިމްޑީ ޓެކް އިން ދެ ޝޯރޫމް މެދުވެރިކޮށް ސާވިސް ސެންޓަރުތައް އަންނަނީ ހިންގަމުންނެވެ. އަދި، ސަރުކާރާއި، ހޮސްޕިޓަލިޓީ އިންޑަސްޓްރީއާއި، ޕަބްލިކް ސެކްޓަރާއި ގުޅުން ބަދަހިކޮށް، މަތީ ފެންވަރުގެ ޓެކްނޮލޮޖީއާއި އުފެއްދުންތެރި ޕްރޮޑަކްޓްތަކާއި ސޮލިއުޝަންތައް ސިމްޑީ ޓެކް އިން ފޯރުކޮށްދޭތާ ދިހަވަރަކަށް އަހަރު ވެއްޖެ އެވެ.
