ޕާޓީގެ މެންބަރުން ތިބީ ހިތުގައި ޖެހިފައި، އެކަން ބަދަލުކުރާނަން: މީކާއިލް

މީކާއިލް ނަސީމް: އޭނާ ވިދާޅުވީ ޕާޓީގެ ތެރޭގައި ހިނގާ ކަންކަމުން މެންބަރުން ތިބީ ހިތުގައި ޖެހިފައި ކަމަށް އަދި އެކަން އޭނާ ބަދަލުކުރައްވާނެ ކަމަށް

މީކާއިލް ނަސީމް: އޭނާ ވިދާޅުވީ ޕާޓީގެ ތެރޭގައި ހިނގާ ކަންކަމުން މެންބަރުން ތިބީ ހިތުގައި ޖެހިފައި ކަމަށް އަދި އެކަން އޭނާ ބަދަލުކުރައްވާނެ ކަމަށް

މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ގެ މެންބަރުން ތިބީ ހިތުގައި ޖެހިފައި ކަމަށާއި އެކަން ބަދަލުކުރައްވާނެ ކަމަށް އެ ޕާޓީގެ ޗެއާޕާސަނަކަށް ކުރިމަތިލައްވާނެކަން އިއުލާންކުރައްވާފައިވާ ގަލޮޅު ދެކުނު ދާއިރާގެ މެންބަރު މީކާއިލް ނަސީމް ވިދާޅުވެއްޖެ އެވެ. 

މީކާއިލްގެ ކެމްޕެއިން ޓީމުން ނެރުނު ޕްރޮގްރާމެއްގައި އޭނާ ވިދާޅުވީ އެމްޑީޕީގެ މެންބަރުންގެ އިހުސާސްތައް ވަރަށް ރަނގަޅަށް އެނގޭ ކަމަށެވެ. މީކާއިލް ވިދާޅުވީ އެމްޑީޕީގެ އާންމު މެންބަރުން ހިތުގައި ޖެހިފައި ތިބީ އެ ޕާޓީ ތެރޭގައި ކަންކަން ހިނގާފައި އޮތް ގޮތުން ކަމަށެވެ. 

"އަޅުގަނޑަށް އެމީހުންގެ ހިތާއި ވިންދުގައި ހިނގާ އިހުސާސްތައް ވަރަށް ރަނގަޅަށް އެނގޭ އެނގޭތޯ. އެމީހުން ވަރަށް ބޮޑަށް ހިތުގައި ޖެހިފައި ތިބީ މިހާތަނަށް ޕާޓީ ތެރޭގައި ކަންވެފައި އޮތް ގޮތުން. އަޅުގަނޑުމެން މި އަންނަނީ އެކަން ބަދަލުކުރަން،" އޭނާ ވިދާޅުވި އެވެ.

މީހާގެ އުމުރާއި ހަރުކަން މީހާގެ ތަޖުރިބާއާ ގުޅުމެއް އޮތް ކަމަށް ގަބޫލު ނުކުރައްވާކަން ފާހަގަކުރައްވާ މީކާއިލް ވިދާޅުވީ 16 އަހަރު ވަންދެން އެމްޑީޕީގައި އެންމެ ތިރިން ފެށިގެން މައްޗަށް ދެގޮތެއް ނުވެ އާންމު މެންބަރުންނާއެކު ދެމިހުންނެވި ކަމަށެވެ. 

"މީހާގެ ތަޖުރިބާ ގުނަންވާނީ އޭނާގެ ޕޮލިޓީކަލް އެކްސްޕީރިއަންސްއިން. އަޅުގަނޑުގެ އެބައޮތް 16 އަހަރުގެ ތަޖުރިބާ އެނގޭތޯ. މިކަމުގައި މެދުކެނޑުމެއްނެތި އެންމެ ދަށްފަންތިން ފެށިގެން މިހާ ހިސާބަށް އަޅުގަނޑު މަސައްކަތް މިކުރީ ހަމަ މި އެމްޑީޕީގައި. އެމްޑީޕީގެ އާންމު މެންބަރުންނާއެކު،" މީކާއިލް ވިދާޅުވި އެވެ. 

މީކާއިލް ވިދާޅުވީ 2028 ވަނަ އަހަރުގެ ރިޔާސީ އިންތިހާބުގައި ވޯޓުލުމުގެ ހައްގު ލިބިފައިވާ ގާތްގަނޑަކަށް 45 ޕަސަންޓަކީ ޒުވާނުން ކަމަށްވާއިރު، އެމްޑީޕީގައި ރަޖިސްޓްރީވެފައި ތިބި 50،000 ވަރަކަށް މެންބަރުންގެ  ތެރެއިން ޒުވާނުންނަކީ އެންމެ 19 ޕަސަންޓު ކަމަށެވެ. 

މިގޮތުން ޒުވާނުންގެ ބައިވެރިވުން އެމްޑީޕީއަށް އިތުރުކުރަން ޕާޓީގެ ލީޑާޝިޕުންނާއި އިސް ސަފުން ޒުވާނުންނަށް ގިނަ ފުރުސަތު ދޭންޖެހޭ ކަމަށް މީކާއިލް ވިދާޅުވި އެވެ. އޭނާ ވިދާޅުވީ އެކަން ކުރުމުން އެ ޕާޓީއަކީ ފުރުސަތު އޮތް ޕާޓީއެއް ކަމަށް ދެކި ގިނަ ޒުވާނުން ގުޅުމުގެ ފުރުސަތުވެސް ބޮޑުވާނެ ކަމަށެވެ. 

އަންނަ ޖޫން 12، ގައި ބާއްވާ އެމްޑީޕީގެ ޗެއާޕާސަން އިންތިހާބުގައި މީކާއިލްއާ ދެކޮޅަށް ނުކުންނަވަނީ ކުރީގެ ރައީސް މުހައްމަދު ނަޝީދު އެވެ. އެ ދެ ބޭފުޅުންވެސް ދަނީ އިންތިހާބަށް ކެމްޕެއިން ކުރައްވަމުންނެވެ. 

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox