އެލިސަން އާއި ބެނާޑޯ އަށް ޔުވެންޓަސްގެ ޝައުގުވެރިކަން

Apr 24, 2026, 9:59 AM
ލިވަޕޫލްގެ ކީޕަރު އެލިސަން ބެކާ.

ލިވަޕޫލްގެ ކީޕަރު އެލިސަން ބެކާ.

ޓިއުރިން (އޭޕްރީލް 24) - ލިވަޕޫލްގެ ކީޕަރު، އެލިސަން ބެކާ އާއި މެންޗެސްޓާ ސިޓީގެ ކެޕްޓަން، ބެނާޑޯ ސިލްވާ އަށް އިޓަލީގެ ޔުވެންޓަސް އިން ޝައުގުވެރިކަން ފާޅުކޮށް، އެ ދެ ކުޅުންތެރިން ހޯދުމުގެ މަސައްކަތް ކުރަމުން އަންނަ ކަމަށް ރިޕޯޓްތައް ބުނެފި އެވެ. 

ދާދި ފަހުން ލިވަޕޫލުން ވަނީ، އެލިސަން، 33، ގެ ކޮންޓްރެކްޓް އަންނަ ސީޒަނުގެ ނިޔަލަށް އާ ކުރަން މިހާރު އޮތް އެއްބަސްވުމުގެ މާއްދާއެއްގެ ބޭނުންހިފައިގެން ނިންމައިފަ އެވެ. އަދި، ބެނާޑޯ، 31، ވަނީ މި ސީޒަނަށް ފަހު ސިޓީ ދޫކޮށްލަން ނިންމާފައިވާކަން އިއުލާނުކޮށްފަ އެވެ. 

ޔުވެންޓަސް އިން އެލިސަން ގަންނަން 13-15 މިލިއަން ޑޮލަރުގެ ބިޑެއް ކުރަން ތައްޔާރަށް އޮތް ކަމަށް ރިޕޯޓްތައް ބުނެ އެވެ. އަދި، ބްރެޒިލާއި އިޓަލީގެ ބައެއް މީޑިއާ ރިޕޯޓްތައް ބުނާގޮތުން، އެލިސަން ވަނީ ލިވަޕޫލުން ރުހޭނަމަ، މި ފަހަރުގެ ޓްރާންސްފާ މާކެޓްގައި ޔުވެންޓަސް އަށް ބަދަލުވާނެ ކަމަށް ވެސް އެ ކްލަބްގެ އޮފިޝަލުންނަށް އަންގައިފަ އެވެ. 

ލިވަޕޫލުން އެލިސަން ގަތީ 2018 ވަނަ އަހަރު އިޓަލީގެ ރޯމާ އަށް 80 މިލިއަން ޑޮލަރު ދައްކައިފަ އެވެ. މިހާތަނަށް ލިވަޕޫލާ އެކު، ކްލަބެއްގައި ހުރެ ލިބޭނެ ބޮޑު ހުރިހާ ކާމިޔާބެއް އެލިސަން ވަނީ ހޯދައިފަ އެވެ. އެލިސަން ވަނީ ލިވަޕޫލްގައި މަޑުކުރުމަށްޓަކައި، ސައުދީ ޕްރޮފެޝަނަލް ލީގު (ޕްރޯ ލީގު)ގެ އަލް ނަސްރުގެ ބޮޑު އޮފާއެއް ދޫކޮށްލައިފަ އެވެ. 

ފަލަމަސްގަނޑަށް ލިބިފައިވާ އަނިޔާ އަކުން ރިކަވާވަމުން އަންނަ އެލިސަން ވަނީ މިހާތަނަށް ލިވަޕޫލަށް ކުޅެދިން 332 މެޗުން 137 ކްލީންޝީޓް ފުރިހަމަކޮށްފަ އެވެ. 

މެންޗެސްޓާ ސިޓީގެ ކެޕްޓަން، ބެނާޑޯ ސިލްވާ
މެންޗެސްޓާ ސިޓީގެ ކެޕްޓަން، ބެނާޑޯ ސިލްވާ

ސިޓީން 2017 ވަނަ އަހަރު ޕޯޗުގީސް މިޑްފީލްޑަރު، ބެނާޑޯ ގަތީ މޮނާކޯ އަށް ޖުމްލަ އެކު، 70 މިލިއަން ޑޮލަރުގެ ފީއެއް ދައްކާގޮތަށެވެ. ކުރިން ބެންފީކާ އަށް ވެސް ކުޅުނު ބެނާޑޯ ވަނީ ސިޓީގައި ހޭދަކުރި ނުވަ ސީޒަނުގައި އެ ޓީމާ އެކު، ހަ ފަަހަަރު އިނގިރޭސި ޕްރިމިއާ ލީގާއި ޗެމްޕިއަންސް ލީގު ކާމިޔާބުކޮށްފަ އެވެ. 

މި ފަހަރު ސިޓީ ދޫކޮށްލާނެކަން އިއުލާނުކޮށްފައިވާ ބެނާޑޯ އަށް ސައުދީ ޕްރޯ ލީގާއި އެމެރިކާގެ ފުޓްބޯޅަ ލީގު މޭޖަ ލީގު ސޮކާ (އެމްއެލްއެސް)ގެ ހުށަހެޅުންތަކެއް ވެސް ވަނީ ލިބިފަ އެވެ. އެކަމަކު، ރިޕޯޓްތައް ބުނާގޮތުން، ބެނާޑޯގެ ޝައުގުވެރިކަން ހުރީ ޔޫރަޕްގެ ވަރުގަދަ ލީގެއްގައި ކުޅުމަށް ފަަހު، 2028 ވަަނަ އަހަރުގެ ޔޫރޯ ފުޓްބޯޅަ މުބާރާތުގައި ކުޅޭ ޕޯޗުގަލް ޓީމުގައި ވެސް ހިމެނުމަށެވެ. 

ބެނާޑޯ ހޯދަން ޝައުގުވެރިކަން ފާޅުކޮށްފައިވާ ކްލަބްތަކުގެ ތެރޭގައި އޭނާގެ ކުރީގެ ޓީމު ބެންފީކާ ވެސް ހިމެނެ އެވެ. ހޯސޭ މޮރީނިއޯގެ ކޯޗުކަމުގައި މި ވަގުތު ކުޅެމުން އަންނަ ބެންފީކާ އަށް، ކެރިއަރު ނިމުމުގެ ކުރިން އެނބުރި ދިއުމުގެ ޝައުގުވެރިކަން ހުރި ކަަމަށް މީގެ އަހަރެއް ކުރިން ދިން އިންޓަވިއެއްގައި ބެނާޑޯ ވަނީ ބުނެފަ އެވެ. 

ޔުވެންޓަސްގެ އިތުރުން، އިޓަލީގެ އިންޓަ މިލާން އާއި އޭސީ މިލާނުން ވެސް ބެނާޑޯ ހޯދަން ޝައުގުވެރިކަން ފާޅުކޮށްފައިވެ އެވެ. އަދި، ފްރާންސްގެ މާސޭ އާއި އެމްއެލްއެސްގެ އިންޓަ މިއާމީން ވެސް ބެނާޑޯ އަށް އަންނަނީ ފާރަލަމުންނެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox