ޔުވެންޓަސް އިން ނަޕޯލީ ބަލިކުރިއިރު، މިލާނާއި ރޯމާ އެއްވަރު

Jan 26, 2026, 2:06 AM
ޔުވެންޓަސް އިން ނަޕޯލީ ބަލިކުރިއިރު، މިލާނާއި ރޯމާ އެއްވަރު

ޓިއުރިން (ޖެނުއަރީ 26) - އިޓާލިއަން ލީގުގައި ރޭ ޔުވެންޓަސް އިން 3-0 އިން ނަޕޯލީ ބަލިކުރިއިރު، އޭސީ މިލާނާއި ރޯމާ ކުޅުނު މެޗު 1-1 އިން އެއްވަރުވެއްޖެ އެވެ.

ލީގުގެ އެއް ވަނައިގައި އޮތް އިންޓަ މިލާނަށް މި ނަތީޖާތަކަށް ފަހު ފަސް ޕޮއިންޓުގެ ލީޑެއް ލިބިފައިވާއިރު، އިންޓަގެ އޮތީ 22 މެޗުން 52 ޕޮއިންޓެވެ. ދެ ވަނައިގައި އޮތް މިލާނަށް 22 މެޗުން 47 ޕޮއިންޓް އަދި ތިން ވަނައިގައި އޮތް ރޯމާ އަށް ވަނީ ހަތަރު ވަނައިގައި އޮތް ނަޕޯލީއާ އެއްވަރަށް 22 މެޗުން 43 ޕޮއިންޓް ލިބިފަ އެވެ. އަދި، ރޭގެ މޮޅާ އެކު، ފަސް ވަނައިގައި އޮތް ޔުވެންޓަސް އަށް 22 މެޗުން ވަނީ 42 ޕޮއިންޓް ލިބިފަ އެވެ.

ޔުވެންޓަސްގެ އަލިއާންޒް ސްޓޭޑިއަމްގައި ރޭ ކުޅުނު މެޗުގައި، އެ ޓީމުން ފުރަތަަމަ ހާފު ވެސް ނިންމާލީ ލީޑުގަ އެވެ. ކުރިން ޔުވެންޓަސް އަށް އިޓާލިއަން ލީގު ކާމިޔާބުކޮށްދިން ކޯޗު އެންޓޯނިއޯ ކޮންޓޭ މިހާރު ހަވާލުވެހުރި ނަޕޯލީ ކޮޅަށް ޔުވެންޓަސްގެ ފުރަތަމަ ގޯލު ރޭ ޖަހައިދިނީ، 22 ވަނަ މިނިޓްގައި ކެނަޑާގެ ފޯވާޑް، ޖޮނަތަން ޑޭވިޑް އެވެ. މިއީ، ޔުވެންޓަސްގެ އިޓަލީ މިޑްފީލްޑަރު، މެނުއަލް ލޮކަޓެއްލީ ދިން ބޯޅައަކުން ޑޭވިޑް ޖެހި ގޯލެކެވެ.

Advertisement

މެޗުގައި ޔުވެންޓަސް އިން ގިނަ ވަގުތު އެއް ލަނޑުގެ ލީޑެއްގައި އޮތްއިރު، ތިން ޕޮއިންޓް ކަށަވަރުކުރަން ޖެހި އަނެއް ދެ ލަނޑު ކާމިޔާބުކުރީ މެޗުގެ ފަހު ވަގުތުގަ އެވެ. އެ ގޮތުން، 77 ވަނަ މިނިޓްގައި، ތުރުކީގެ ވިންގް، ކެނާން ޔިލްޑިޒް، ޔުވެންޓަސްގެ ދެ ވަނަ ލަނޑު ޖެހިިއިރު، މެޗުގެ ފުރިހަމަ ވަގުތު ހަމަވާން ހަތަރު މިނިޓަށް ވެފައި ހުއްޓައި، ފަހު ލަނޑު ޖެހީ، ފިލިޕް ކޮސްޓިޗް އެވެ.

ރޯމާ ދަނޑުގައި މިލާނުން ލޫކަ މޮޑްރިޗް ދިން ބޯޅައަކުން ކޯނި ޑި ވިންޓާ ޖެހި ގޯލުން ދެ ވަނަ ހާފުގައި ލީޑުނެގި އެވެ. މޮޑްރިޗްގެ ހުރަހުން ޑި ވިންޓާ ވަނީ ބޮލުން ގޯލަށް ބޯޅަ ފޮނުވާލައިފަ އެވެ.

އެކަމަކު، މިލާނަށް ލީޑުގައި މެޗު ނިންމައިލެވޭ ގޮތެއްނުވި އެވެ. އަމިއްލަ ދަނޑުގައި ކުޅުނު ރޯމާ އިން މެޗުގައި ޕޮއިންޓެއް ހޯދީ 74 ވަަނަ މިނިޓްގައި ލޮރެންޒޯ ޕެލެގްރީނީ ވައްދާލި ޕެނަލްޓީންނެވެ. މިއީ، މިލާނުގެ ޑޭވިޑް ބާޓެސާޖީ އަތުގައި އޭރިއާތެރެއިން ބޯޅަ ޖެހުމުން، ވީޑިއޯ އެސިސްޓަންޓް ރެފްރީ (ވީއޭއާރް) އިން ވެސް ކަށަވަރުކޮށްފައި ދިން ޕެނަލްޓީއެކެވެ.

މިލާނަށް އަލުން ލީޑުނަގައިދޭން ޖަރުމަނުގެ ފޯވާޑް، ނިކްލަސް ފުލްކްރޫގް ބޮލުން ފޮނުވާލި ބޯޅަ ދިޔައީ ހުރަސްދަނޑިމަތިންނެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox