ކަރަންސީ ސްވޮޕް ރޯލްއޯވާ ނުވުމުން 400 މިލިއަން ޑޮލަރު ދައްކައިފި

Apr 23, 2026, 9:01 PM
ފިނޭންސް މިނިސްޓަރު މޫސާ ޒަމީރު: ސްވޮޕް ދައްކަން ޖެހުނީ ރޯލްއޯވާ ކޮށްދޭނެ ގޮތެއް ނެތުމުން --- ފޮޓޯ: ރައީސް އޮފީސް

ފިނޭންސް މިނިސްޓަރު މޫސާ ޒަމީރު: ސްވޮޕް ދައްކަން ޖެހުނީ ރޯލްއޯވާ ކޮށްދޭނެ ގޮތެއް ނެތުމުން --- ފޮޓޯ: ރައީސް އޮފީސް

މީގެ ދޮޅު އަހަރު ކުރިން ރިޒާވު ބޭންކް އޮފް އިންޑިއާ (އާރުބީއައި) އިން ނެގި ޑޮލަރު ސްވޮޕް ފެސިލިޓީގެ މުއްދަތު ހަމަވުމުން، އެ ފެސިލިޓީއަށް ދައްކަން ޖެހޭ 400 މިލިއަން ޑޮލަރު ދައްކައިފި އެވެ.

ފޮރިން މިނިސްޓްރީ އާއި އިންޑިއާ ހައި ކޮމިޝަނުން މިކަން ކަށަވަރުކޮށްދިންއިރު ދިވެހި ސަރުކާރުން އޮތީ މި ފެސިލިޓީ ރޯލްއޯވާ ކޮށްދޭން އެދިފަ އެވެ. ނަމަވެސް އިންޑިއާގެ ގަވާއިދުތައް ހުރި ގޮތުން މިކަން ކުރަން ހުރަސްތަކެއް ހުރި ކަމަށް އޭރުން ފެށިގެން އަންނަނީ ރިޕޯޓުކުރަމުންނެވެ. 

މުއްދަތު ހަމަވުމާ ގުޅިގެން ޑޮލަރު ސްވޮޕް ފެސިލިޓީ އަދާކުރުމާ ގުޅިގެން، އިންޑިއާ ސަރުކާރުން ވަނީ 30 ބިލިއަން އިންޑިއަން ރުޕީސްގެ ފެސިލިޓީ ބޭނުންކުރަން ހުއްދަ ދީފަ އެވެ. މިއީ ވެސް ޑޮލަރު ފެސިލިޓީގައި ސޮއިކުރި ދުވަހު ސޮއިކުރި އެއްބަސްވުމެކެވެ. 

Advertisement

އިންޑިއާ ހައި ކޮމިޝަނުން ބުނި ގޮތުގައި، މި އާ ސްވެޕް ފެސިލިޓީގައި އިންޓަރެސްޓް ރޭޓާއި އެހެނިހެން ޝަރުތުތަކުގައި ލުއިތަކެއް ހިމެނެ އެވެ. އެ ކޮމިޝަނުން ބުނި ގޮތުގައި 2012 ގައި ސާކް ސްވޮޕް ފްރޭމްވޯކް ތައާރަފްކުރެވުނު ފަހުން، އިންޑިއާއިން ވަނީ ރާއްޖެއަށް ޖުމްލަ 1.1 ބިލިއަން ޑޮލަރުގެ ސްވެޕް އެހީތެރިކަން ފޯރުކޮށްދީފަ އެވެ.

އިންޑިއާއިން ނަގާފައިވާ 400 މިލިއަން ޑޮލަރުގެ ސްވޮޕް ދައްކަންޖެހިދާނެކަމުގެ ބިރު ބޮޑުވެއްޖެ

އިންޑިއާއިން ނަގާފައިވާ 400 މިލިއަން ޑޮލަރުގެ ކަރަންސީ ސްވޮޕް ފެސިލިޓީގެ މުއްދަތު އިތުރުކުރަން ސަރުކާރުން އެދުނަސް، އެ ސްވޮޕްގެ އުސޫލުތައް ހުރިގޮތުން އެކަމަށް ހުރަސްތަކެއް އެބަހުރި. މި ފައިސާ އަނބުރާ ދައްކަން ޖެހިއްޖެނަމަ، ދާދި ފަހުން ސުކޫކަށް ފައިސާ ދެއްކުމުގެ ސަބަބުން މަދުވެފައިވާ ރާއްޖޭގެ ރިޒާވަށް އިތުރު ބޮޑު ގޮންޖެހުންތަކަކާ ކުރިމަތިވާނެ.

މި ރުޕީސް ފެސިލިޓީ ނެގިމުން، ބޭރު ފައިސާގެ ރިޒާވަށް ހުރި ފިއްތުންތަކަށް ކޮންމެވެސް ވަރެއްގެ ފަސޭހައެއް ލިބޭނެ އެވެ. މިހެނެއް ކަމަކު، މި މަހުގެ ކުރީކޮޅު ސުކޫކަށް 524 މިލިއަން ޑޮލަރު ދައްކާފަ އޮއްވާ، ޑޮލަރު ފެސިލިޓީއަށް ފައިސާ ދެއްކުމަކީ މާލީ ނިޒާމަށް މިހާރު ވެސް ހުރި ފިއްތުންތަކުގެ ޕްރެޝަރު އިތުރަށް ބޮޑު ވެގެން ދާނެ ކަމަކަށެވެ. 

އެންމެ ބޮޑު ނުރައްކަލަކީ ޑޮލަރު ސަޕްލައި މިހާރަށް ވުރެ ވެސް ތާށިވުމެވެ. މިއީ އިރާނު ހަނގުރާމައާ ގުޅިގެން ޓޫރިޒަމަށް އައިސްފައިވާ ހީނަރުކަމާއި ތެލުގެ އަގު އުފުލިފައިވާ ދަނޑިވަޅެއްގައި ނެގޭނެ ޝޮކެއް ނޫން ކަމަށް ގިނަ އިގުތިސޯދީ މާހިރުން ގަބޫލުކުރެ އެވެ. 

ސުކޫކު ދެއްކުމުގެ ކުރިން، މިދިޔަ މަސް ނިމުނުއިރު، ބޭނުންކުރެވޭ ރިޒާވުގައި 411 މިލިއަން ޑޮލަރު ހުއްޓެވެ. ނަމަވެސް އެ ފަހުން ރިޒާވުގައި ހުރި ވަރެއް ނޫނީ މިިހާރު ރިޒާވުގައި ހުރި ވަރެއް ނޭނގެ އެވެ. 

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox