ރާއްޖޭގެ ސްކޫލްތަކަށް ބާއްވަމުން އަންނަ ކުޅިވަރު މުބާރާތްތަކުގައި ބޭނުންކުރި އިންޓަ ސްކޫލްގެ ނަން، ރާއްޖެ ޖޫނިއާ ޗެމްޕިއަންޝިޕަށް ބަދަލުކޮށްފި އެވެ.
ރާއްޖޭގެ ހުރިހާ ކުޅިވަރު އެސޯސިއޭޝަންތަކުން މިހާތަނަށް ބޭނުންކުރަމުން އައީ އިންޓަ ސްކޫލްގެ ނަމެވެ. އެކަމަކު، މި އަހަރު ކުޅިވަރު އެސޯސިއޭޝަންތަކުގެ އަހަރީ ކަލަންޑަރާއި އެޑިއުކޭޝަން މިިނިސްޓްރީގެ އެކްޓިވިޓީ ކަލަންޑަރު އާންމުކުރިއިރު، އިންޓަ ސްކޫލްގެ ބަދަލުގައި ހުރިހާ ކުޅިވަރު މުބާރާތެއްގައި ބޭނުންކޮށްފައިވަނީ ރާއްޖެ ޖޫނިއާ ޗެމްޕިއަންޝިޕް އެވެ.
އެ ގޮތުން، ކަލަންޑަރު ކޮށްފައިވާ މުބާރާތްތަކަށް ބަލާއިރު، ރާއްޖެ ޖޫނިއާ ޝޫޓިން ޗެމްޕިއަންޝިޕް، ރާއްޖެ ޖޫނިއާ ވޮލީބޯލް ޗެމްޕިއަންޝިޕް، ރާއްޖެ ޖޫނިއާ ފުޓްބޯލް ޗެމްޕިއަންޝިޕް، ރާއްޖެ ޖޫނިއާ ބެޑްމިންޓަން ޗެމްޕިއަންޝިޕް، ރާއްޖެ ޖޫނިއާ ބެޑްމިންޓަން ޗެމްޕިއަންޝިޕް، ރާއްޖެ ޖޫނިއާ ކްެރިކެޓް ޗެމްޕިއަންޝިޕް، ރާއްޖެ ޖޫނިއާ ކެރަމް ޗެމްޕިއަންޝިޕް، ރާއްޖެ ޖޫނިއާ އެތުލެޓިކްސް ޗެމްޕިއަންޝިޕް، ރާއްޖެ ޖޫނިއާ ހޭންޑްބޯލް ޗެމްޕިއަންޝިޕް، ރާއްޖެ ޖޫނިއާ ނެޓްބޯލް ޗެމްޕިއަންޝިޕް، ރާއްޖެ ޖޫނިއާ ސްވިމިން ޗެމްޕިއަންޝިޕް، ރާއްޖެ ޖޫނިއާ ބާސްކެޓްބޯލް ޗެމްޕިއަންޝިޕް، ރާއްޖެ ޖޫނިއާ އެތުލެޓިކްސް މީޓް އަދި ރާއްޖެ ޖޫނިއާ ސާފިން ޗެމްޕިއަންޝިޕް ވަނީ ހިމަނައިފަ އެވެ.
"އަދަދު ސްޕޯޓްސް" އަށް މައުލޫމާތު ދިން ބައެއް އެސޯސިއޭޝަންތަކުން ވަނީ ރާއްޖޭގެ ކުޅިވަރުގެ ތާރީހާ ގުޅިފައިވާ އިންޓަ ސްކޫލް މުބާރާތްތަކުގެ އެ ނަމުގެ ބަދަލުގައި ރާއްޖެ ޖޫނިއާ ޗެމްޕިއަންޝިޕްގެ ނަމުގައި މުބާރާތް ކުރިއަށްގެންދިއުމާ މެދު ހިތްހަމަނުޖެހުންތަކެއް ހުރި ކަމަށް ބުނެފަ އެވެ.
ސްކޫލްތަކުގެ މެދުގައި ކުރިއަށްދާ މި މުބާާރާތްތައް ބޭއްވުމަށް އެޑިއުކޭޝަން މިނިސްޓްރީން ކުޅިވަރު އެސޯސިއޭޝަންތަކާ މަޝްވަރާ ކުރުމަށް ފަހު ނިންމާފައިވަނީ، އެކި ރީޖަންތަކަށް ބަހާލައިގެން މުބާރާތްތައް ކުރިއަށްގެންދާ ގޮތަށެވެ. އެހެންކަމުން، އަަހަރު ތެރޭގައި، އެކި ކުޅިވަރުތަކުގެ މުބާރާތްތައް އެކި ޒޯންތަކުގައި ކުރިއަށްދާނެ އެވެ.
އެޑިއުކޭޝަން މިނިސްޓްރީގެ ނިންމުމަކާހެދި ކުޅިވަރުގެ ކުރިމަގު ބަނަ
އިންޓަ ސްކޫލް މުބާރާތްތަކުގައި ބައިވެރިވެވޭނީ ގްރޭޑް 7 އިން މަތީގެ ދަރިވަރުންނަށް ކަމަށް އެޑިއުކޭޝަން މިނިސްޓްރީން ނިންމުމާ ގުޅިގެން، ކުދިން ކުޅިވަރުގެ ތެރެއިން ތަމްރީނުކުރުމަށް ގޮންޖެހުން ވަނީ ބޮޑުވެފައި. ކުޅިވަރު އެސޯސިއޭޝަންތަކުގެ އިސް ފަރާތްތަކުން "އަދަދު ސްޕޯޓްސް" އަށް ބުނީ މިއީ ކުޅިވަރުގެ މުސްތަގުބަލަށް ބޮޑު ދެރައެއް ލިބޭ ނިންމުމެއް ކަމަށް
ރާއްޖެ ޖޫނިއާ ޗެމްޕިއަންޝިޕް ކުރިއަށްދާނީ، 14 އަހަރުން މަތީގެ އުމުރުފުރާ އަށެެވެ. އެއީ، 14 އަހަރުން ދަށް، 16 އަހަރުން ދަށް، 17 އަހަރުން ދަށް އަދި 19 އަހަރުން ދަށަށެވެ. އެ ގޮތުން، 14 އަހަރުން ދަށުގެ އުމުރުފުރާގައި ވާދަކުރެވޭނީ ގްރޭޑް 7 އިން މަަތީގެ ދަރިވަރުން ކަމަށް ވެސް ވަނީ ނިންމައިފަ އެވެ.
މިދިޔަ މަހުގެ 29 ވަނަ ދުވަހު އެޑިއުކޭޝަން މިނިސްޓްރީގެ ސާކިއުލާ ސިޓީއެއްގައި ބުނެފައިވަނީ، އިންޓަ ސްކޫލް ލެވަލްގައި، "14 (ސާދަ) އަހަރުން ދަށުގެ އުމުރުފުރާގައި ބައިވެރިވާނީ ގްރޭޑް 7 އިން ފެށިގެން މަތީގެ ދަރިވަރުންނެވެ" މިހެނެވެ.
އެޑިއުކޭޝަން މިނިސްޓްރީގެ މި ނިންމުމާ އެކު، ގްރޭޑް 7 އިން ދަށަށް އިންޓަ ސްކޫލްގެ މުބާރާތްތައް ބޭއްވުމުގެ ފުރުސަތު އެސޯސިއޭޝަންތަކަށް ގެއްލުނީ އެވެ. އަދި، އިންޓަ ސްކޫލް މުބާރާތްތައް މީގެ ކުރިން ބާއްވަމުން އައި 12 އަހަރުން ދަަށުގެ ކެޓަަގަރީ ފަދަ މުހިންމު އުމުރުފުރާއެއްގައި، އަދި އޭގެއިން ދަށް އުމުރުގެ ކުދިން ކުޅިވަރު ކުޅުންތެރިން ގޮތަށް ޑިވެލޮޕްކުުރުމުގެ ފުރުސަތު ކުޅިވަރު އެސޯސިއޭޝަންތަކަށް ގެއްލިދިޔައީ އެވެ.
