ރަސްމީ ބައްދަލުވުމެއްގައި އެކުވެރިއަކާއި އަނބިކަނބަލުން ބައިވެރިނުކުރާ ކަމަށް ވިދާޅުވެ ޕްރިޒަންސް ކޮމިޝަނަރު ޒަރީރު ހެއްދެވީ ދޮގެއް

ޕްރިޒަންސް ކޮމިޝަނަރުކަމުގެ ފަތްކޮޅާ ޒަރީރު ހަވާލުވަނީ --- ފޮޓޯ: ރައީސް އޮފީސް

ޕްރިޒަންސް ކޮމިޝަނަރުކަމުގެ ފަތްކޮޅާ ޒަރީރު ހަވާލުވަނީ --- ފޮޓޯ: ރައީސް އޮފީސް

މޯލްޑިވްސް ކަރެކްޝަނަލް ސާވިސްގެ ރަސްމީ ބައްދަލުވުމެއްގައި އެކުވެރިއަކާއި އަނބިކަނބަލުން ބައިވެރިނުކުރައްވާ ކަމަށް ވިދާޅުވެ ޕްރިޒަންސް ކޮމިޝަނަރު، ހަސަން ޒަރީރު ހެއްދެވީ ދޮގެއްކަން ހާމަވެއްޖެ އެވެ.

ޒަރީރުގެ އަނބިކަނބަލުންނާއި ޒަރީރުގެ އެކުވެރިއެއް ކަމަށްވާ އަހުމަދު މުހައްމަދު، ސޫރަޖު، ދ. މީދޫ ބައިވެރިކޮށްފައި ވަނީ ނޮވެމްބަރު 2024 ގައި ތައިލެންޑަށް ކުރި ރަސްމީ ދަތުރެއްގައި ބޭއްވި ބައްދަލުވުމެއްގަ އެވެ. އެ ދަތުރަކީ ތައިލެންޑުގެ ޑިޕާޓުމެންޓު އޮފް ކަރެކްޝަންސްގެ ދައުވަތަކަށް ޒަރީރު އާއި ރާއްޖޭގެ ޖަލުތަކުގެ އިސްވެރިން ކުރި ދަތުރެކެވެ.

ކަރެކްޝަންސްގެ ރަސްމީ ދަތުރެއްގައި ޒަރީރުގެ އަނބިކަނބަލުންނާއި އެކުވެރިއަކު ބައިވެރިކޮށްފި

ކޮމިޝަނާ އޮފް ޕްރިޒަންސް ހަސަން ޒަރީރު މިދިޔަ އަހަރު ތައިލެންޑަށް ކުރެއްވި ރަސްމީ ދަތުރެއްގައި، އޭނާގެ އަނބިކަނބަލުންނާއި އަމިއްލަ އެކުވެރިއަކު ބައިވެރިކޮށްފި. މި ދަތުރުގެ ރަސްމީ ބައްދަލުވުންތަކުގައި އެ ދެ ބޭފުޅުން ބައިވެރިވިކަން ފޮޓޯތަކުން އެނގެން އޮތް ނަމަވެސް، ޒަރީރު ވަނީ އެކަން ދޮގުކުރައްވައިފައި

ކަރެކްޝަންސްއިން ތައިލެންޑަށް ކުރި ދަތުރެއްގައި، ބޭއްވި ރަސްމީ ބައްދަލުވުމެއްގައި އަހުމަދު އާއި ޒަރީރުގެ އަނބިކަނބަލުން ބައިވެރިކޮށްފައި ވާނެތޯ ސުވާލުކުރުމުން ޒަރީރު ވަނީ އެކަން ދޮގުކުރައްވައިފަ އެވެ.

"އަޅުގަނޑުމެން ޖެހޭނީ ބަލައިލަން އިނގޭތޯ؟ ރަސްމީ ދަތުރެއްގައި ނުހުންނާނެ އެއްވެސް ރަހުމަތްތެރިއަކު ބައިވެރިވެފަކާ ރަސްމީ ކަމެއްގައި އިނގޭތޯ؟،" ޒަރީރު ވިދާޅުވި އެވެ.

ޒަރީރު އެހެން ވިދާޅުވި ނަމަވެސް، އެއީ ހަގީގަތެއް ނެތް ވާހަކައެއްކަން މި ނޫހަށް ލިބުނު މައުލޫމާތުން އެނގެ އެވެ. ޒަރީރުގެ އަނބިކަނބަލުންނާއި އަހުމަދު، ކަރެކްޝަންސްގެ އިސްވެރިންތަކަކާއެކު ތައިލެންޑުގައި ކުރިއަށް ގެންދިޔަ ބައްދަލުވުމުގެ މައުލޫމާތު، ތައިލެންޑުގެ ޗިއަންގްމައި ސެންޓްރަލް ޕްރިޒަންއިން ސޯޝަލްމީޑިއާގައި ޕޯސްޓުކޮށްފައިވެ އެވެ. މި ނޫހަށް ލިބުނު ފޮޓޯގެ އިތުރުން، ބައެއް އެހެން ފޮޓޯތައް ވެސް އެ ޕޯސްޓުގައި ހިމެނެ އެވެ.

މޯލްޑިވްސް ކަރެކްޝަންސް ސާވިސްއިން 2024 ގައި ކުރި ރަސްމީ ދަތުރެއްގެ ތެރެއިން، ތައިލެންޑުގެ ޖަސްޓިސް މިނިސްޓަރާއެކު ބޭއްވި ރަސްމީ ބައްދަލުވުމެއްގައި ޒަރީރުގެ އަނބިކަނބަލުންނާއި ޒަރީރުގެ އެކުވެރިއެއް ކަމަށްވާ އަހުމަދު މުހައްމަދު ބައިވެރިވާ މަންޒަރު ފެންނަ ފޮޓޯއެެއް -- ފޮޓޯ: ޗިއަންގްމައި ސެންޓްރަލް ޕްރިޒަން
މޯލްޑިވްސް ކަރެކްޝަންސް ސާވިސްއިން 2024 ގައި ކުރި ރަސްމީ ދަތުރެއްގެ ތެރެއިން، ތައިލެންޑުގެ ޖަސްޓިސް މިނިސްޓަރާއެކު ބޭއްވި ރަސްމީ ބައްދަލުވުމެއްގައި ޒަރީރުގެ އަނބިކަނބަލުންނާއި ޒަރީރުގެ އެކުވެރިއެއް ކަމަށްވާ އަހުމަދު މުހައްމަދު ބައިވެރިވާ މަންޒަރު ފެންނަ ފޮޓޯއެެއް -- ފޮޓޯ: ޗިއަންގްމައި ސެންޓްރަލް ޕްރިޒަން
މޯލްޑިވްސް ކަރެކްޝަންސް ސާވިސްއިން 2024 ގައި ކުރި ރަސްމީ ދަތުރެއްގެ ތެރެއިން، ތައިލެންޑުގެ ޖަސްޓިސް މިނިސްޓަރާއެކު ބޭއްވި ރަސްމީ ބައްދަލުވުމެއްގައި ޒަރީރުގެ އަނބިކަނބަލުންނާއި ޒަރީރުގެ އެކުވެރިއެއް ކަމަށްވާ އަހުމަދު މުހައްމަދު ބައިވެރިވާ މަންޒަރު ފެންނަ ފޮޓޯއެެއް -- ފޮޓޯ: ޗިއަންގްމައި ސެންޓްރަލް ޕްރިޒަން

ނޮވެމްބަރު 29، 2024 ގައި އެ ބައްދަލުވުން ބާއްވާފައި ވަނީ ތައިލެންޑުގެ ޗިއަންގްމައި ވިމެން ކަރެކްޝަނަލް އިސްޓިޓިއުޝަންގަ އެވެ. އެ ބައްދަލުވުމުގައި ޗިންގްމައި މައި ސެންޓްރަލް ޕްރިޒަންގެ ކޮމާންޑަރު، ސަމްރަތު ހެމްސިރީ އާއި ޗިންގްމައި ޕްރޮވިންސްގެ މިނިސްޓްރީ އޮފް ޖަސްޓިސް ކޯޕަރޭޝަންގެ ބޭފުޅުންގެ އިތުރުން އެ ޕްރޮވިންސްގެ ޕޮލިސް މޭޖާ ވެސް ބައިވެރިވެވަޑައިގެންނެވި އެވެ.

އެ ބައްދަލުވުމުގެ ތެރެއިން، ޒަރީރުގެ އަނބިކަނބަލުންނަށް، ތައިލެންޑުގެ އޭރުގެ ޖަސްޓިސް މިނިސްޓަރު، ތަވީ ހަދިޔާއެއް ދެއްވާ މަންޒަރު ފެންނަ ފޮޓޯއެެއް ވެސް ޕޯސްޓުކޮށްފައިވެ އެވެ.

ޒަރީރު ވަނީ މީގެ ކުރިން، މެލޭޝިއަން ޕްރިޒަންސް ޑިޕާޓުމެންޓާއެކު މަޝްވަރާ ބައްދަލުވުމެއް ބޭއްވުމަށާއި އަމަލީ ތަޖުރިބާ ހޯދުމަށްޓަކައި މެލޭޝިއަން ޕްރިޒަންސްއިން ބަލަހައްޓަމުން ގެންދާ ޖަލަކަށް ޒިޔާރަތް ކުރުމަށް 2024 ވަނަ އަހަރު ކުރި ރަސްމީ ދަތުރެއްގައި ވެސް އޭނާގެ އަނބިކަނބަލުން ބައިވެރިކޮށްފަ އެވެ. އެކަން އެނގުނީ މެލޭޝިއަން ޕްރިޒަންސް ޑިޕާޓުމެންޓުން ސޯޝަލްމީޑިއާގައި ޕޯސްޓުކުރި ފޮޓޯތަކުންނެވެ.

ކަރެކްޝަންސްގެ ރަސްމީ ދަތުރުތަކުގައި ޒަރީރުގެ އަނބިކަނބަލުންނާއި އޭނާގެ އެކުވެރިއަކު ބައިވެރިކޮށްފައިވާއިރު، ރަސްމީ ހައިސިއްޔަތު ނަަހަމަގޮތުގައި ބޭނުންކުރުމަކީ ދިވެހިރާއްޖޭގެ ގާނޫނުލްއުގޫބާތުގައި ކުށެއް ކަމަށް ކަނޑައަޅާފައިވާ އަމަލެކެވެ.

ގާނޫނުލްއުގޫބާތުގެ 513 ވަނަ މާއްދާެގެ (ށ) ގައި ބަޔާން ކޮށްފައި އޮންނަނީ ދައުލަތުގެ މުވައްޒަފެއްގެ ހައިސިއްޔަތުން އޭނާއަށް ލިބިފައިވާ ރަސްމީ ހައިސިއްޔަތުގެ ނުވަތަ އެ ހައިސިއްޔަތުގެ ނުފޫޒު ނަހަމަގޮތުގައި ބޭނުންކުރުން އަދި ތިމާއަށް ނުވަތަ އޭގެ ފައިދާ ލިބެން ނުޖެހޭ މީހަކަށް މަންފާއެއް ހޯދައިދިނުމުގެ މަގުސަދުގައި، އެކަން ކުރުމަކީ ޖިނާޔަތުގެ ހަތަރު ވަނަ ދަރަޖައިގެ ކުށެއް ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox