އެގްރިކަލްޗާ އެންޑް އެނިމަލް ވެލްފެއާގެ މިނިސްޓަރުގެ މަގާމުން މަރިޔަމް މާރިޔާ މިއަދު އިސްތިއުފާ ދެއްވައިފި އެވެ.
އޭނާއަކީ ރައީސް މުހައްމަދު މުއިއްޒުގެ ސަރުކާރުން މިއަދު މަގާމުން އިސްތިއުފާ ދެއްވި ހަވަނަ ވަޒީރެވެ. މި ހުރިހާ ވަޒީރުން ވެސް އިސްތިއުފާ ދިނީ ރައީސް މުހައްމަދު މުއިއްޒު އަންގަވައިގެންނެވެ.
އިސްތިއުފާ ދިން ވަޒީރުން
- ފޮރިން މިނިސްޓަރު އަބްދުالله ހަލީލު
- ސޯޝަލް އެންޑް ފެމިލީ ޑިވެލޮޕްމަންޓު މިނިސްޓަރު ޑރ. އައިޝަތު ޝިހާމް
- ޑިފެންސް މިނިސްޓަރު ގައްސާން މައުމޫން
- ލޯކަލް ގަވަމެންޓް މިނިސްޓަރު އާދަމް ޝަރީފް
- ހެލްތު މިނިސްޓަރު އަބްދުالله ނާޒިމް
- އެގްރިކަލްޗާ މިނިސްޓަރު މަރިޔަމް މާރިޔާ
ސަރުކާރުން ކެބިނެޓަށް ބޮޑެތި ބަދަލުތަކެއް މި ގެންނަނީ އެޕްރީލް ހަތަރެއްގައި ބޭއްވި އިންތިހާބުތަކުގައި ބޮޑު ނާކާމިޔާބީއާ ކުރިމަތިވުމުންނެވެ. ކެބިނެޓާއި ސަރުކާރުގެ ބައެއް ކުންފުނިތަކުގެ ވެރިންގެ މަގާމުތަކަށް ވެސް ބަދަލުތަކެއް ވަނީ ގެނެސްފަ އެވެ.
Advertisement
މި ސަރުކާރުގައި އެންމެ ފުރަތަމަ މާރިޔާ އަދާކުރެއްވީ ހަޔާ އެޑިއުކޭޝަން މިނިސްޓަރުގެ މަގާމެވެ. އޭނާ އެގްރިކަލްޗާ މިނިސްޓްރީއާ ހަވާލުވީ 2024 ވަނަ އަހަރުގެ ޑިސެމްބަރު މަހުގެ ތެރޭގަ އެވެ.
