ހައްލު ހޯދުނީ ސިމެންތި ހުސްވި ފަހުން، ހަނގުރާމަ ކޮމިޓީގެ މަގުސަދު ކޮބާ؟

އިކޮނޮމިކް މިނިސްޓަރު މުހައްމަދު ސައީދު

އިކޮނޮމިކް މިނިސްޓަރު މުހައްމަދު ސައީދު

މި އަހަރު ފެށުނީއްސުރެން ސިމެންތި، އާއި، ހިލަ އާއި ހިލަވެލި، ބާޒާރުން ލިބުން ދައްޗެވެ. މިއީ މެދުއިރުމަތީގައި ހަނގުރާމަ ފެށުމުގެ ކުރިން ވެސް ދިމާވެގެން އުޅުނު މައްސަލައެކެވެ. ހަނގުރާމަ އައުމުން އިހުނަށް ވުރެ ގޯސްވީ އެވެ.

މިއީ މި އަހަރު ފެށުނީއްސުރެން އާންމުވެފައި އޮތް މައުލޫމާތެއް ނަމަވެސް، ސަރުކާރަށް  މިކަން ފާހަގަވީ، ސިމެންތި ބަސްތާއެއްގެ އަގު 300ރ. އިން މައްޗަށް އުފުލުނު ފަހުންނެވެ. މި މައްސަލަ ހައްލުވީ އެ އަގުގައި ވެސް ވިޔަފާރިތަކަށް ސިމެންތި އާންމުކޮށް ގަންނަން ނުލިބުމުގެ ހާލަތު މެދުވެރިވީތާ ދުވަސްތަކެއް ފަހުންނެވެ. 

މިހާރު ސަރުކާރުން ވަނީ، އެސްޓީއޯގެ މިހާރުގެ ސަޕްލަަޔަރު އަތުން ނުލިބިއްޖެ ހާލަތެއްގައި ސަޕްލައިކޮށްދޭން އިތުރު ހަތަރު ސަޕްލަޔަރުން ހޯދާފަ އެވެ. މި ވަގުތަށް މައްސަލަ ހައްލުކޮށްފަ އެވެ.

Advertisement

ސަރުކާރުން މިހާރު މި މައްސަލަ ހައްލުކުރި ކަމަށް ބުނެ ޔަގީންކަން ދިން ނަމަވެސް ރެކޯޑު އަދަދުތަކަށް އަގު އުފުލުނު ފަހުން، ސިމެންތި މައްސަލައަށް ހައްލެއް ހޯދަން ޖެހުނީ ކީއްވެގެންތޯ މިއީ "ހަނގުރާމަ ކޮމިޓީ" އިން ޖަވާބު ބޭނުންވާ ސުވާލެކެވެ. 

ސަބަބަކީ ހައްލު ހޯދުމަކީ ރައީސް މުހައްމަދު މުއިއްޒުގެ "ދުރު ވިސްނުންފުޅާ، ލަފާފުޅާ، އިރުޝާދުގެ" ދަށުން އުފެއްދެވި މި ކޮމިޓީގެ މައިގަނޑު މަގުސަދު ކަމަށްވުމެވެ.

އެމެރިކާ އާއި އިޒްރޭލުން އިރާނަށް ބޮން އަޅަން ފެށިތާ ހަ ގަޑިއިރު ތެރޭގައި މުއިއްޒު އުފެއްދެވި ކަމަށް ބުނާ މި ކޮމިޓީގެ ބޭނުމަކީ މެދުއިރުމަތީގައި ހިނގަމުންދާ ހަމަނުޖެހުންތަކާ ގުޅިގެން، ރައްޔިތުންނަށް ކުރިމަތިވެދާނެ ދަތިތަކާއި، ކުރިމަތިވެދާނެ ކަންކަން ހައްލުކުރަން އަޅަން ޖެހޭ ފިޔަވަޅުތައް އެޅުމެވެ.

މާނައަކީ، ކަމެއް ދިމާ ވުމުގެ ކުރިން އެކަމެއް ދެނެގަނެ ދުރާލާ ހައްލު ހޯދުމެވެ.  އިމާރާތްކުރުމުގެ ސިނާއަތުން މި ތާށިކަމަށް ބޮޑު އަގެއް ދެއްކި ފަހުން މައްސަލައަށް ހައްލެއް ހޯދުމުން، މި ކޮމިޓީގެ މަގުސަދު ހާސިލުވީތޯ ސުވާލު އުފެދެ އެވެ.

ވަކިން ހާއްސަކޮށް، އިމާރާތްކުރުން ކަހަލަ އަސާސީ ސިނާއަތްތަކަށް ދިމާވެދާނެ މިފަދަ ކަންކަން ދުރާލަ ދެނެގަނެ، ފިޔަވަޅު ނޭޅީތީ، ކޮމިޓީގައި ތިއްބެވި ވަޒީރުންގެ ގާބިލު ކަމާ މެދު ވެސް ސުވާލު އުފެދެ އެވެ.

ކޮންސްޓްރަކްޝަން އިންޑަސްޓްރީއަކީ ރާއްޖޭގެ ޖީޑީޕީގެ 5.5 ޕަސެންޓެވެ. މި ސިނާއަތުގެ ހަރަކާތްތެރިކަން އިތުރުވުމަކީ މުޅި އިގުތިސޯދުގެ ދުވެލި ވަޒަންކުރަން ރަނގަޅު މިންގަނޑެކެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox