ހަމަޖެހިލައިގެން ތިއްބާ މާދަމާ ވެސް ހުދުމުހުތާރު ކަމަށް ރާއްޖެ އެނބުރިދާނެކަމުގެ އިންޒާރު ނަޝީދު ދެއްވައިފި

Mar 29, 2026, 3:31 PM
ރައީސް ނަޝީދު އައްޑޫގައި ހަރަކާތްތެރިވެވަޑައިގަންނަވަނީ: ވިދާޅުވީ ބޭނުންވެވަޑައިގަންނަވަނީ އާ ޖީލަކަށް ފުރުސަތު ދެއްވުމަށް ކަމަށް -- ފޮޓޯ: އެމްޑީޕީ

ރައީސް ނަޝީދު އައްޑޫގައި ހަރަކާތްތެރިވެވަޑައިގަންނަވަނީ: ވިދާޅުވީ ބޭނުންވެވަޑައިގަންނަވަނީ އާ ޖީލަކަށް ފުރުސަތު ދެއްވުމަށް ކަމަށް -- ފޮޓޯ: އެމްޑީޕީ

ޑިމޮކްރަސީ ރާއްޖެއަށް ގެނެވިއްޖެ ކަމަށް ހީވެ، ހަމަޖެހިލައިގެން ތިއްބާ މާދަމާ ވެސް ހުދުމުހުތާރު ކަމަށް ގައުމު އެނބުރިދާނެ ކަމަށް ކުރީގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.

އައްޑޫއަށް ވަޑައިގެން އެ ސިޓީގައި މޯލްޑިވިއަން ޑިމޮކްރެޓިކް ޕާޓީ އިން ހުޅުވާފައިވާ ޖަގަހައެއް ކައިރީ ވާހަކަ ދައްކަވަމުން ނަޝީދު ވިދާޅުވީ، އަބަދަށް އޮންނާނެ މިނިވަންކަމެއް ރާއްޖެއަށް ގެނެވިއްޖެ ކަމަށް ހީކުރުމަކީ ގޯހެއް ކަމަށެވެ.

"ބަދަލުތައް ގެނައުމަށް ކުރާ މަސައްކަތް ހުއްޓާލާކަށް ނުވޭ. ހުދުމުހުތާރުކަމަށް ރާއްޖެ އެނބުރިދާނެ ކިތަންމެ އަވަހަކަށް ވެސް. ހަމަ މާދަމާ ވެސް. ހިތަށް ނުގެންނަވާތީ ތާއަބަދަށް އޮންނަ މިނިވަންކަމުގެ ޑިމޮކްރެޓިކް ރޫހެއް އަޅުގަނޑުމެންގެ ތެރެއަށް، މި ރާއްޖެއަށް ތައާރަފް ކުރެއްވިއްޖެޔޭ،" ނަޝީދު ވިދާޅުވި އެވެ.

ނަޝީދު ވިދާޅުވީ، އިސްލާހީ މަސައްކަތާ ދުރުގައި ހުންނެވުމަށް އެމަނިކުފާނަށް ބައެއް ފަހަރު ވިސްނިވަޑައިގަންނަވާ ކަމަށެވެ. ނަމަވެސް ރަނގަޅު ގޮތަކީ އަބަދުވެސް މަސައްކަތް ކުރުން ކަމަށް ނަޝީދު ވިދާޅުވި އެވެ.

"އެހެންވީމާ ދެން، ދޮށީ އުމުރުގައި އަޅުގަނޑު ވެސް މިހާރު ފަސްދޮޅަހަށް ދަނީ، ހިތަށް އަރާ ބައެއް ފަހަރު ދެން މިކަމާ ވެސް އުޅެވިއްޖެ ނޫންހޭ،" އެމަނިކުފާނު ވިދާޅުވި އެވެ.

ދެން އޮންނަ ރިޔާސީ އިންތިހާބަކަށް ކުރިމަތިނުލައްވާނެ ކަމަށް ނަޝީދު ވިދާޅުވެފައިވާ ވާހަކަ އެމަނިކުފާނު ވަނީ މިއަދު އައްޑޫގައި ވެސް ތަކުރާރު ކުރައްވައިފަ އެވެ. ނަޝީދު ވިދާޅުވީ މިހާރު ބޭނުންވެވަޑައިގަންނަވަނީ ޒުވާން ޖީލަކަށް ފުރުސަތު ދެއްވައި، އެހީތެރިވެވަޑައިގަތުމަށް ހުންނެވުމަށް ކަމަށެވެ.

"އަޅުގަނޑު ނޫޅެން ކުރިމަތިލާކަށް ކަމަކަށް. އަޅުގަނޑު އެދެނީ އާ ޖީލެއް ކަންކަމަށް ނުކުންނަން. އަޅުގަނޑު ނޭދެން ކުރީގެ ރައީސުން ކުރިމަތިލާކަށް. އަޅުގަނޑު އެދެނީ އާ ޖީލެއް އަނެއްކާ ވެސް ނުކުންނަން އާ ބަޔަކު ނުކުމެ އަޅުގަނޑުމެން އޭގެ ފަހަތުގައި ތިބެން،" އެމަނިކުފާނު ވިދާޅުވި އެވެ.

ތިމާވެއްޓަށް މަސައްކަތް ކުރާ ޖަމިއްޔާއެއް ކަމަށްވާ ސީވީއެފްގެ ސެކްރެޓަރީ ޖެނެރަލްގެ މަގާމު އަދާ ކުރެއްވުމަށް ނަޝީދު ދިރިއުޅުއްވަނީ އެފްރިކާގެ ގާނާގަ އެވެ. މިދުވަސްވަރު ރާއްޖެ ވަޑައިގެން އުޅުއްވަނީ އަންނަ ހޮނިހިރު ދުވަހު ބާއްވަން ހަމަޖެހިފައިވާ ލޯކަލް ކައުންސިލް އިންތިހާބާއި ފެންނަ ނުފެންނަ ވޯޓަށް ކެމްޕެއިން ކުރެއްވުމަށެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox