އައްޑޫ ބްރިޖާ ގުޅޭ މައުލޫމާތު ރައީސް އޮފީހުން ނުދިން

އައްޑޫ ބްރިޖާ ގުޅޭ މައުލޫމާތު ރައީސް އޮފީހުން ނުދިން

އައްޑޫ ސިޓީގެ ހިތަދޫ އާއި މީދޫ ގުޅާލުމަށް ސަރުކާރުން ކުރިއަށްގެންދަން ނިންމާފައިވާ ބްރިޖު މަޝްރޫއާ ގުޅޭ މުހިންމު މައުލޫމާތުތަކެއް ހޯދުމަށް ރައީސް އޮފީހަށް ހުށަހެޅުމުން، އެ މައުލޫމާތު ދިނުމުގެ ބަދަލުގައި އެ ހުށަހެޅުން މިނިސްޓްރީ އޮފް ކޮންސްޓްރަކްޝަން އެންޑް އިންފްރާސްޓްރަކްޗާއަށް ބަދަލުކޮށްފި އެވެ.

މައުލޫމާތު ހޯދުމުގެ ހައްގުގެ ގާނޫނުގެ ދަށުން އަދަދު ނޫހުން ރައީސް އޮފީހަށް ހުށަހެޅި މި އާރުޓީއައި ފޯމުގައި މައިގަނޑު ތިން ސުވާލެއް ކޮށްފައިވެއެވެ. އެއީ؛

  1. އައްޑޫ ބްރިޖުގެ މަސައްކަތް މިހާރު ކުރިއަށް ގޮސްފައި ވަނީ ކިހާ ވަރަކަށްތޯ؟
  2. އެ ބްރިޖުގެ އަމަލީ މަސައްކަތް ފަށާނީ ކޮން އިރަކުތޯ؟
  3. އެ ބްރިޖުގެ މަޝްރޫއަށް ޖުމްލަ ހޭދަވަނީ ކިހާ ވަރެއްތޯ؟

ރައީސް މުހައްމަދު މުއިއްޒުގެ މި ރިޔާސީ ވައުދާ ގުޅޭ މި ސުވާލުތަކަށް ޖަވާބު ދިނުމުގެ ބަދަލުގައި، ރައީސް އޮފީހުން އަންގާފައިވަނީ އެ ހުށަހެޅުން މިހާރު އިންފްރާސްޓްރަކްޗާ މިނިސްޓްރީއަށް ބަދަލުކޮށްފައިވާ ކަމަށެވެ. ގާނޫނު ބުނާގޮތުން އެ އިދާރާއެއްގައި ނެތް މައުލޫމާތެއް ހޯދަން ހުށަހަޅައިފިނަމަ، އެ މައުލޫމާތެއް އޮތް އިދާރާއަކަށް އެ ހުށަހެޅުން ބަދަލުކުރަން ޖެހެއެވެ.

Advertisement

ނަމަވެސް، މިފަދަ ބޮޑެތި މަޝްރޫއުތަކުގެ އަޕްޑޭޓުތަކާއި ކުރިއަށްދާ މިންވަރުގެ ތަފްސީލުތައް އެންމެ ގިނައިން ރައްޔިތުންނަށް ހިއްސާކުރައްވަނީ މުއިއްޒު އެވެ. އެހެންވެ، މިއީ ރައީސް އޮފީހުގައި ހުންނާނެ މައުލޫމާތެކެވެ.

އެ ބްރިޖުގެ މަސައްކަތުގެ ހުރިހާ ކުރެހުންތަކާއި ހުރިހާ ފަންނީ މައުލޫމާތަކާ އެއްކޮށް ތިން އޮޕްޝަނަކަށް ޑިޒައިން ހަދާފައި ސަރުކާރަށް ހުށައަޅަން ޗައިނާގެ ޓީވައިލިން އިންޓަނޭޝަނަލްއާ ހަވާލުކޮށްފައިވާ ކަމަށް މުއިއްޒު ވިދާޅުވީ މިދިޔަ އަހަރުގެ ނޮވެމްބަރުގައި އައްޑޫ އަށް ކުރެއްވި ދަތުރުގަ އެވެ.

މުއިއްޒުގެ ރިޔާސީ ވައުދުގެ ތެރޭގައި ހިމެނޭ އައްޑޫ ބްރިޖްގެ މަސައްކަތް ވެރިކަމުގެ 100 ދުވަހުގެ ތެރޭގައި ފަށަން ސަރުކާރުގެ "ހަފްތާ 14" ގެ ރޯޑްމެޕްގައި ވެސް ހިމެނި އެވެ. ނަމަވެސް މިހާތަނަށް ވެސް އެ ބްރިޖްގެ އަމަލީ މަސައްކަތް ފެށިފައެއް ނުވެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox