އޮޑި އަށް ގައުމީ ތަށި، ޝަފީއުގެ ކެރިއަރުގެ ހާއްސަ އުސްއައްޔެއް!

ރޭގެ ފައިނަލް މެޗުގެ ތެރެއިން ޝަފީއު ޕެނަލްޓީއެއް މަތަކުރުމަށް ފަހު އުފާފާޅުކުރަނީ.---- ފޮޓޯ: އަދަދު ސްޕޯޓްސް / އިމޭޖަސް،އެމްވީ

ރޭގެ ފައިނަލް މެޗުގެ ތެރެއިން ޝަފީއު ޕެނަލްޓީއެއް މަތަކުރުމަށް ފަހު އުފާފާޅުކުރަނީ.---- ފޮޓޯ: އަދަދު ސްޕޯޓްސް / އިމޭޖަސް،އެމްވީ

ރާއްޖޭގެ އެންމެ ގިނަ ދުވަސްވީ ފުޓްބޯޅަ މުބާރާތް، ޕްރެޒިޑެންޓްސް ކަޕްގެ ޗެމްޕިއަންކަން، އޮޑި ސްޕޯޓްސް ކްލަބުން ރޭ ހޯދިއިރު، މެޗުގެ މޮޅު ކުޅުންތެރިޔާ، އެ ޓީމުގެ ގޯލްކީޕަރު، މުހައްމަދު ޝަފީއު (ޗެކް) އަށް ލިބުމުން އެކަމާ ދެބަސްވާނެ އެއްވެސް ފަރާތެއް ނުހުންނާނެ އެވެ. މި ސީޒަނުގައި މެޗަކުން ބަލިނުވެ އޮތް މާޒިޔާ ސްޕޯޓްސް އެންޑް ރެކްރިއޭޝަން މޮޅުވާން ފުރުސަތު ލިބިފައި އޮއްވައި، އެ ޓީމުގެ ހަތަރު ވަނަ ޕެނަލްޓީ އާއި ފަސް ވަނަ ޕެނަލްޓީ ދިފާއުކޮށް، އޮޑި އަށް ދިރުމެއް ގެނެސްދިނީ ކީޕަރު ޝަފީއު އެވެ.

ގަލޮޅު ދަނޑުގައި ރޭ ކުޅުނު ފައިނަލް މެޗު ފަށައިގެން ހަތަރު ވަނަ މިނިޓްގައި ނާއިޒު ހަސަން (ދާދު) ވަނީ މާޒިޔާ އަށް ލީޑުނަގައިދީފަ އެވެ. އޮޑިން އެއްވަރުކުރީ 14 ވަނަ މިނިޓްގައި، އޭރިއާތެރެއިން، އޮޑީގެ އިނގިރޭސި ފޯވާޑް، ކިއާނޫ މާޝް ބްރައުން ޖެހި ގޯލުންނެވެ.

Advertisement

"މޮޅުވީމަ އަލްހަމްދުލިއްލާހި، އަހަރެމެން އެންމެ ބޭނުންވި ގޮތަކަށް ނޫން ދިޔައީ ފެށުން، އެއީ ވަރަށް ކުރީކޮޅުގައި ގޯލެއް ވަނީމަ، އަސްލު ބޭނުންވީ ކޮޅު ފުރަތަަމަ ހިފަހައްޓަން، އަލްހަމްދުލިއްލާހި ވަރަށް ކުރީބައިގައި އެއްވަރުކުރެވުނީމަ ގޭމް ތެރެއަށް ވަދެވިގެން ރަނގަޅަށް އަހަރެމެންނަށް ޕާފޯމްކުރެވިގެން ވަރަށް ހިތްހަމަޖެހިގެން ކުޅުނު މެޗެއް މިއީ،" ރޭގެ މެޗަށް ފަހު، "އަދަދު ސްޕޯޓްސް" އަށް ދިން އިންޓަވިއުއެއްގައި ކީޕަރު ޝަފީއު ބުންޏެވެ.

ރޭގެ މެޗު 1-1 އިން އެއްވަރުވެ، ނަތީޖާ ނެރެން ޕެނަލްޓީ ޖަހަން ޖެހުނުއިރު، އޮޑިން ފުރަތަމަ ތިން ޕެނަލްޓީގެ ތެރެއިން ދެ ޕެނަލްޓީ ވަނީ ނާކާމިޔާބުވެފަ އެވެ. އެއީ، އިބްރާހިމް ވަހީދު ހަސަން (އިއްބެ) އާއި މުހައްމަދު ރަޝީދު (ހޮކޭ) ފޮނުވާލި ޕެނަލްޓީ އެވެ. މާޒިޔާގެ އަޒަރުބަައިޖާން ޑިފެންޑަރު، ނާޒިމް މަމަދުޒާދާ ފޮނުވާލި ޕެނަލްޓީ ކީޕަރު ޝަފީއު މަތަކުރި ނަމަވެސް، އޭނާ އެ ބޯޅަ ހުއްޓުވީ، މާ އަވަހަށް ކުރިއަށް ނުކުމެ ކަމަށްވާތީވެ، އަލުން ޖަހަން ދިނުމުން ނާޒިމް ޕެނަލްޓީ ވައްދާލި އެވެ.

ގައުމީ ތަށި ދިފާއުކުރަން މާޒިޔާ އަށް ދެ ފަހަރެއްގައި ފުރުސަތު އޮތެވެ. އެއީ، ހަތަރު ވަަނަ ޕެނަލްޓީ ޖަހަން ދިޔަ އިބްރާހިމް އައިސަމް އާއި ފަސް ވަނަ ޕެނަލްޓީ ފޮނުވާލި އަހުމަދު އައިހަމް (ފަތޯ)، މި ދެ ކުޅުންތެރިންގެ ތެރެއިން އެއް ކުޅުންތެރިއަކު ޕެނަލްޓީ ކާމިޔާބުކޮށްގެންނެވެ. އެ ދެ ޕެނަލްޓީ ވެސް ކީޕަރު ޝަފީއު ވަނީ މަތަކޮށްފަ އެވެ. އަދި، އޭގެ ފަހުން، މާޒިޔާގެ ހަތް ވަނަ ޕެނަލްޓީ، ހުސެއިން ސިފާއު (ކުރޯ) ފޮނުވާލިިއިރު، އެ ބޯޅަ ވެސް ހުއްޓުވައި، ކީޕަރު ޝަފީއު، އޮޑި އަށް ޗެމްޕިއަންކަން ހޯދައިދިނުމުގެ ބޮޑު ރޯލެއް އަދާކުރި އެވެ.

ރޭގެ ފައިނަލަށް ފަހު ޝަފީއު އުފާފާޅުކުރަނީ.،--- ފޮޓޯ: ނިޝާްން އަލީ / މިހާރު

ޝަފީއު ބުނީ ޕެނަލްޓީ އަށް ދިޔައިރު އަމިއްލަ ނަފްސާ މެދު ވެސް ވަރަށް އިތުބާރު އޮތް ކަމަށެވެ.

"އެއީ، އެއްވެސް ޕްރެޝަރެއް ނުނަގައި، އެންމެ ފަހު ގަޑިއާ ހަމައަށް ވެސް ކޯޗު އިރުޝާދުދީފައި އިންނަ ގޮތަށް ހަމަ، މަޑުކޮށްފައި، ޕެނަލްޓީ ރީޑްކޮށްފައި ރަނގަޅަށް ނެގޭތޯ މަސައްކަތްކުރީ، އިތުބާރު އޮތް އަމިއްލަ ނަފްސަށް ވެސް،" ޝަފީއު ބުންޏެވެ.

"ޕެނަލްޓީ އަށް އަނެއްހެން ބުނަންޏާ، ޕްރެޒިޑެންޓްސް ކަޕް ފަށައިގެން ސެމީއާ ހިސާބަށް ދިޔަ ހިސާބުން ކޮންމެ ދުވަހަކު ޕެނަލްޓީ އަށް ރެޑީވަމުން މި ދަނީ ހަމަ،"

ޝަފީއުގެ ހާއްސަ ރޯލަކާ އެކު، އޮޑިން މި ވަނީ ފުރަތަމަ ޑިވިޝަނުގެ އަލަތު އަހަރު ބޮޑު ކާމިޔާބެއް ހޯދައިފަ އެވެ. އޮޑި އަކީ ފުރަތަމަ ޑިވިޝަނުގައި ވާދަކުރި ފުރަތަމަ ސީޒަނުގައި މި ވަރުގެ ކާމިޔާބެއް ހޯދި ފުރަތަމަ ޓީމެވެ. ޝަފީއު ބުނީ، މިއީ ވަރަށް ބޮޑު ހިތްހަމަޖެހުމެއް ލިބިގެންދިޔަ ކާމިޔާބެއް ކަމަށެވެ.

"މި ވަރުގެ ކްލަބަކަށް މި ވަރުގެ ކާމިޔާބެއް ހޯދައިދެވުނީމަ އަލްހަމްދުލިއްލާހި، ވަރަށް ބޮޑު ކާމިޔާބެއް މިއީ އަސްލު. މާޒިޔާ ކަހަަލަ ޓީމެއް ބަލިކޮށްފައި، މި ސީޒަނުގައި އެ މީހުން ބަލިނުވޭ ކަންނޭނގެ، ބަލިނުވާ ޓީމެއް އަތުން ޕެނަލްޓީން ވިޔަސް މޮޅުވެގެން އަހަރެމެންނަށް ތަށްޓެއް ލިބުމަކީ ވަރަށް ބޮޑު ކާމިޔާބެއް އަސްލު،" ޝަފީއު ބުންޏެވެ.

އޮޑިގެ ކީޕަރުންނާއި ކޯޗިން ސްޓާފުންނާ އެކު ޝަފީއު (މ) މުބާރާތުގެ ތަށި ހިފައިގެން ފޮޓޯ އަކަށް ހުއްޓިލައިގެން.---- ޕޮޓޯ: ރާއިފް ޔޫސުފް / އަދަދު ސްޕޯޓްސް

މީގެ ކުރިން ދެ ފަހަރެއްގެ މަތިން ޕްރެޒިޑެންޓްސް ކަޕް ކާމިޔާބުކޮށްފައިވީ ނަމަވެސް، މި ފަހަރުގެ ފައިނަލް ޝަފީއުގެ ކެރިއަރަށް ވެސް ހުރިހާ ގޮތަކުން ހާއްސަ އެވެ. ކުޅުމުގެ ކަންކަމަށް ބަލާއިރު، ޝަފީއު ފާހަގަކުރީ މިއީ، މި ވަރުގެ ތިން ވަނަ ފައިނަލް ކަމަށާއި ކުރިން އެ ދިޔަ ފައިނަލްތަކުގައި އެ މާޔޫސްކަން ހަނދާނުން ފޮހެލުމަށްޓަކައި، އޮޑިއާ އެކު މި ހޯދުނީ ބޮޑު ކާމިޔާބެއް ކަމަށެވެ.

"ކެރިއަރަށް ބަލަންޏާ އެންމެ ބޮޑު ކާމިޔާބު މިއީ. ތިން ވަނަ ފައިނަލް މިއީ ކުޅެވުނު. ފުރަތަމަ ދޭތި ވެސް ދިޔައީ އެންމެ ހިތްހަމަޖެހޭ ގޮތަކަށް ނޫން ކަންނޭނގެ. މީތި ބޭނުންވީ، އާ ކްލަބަކަށް ބޮޑު ކަމެއް ކޮށްދެން ބޭނުންވެފައި ހުރި ވަރު މި ފެނުނީ ހުރިހާ ކުޅުންތެރިންގެ ފަރާތުން ވެސް،" ޝަފީއު ބުންޏެވެ.

ފުރަތަމަ ޑިވިޝަނުގައި ޝަފީއު ވަނީ، ނިއު ރޭޑިއަންޓް ސްޕޯޓްސް ކްލަބް، ކްލަބް ވެެލެންސިއާ، ކްލަބް އީގަލްސް އަދި ސުޕަ ޔުނައިޓެޑް ސްޕޯޓްސް (ސަސް) އަށް ވެސް ކުޅެފަ އެވެ.

އޮޑީގެ ވަގުތީ ކޯޗަކަށް މި އަހަރުގެ ކުރީކޮޅުގައި މަސައްކަތްކުރި ފަރުހާދު އިސްމާއިލް (ފަރޭ)އާ އެކު ނުކުމެ، އޮޑިން އެފްއޭމް ލީގު ކަޕް ފައިނަލުގައި މާޒިޔާ އަތުން 4-0 އިން އަތުން ބަލިވި އެވެ. ގާސިއާ ހަވާލުވި ފަހުން، އޮޑިން މާޒިޔާއާ ފަރަގުކުޑަކުރަން ފެށި އެވެ. އެ ގޮތުން، ދިވެހި ޕްރިމިއާ ލީގުގެ ފުރަތަމަ ބުރުގެ މެޗުގައި މާޒިޔާ އިން ފަހު ވަގުތު ލަނޑު ޖަހައިގެން 1-0 އިން އޮޑި އަތުން މޮޅުވި އެވެ. އަދި، ލީގުގެ ދެ ވަނަ ބުރުގެ މެޗުގައި އޮޑިގެ ކުޅުންތެރިއަކު މަދުކޮށް ބޮޑުބައި ކުޅެން ޖެހުނު މެޗުން މާޒިޔާ މޮޅުވީ ވެސް 1-0 އިންނެވެ. އެކަމަކު، ރޭގެ ފައިނަލުގައި އޮޑިން މި ވަނީ މި ދެ ޓީމު ބައްދަލުކުރި ފުރަތަމަ ތިން މެޗާ ހިލާފަށް ނަތީޖާ ނެރެފަ އެވެ. ނަތީޖާ ނެރުމުގައި އެންމެ އިސް ދައުރެއް އަދާކުރީ މި ފައިނަލުގެ ވާހަކަތަކާ އެންމެ ބޮޑަށް ގުޅިފައިވާ އޮޑީގެ ކީޕަރު ޝަފީއު އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox